Jump to content

EU ပၼ်တၢမ်ႇငိုၼ်း Meta 840 လၢၼ်ႉတေႃႇလႃႇ ယွၼ်ႉလွင်ႈႁဵတ်းသၢင်ႈ ဢၼ်ဢမ်ႇမႅၼ်ႈၸွမ်းပိူင် လွၵ်းၵၢတ်ႇ

ထႅမ်သႂ်ႇ လိင်ႉၶ်
လုၵ်ႉတီႈ ဝီႇၶီႇၶၢဝ်ႇ မႃး

ဝၼ်းသုၵ်း၊ ၼူဝ်ႇဝႅမ်ႇပႃႇ 15၊ 2024

ငဝ်ႈငုၼ်း Meta

မိူဝ်ႈဝၼ်းၽတ်းၼၼ်ႉ ၶွမ်ႇမသျိၼ်ႇ ယူးရူပ်ႉ ပၼ်တၢမ်ႇငိုၼ်း ၶွမ်ႇပၼီႇ Meta Platforms တေႃႇလႃႇ 840.24 လၢၼ်ႉ ယွၼ်ႉ လွင်ႈႁဵတ်းသၢင်ႈ ဢၼ်ဢမ်ႇမႅၼ်ႈၸွမ်းပိူင် ဢၼ်ႁဵတ်းႁႂ်ႈ မီးၽွၼ်းလီ တႃႇ ၾဵတ်ႉပုၵ်ႉ Marketplace ၼၼ်ႉ ၼႆယဝ်ႉ။

ၶွမ်ႇrသျိၼ်ႇ ယူးရူပ်ႉ ပိုၼ်ၽၢဝ်ႇဝႃႈ လွင်ႈဢၼ် ၵွင်ႉသၢၼ် ၵၢၼ်ပိုၼ်ၽၢဝ်ႇ လွၵ်းၵၢတ်ႇ ၼိူဝ်ဢွၼ်ႇလၢႆး ၾဵတ်ႉပုၵ်ႉ တင်း ဝႅပ်ႉသၢႆႉ တူင်ႇဝူင်းၵူၼ်း ၾဵတ်ႉပုၵ်ႉ သုၼ်ႇတူဝ်ၼၼ်ႉ မၼ်းပူၼ်ႉပႅၼ် ပၵ်းပိူင် ဢၼ်ဢမ်ႇယုမ်ႇယမ်ၵၼ် ၶွင် EU သေဢမ်ႇၵႃး ဢမ်ႇမီးလွင်ႈၽဵင်ႇပဵင်း ၵၢၼ်ၶၢႆ ၼိူဝ်ဢွၼ်ႇလၢႆး တၢင်ႇၸိူဝ်းၼႆယဝ်ႉ။

မိူဝ်ႈလဵဝ် ၶွမ်ႇပၼီႇ Meta လၢတ်ႈဝႃႈ တေယွၼ်းၼွမ်း ၶေႃႈတႅပ်းတတ်း ၶွမ်ႇမသျိၼ်ႇ ယူးရူပ်ႉ ၼႆသေ လၢတ်ႈဝႃႈ တေႁဵတ်းၸွမ်း ၶေႃႈတႅပ်းတတ်းၼၼ်ႉသေ တေဢဝ်လၢႆးတၢင်း ဢၼ်လူဝ်ႇၼၼ်ႉ ဝႆးဝႆး ႁႂ်ႈမီးၽွၼ်းလီ ၼႆယဝ်ႉ။ ဝၢႆးသေ ၶွမ်ႇမသျိၼ်ႇ ယူးရူပ်ႉ ၼႄးဝႃႈ ၶွမ်ႇပၼီႇပၢႆးၸၢင်ႈ ဢမႄႇရိၵၢၼ်ႇ ဢၼ်ႁဵတ်းၵၢၼ် ပိုၼ်ၽၢဝ်ႇ ၼိူဝ်ဢွၼ်ႇလၢႆး ဢၼ်ပဵၼ် ၾဵတ်ႉပုၵ်ႉ Marketplace ႁူမ်ႈၵၼ်တင်း ဝႅပ်ႉသၢႆႉ တူင်ႇဝူင်းၵူၼ်း သုၼ်ႇတူဝ် ၼႆသေ ၸႂ်ႉတိုဝ်း လွၵ်းၵၢတ်ႇ ဢွၼ်ႇလၢႆးၼႅတ်ႉ လူၺ်ႈ ဢမ်ႇမႅၼ်ႈၸွမ်းတြႃးၼၼ်ႉ ႁိုင်မႃး သွင်ပီယဝ်ႉ ၸင်လႆႈ ပၼ်တၢမ်ႇငိုၼ်း ၼပ်ႉႁူဝ်ပၢၵ်ႇလၢၼ်ႉတေႃႇလႃႇ ၼႆယဝ်ႉ။

တႄႇဢဝ်လိူၼ်ၸူႇလၢႆႇ 2021 မႃး ၶွမ်ႇမသျိၼ်ႇ ယူးရူပ်ႉ လႆႈၵူတ်ႇထတ်း ပဵၼ်တၢင်းၵၢၼ်ဝႃႈ ၾဵတ်ႉပုၵ်ႉၼႆႉ ႁဵတ်းလွင်ႈသၢၼ်ၶတ်း လွင်ႈၶႄႉၶဵင်ႇ ၼႂ်းလွၵ်းၵၢတ်ႇဢွၼ်ႇလၢႆး ယူႇႁႃႉ ၼႆၼၼ်ႉယဝ်ႉ။

ၾဵတ်ႉပုၵ်ႉၼႆႉ ပိုတ်ႇၽုၺ်ႇ Marketplace မိူဝ်ႈပီ 2016 သေ ယူႇထႅင်ႈပီ ႞ လႆႈ မႄႇၶႂၢၵ်ႈၵႂႃႇထိုင် မိူင်းယူးရူပ်ႉလၢႆလၢႆမိူင်း။


ငိူၼ်ႈငဝ်ႈၶၢဝ်ႇ

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=EU_ပၼ်တၢမ်ႇငိုၼ်း_Meta_840_လၢၼ်ႉတေႃႇလႃႇ_ယွၼ်ႉလွင်ႈႁဵတ်းသၢင်ႈ_ဢၼ်ဢမ်ႇမႅၼ်ႈၸွမ်းပိူင်_လွၵ်းၵၢတ်ႇ&oldid=9983"