Jump to content

ႁိူဝ်းမိၼ် သၢႆၵၢၼ်မိၼ် ဢႃႇၸႃႇပၢႆႇၸၼ်ႇ တူၵ်းတီႈမိူင်းၶႃႇၸၢၵ်ႈသတၢၼ်ႇ ၵူၼ်းတၢႆ 38 ၵေႃႉ

ထႅမ်သႂ်ႇ လိင်ႉၶ်
လုၵ်ႉတီႈ ဝီႇၶီႇၶၢဝ်ႇ မႃး

ဝၼ်းၽတ်း၊ တီႇသႅမ်ႇပႃႇ 26၊ 2024

ႁိူဝ်းမိၼ် သၢႆၵၢၼ်မိၼ် ဢႃႇၸႃႇပၢႆႇၸၼ်ႇ

မိူဝ်ႈဝၼ်းပုတ်ႉၼၼ်ႉ ႁိူဝ်းမိၼ် ဢႃႇၸႃႇပၢႆႇၸၼ်ႇ ဢၼ်ပႃးၵူၼ်း 67 ၵေႃႉၼၼ်ႉ တူၵ်းၵႂႃႇ တီႈမိူင်းၵႃႇၸၢၵ်ႈသတၼ်ႇ ပွတ်းတူၵ်း ႁိမ်းဝဵင်းဢႅၵ်ႉတၢဝ်ႇသေ ၵူၼ်းတၢႆ 38 ၵေႃႉ လႄႈ ၵူၼ်းလွတ်ႈၽေး 29 ၵေႃႉ ၼႆယဝ်ႉ။

ၵူၼ်းၸိူဝ်းလွတ်ႈၽေး 29 ၵေႃႉ လႆႈယူတ်းယႃတူဝ်တီႈႁူင်းယႃ။

ဝၢႆးသေ ၸုမ်းပႂ်ႉတူၺ်း သၢႆၵၢၼ်မိၼ် ရတ်ႈသျႃးၶဝ် လၢတ်ႈဝႃႈ ပဵၼ်လွင်ႈၶိုၵ်ႉၶၵ်ႉ ဢၼ်ၸၢင်ႈပဵၼ် ယွၼ်ႉ ၽႃႇၺႃးၼူၵ်ႉၼၼ်ႉယဝ်ႉ ၶိူင်ႈမိၼ် ဢႃႇၸႃႇပၢႆႇၸၢၼ်ႇ J2-8243 ၼႆႉ လႆႈမိၼ်ဢွၵ်ႇ တီႈသဵၼ်ႈတၢင်း ဢၼ်မၼ်း လႆႈၶပ်ႉၶိုင်ဝႆႉၼၼ်ႉ ၼပ်ႉႁူဝ်ပၢၵ်ႇလၵ်းသေ လႆႈတူၵ်းၵႂႃႇ တီႈၽင်ႇပၢင်ႇလၢႆႇ ၶႅတ်ႉသပီႇယႅၼ်ႇ ၽၢႆႇၼႃႈၼၼ်ႉယဝ်ႉ။ ၵူၺ်းၵႃႈ ၽူႈလူင်ႉလႅၼ်ႇ သၢႆၵၢၼ်မိၼ် ၵေႃႉ႞ ပၼ်တၢင်းႁၼ်ထိုင်ဝႃႈ လွင်ႈတၢင်းမၼ်း မိူၼ်ဢမ်ႇပဵၼ်လႆႈ။

ၵွပ်ႈသင် မၼ်းၶၢမ်ႈပၢင်ႇလၢႆႇၵႂႃႇၼႆ ၽူႈမီးပုၼ်ႈၽွၼ်းၶဝ် ဢမ်ႇလၢတ်ႈၼႄၵမ်းလဵဝ်သေတႃႉ ဝၢႆးသေ တရုၼ်း ယူႇၶရဵၼ်း ဢၼ်ဢမ်ႇမီးၵူၼ်းၶီႇၼၼ်ႉ ယိုဝ်းသႂ်ႇ တီႈၸႄႈမိူင်း Chechnya မိူင်းရတ်ႈသျႃး ပွတ်းၸၢၼ်း ၼႂ်းလိူၼ်ၼႆႉယဝ်ႉ ၸင်ႇလႆႈတူၵ်းၵႂႃႇ ၼႆယဝ်ႉ။ တီႈၶူင်ႇႁိူဝ်းမိၼ် ရတ်ႈသျႃး ဢၼ်ၸမ်သုတ်း ဢၼ်မီးတီႈ သဵၼ်ႈတၢင်းႁိူဝ်းမိၼ် တေမိၼ်ၼၼ်ႉ လႆႈဢိုတ်းဝႆႉ မိူဝ်ႈဝၼ်းပုတ်ႉၼၼ်ႉယဝ်ႉ။

ၵိပ်ႉၾ် ဢမ်ႇယွမ်းႁပ်ႉဝႃႈ ၼႂ်းလိူၼ်ၼႆႉ လႆႈယိုဝ်းသႂ်ႇ ဝဵင်းၵရူဝ်ႇၸီႇ တီႈ ၶျႅတ်ႉသျႅၼ်ႇ ဢၼ်ပဵၼ်တီႈ ႁိူဝ်းမိၼ် တေၵႂႃႇၼၼ်ႉ။

ၸွမ်ပွင်ၸိုင်ႈ ဢႃႇၸႃႇပၢႆႇၸၢၼ်ႇ ဢီႇလ်ႁၢမ်ႇ ဢႃႇလီႇယႅပ်ႉ လၢတ်ႈဝႃႈ ၸွမ်းၼင်ႇ ၶေႃႈမုၼ်း ဢၼ်မၼ်းလႆႈႁပ်ႉၼၼ်ႉသေ ယွၼ်ႉၾိင်ႈၾႃႉဢမ်ႇလီလႄႈ ႁိူဝ်းမိၼ်ၼၼ်ႉ လႅၵ်ႈလၢႆႈတၢင်းၵႂႃႇသေတႃႉ မၼ်းသိုပ်ႇလၢတ်ႈဝႃႈ လွင်ႈတၢင်းမၼ်းတႄႉ ဢမ်ႇႁူႉလႄႈ တေလႆႈၵူတ်ႇထတ်း ႁႂ်ႈတဵမ်ထူၼ်ႈၼႆယဝ်ႉ။

လွင်ႈၼႆႉ ပဵၼ်လွင်ႈလီၸႂ်လဵၵ်ႉၶေႃးၶူမ် ဢၼ်ပဵၼ်မႃး လွင်ႈမွင်ၸႂ်လူင် တႃႇၵူၼ်းမိူင်းဢႃႇၸႃႇပၢႆႇၸၼ်ႇ ၼႆယဝ်ႉ။

ၼႂ်းငဝ်းတူင်ႉ ဢၼ်ႁိူဝ်းမိၼ်တူၵ်းၼၼ်ႉ ၼႄဝႆႉဝႃႈ ႁိူဝ်းမိၼ်ၼၼ်ႉ လူင်းမႃးဝႆးဝႆး မိူဝ်ႈပႆႇတႅၵ်ႇပဵၼ်ၾႆး မိူဝ်ႈမၼ်းၽႃႇၺႃး ၽင်ႇပၢင်ႇလၢႆႇၼၼ်ႉသေ ဝၢႆးၼၼ်ႉ လႆႈႁၼ် ၵွၼ်းၽႆးလမ် ၶိုၼ်ႈမႃး။ ၵူၼ်းၶီႇႁိူဝ်းမိၼ် ဢၼ်ဢွၵ်ႇလိူတ်ႈ လႄႈ ဢၼ်ၸဵပ်းသႅပ်ႇၼၼ်ႉ လႆႈႁၼ် လုၵ်ႉတီႈ ပွတ်းတွၼ်ႈ တူဝ်ႁိူဝ်းမိၼ် ဢၼ်ၵိုတ်းဝႆႉၼၼ်ႉ ၼႆယဝ်ႉ။ ၸွမ်းၼင်ႇ ၽူႈမီးပုၼ်ႈၽွၼ်း မိူင်းၵႃႇၸၢၵ်ႇသတၼ်ႇၶဝ် လၢတ်ႈၼၼ်ႉ ၵူၼ်းၸိူဝ်းၶီႇၼိူဝ်ႁိူဝ်းမိၼ်ၼၼ်ႉ ပႃးၵူၼ်းမိူင်းဢႃႇၸႃႇပၢႆႇၸၼ်ႇ 37 ၵေႃႉ၊ ၵူၼ်းမိူင်း ရတ်ႈသျႃး 16 ၵေႃႉ၊ ၵူၼ်းမိူင်း ၵႃႇၸၢၵ်ႇသတၼ်ႇ 6 ၵေႃႉ လႄႈ ၵူၼ်းမိူင်း ၵႃႇၵိတ်ႈသတၼ်ႇ 3 ၵေႃႉ ဝႃႈၼႆယဝ်ႉ။


ငိူၼ်ႈငဝ်ႈၶၢဝ်ႇ

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=ႁိူဝ်းမိၼ်_သၢႆၵၢၼ်မိၼ်_ဢႃႇၸႃႇပၢႆႇၸၼ်ႇ_တူၵ်းတီႈမိူင်းၶႃႇၸၢၵ်ႈသတၢၼ်ႇ_ၵူၼ်းတၢႆ_38_ၵေႃႉ&oldid=10301"