Jump to content

ႁိူဝ်းမိၼ်ၶႄႇ Y-9 ၵဵပ်းၶေႃႈမုၼ်းၶၢဝ်ႇ ပူၼ်ႉပႅၼ်ၼႃႈလိၼ်ၵၢင်ႁၢဝ်ၵျႃႇပၢၼ်ႇ

ထႅမ်သႂ်ႇ လိင်ႉၶ်
လုၵ်ႉတီႈ ဝီႇၶီႇၶၢဝ်ႇ မႃး

ဝၼ်းဢင်းၵၢၼ်း၊ ဢေႃးၵၢတ်ႉ 27၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=ၵျႃႇပၢၼ်ႇ notcategory=disputed notcategory=no publish namespace=Main addfirstcategorydate=true count=5 </dynamicpagelist>

ဢွင်ႈတီႈ မိူင်းၵျႃႇပၢၼ်ႇ
ႁူမ်ႈသၢင်ႈ!
ၵျႃႇပၢၼ်ႇ
ၵျႃႇပၢၼ်ႇ
ႁိူဝ်းမိၼ်ၶႄႇ Y-9 ၵဵပ်းၶေႃႈမုၼ်းၶၢဝ်ႇ

ႁိူဝ်းမိၼ်သိုၵ်းၶႄႇ ဢၼ်ပူၼ်ႉပႅၼ်ၶဝ်ႈမႃး ၼႂ်း ၼႃႈလိၼ်ၵၢင်ႁၢဝ် ၵျႃႇပၢၼ်ႇ မိူဝ်ႈဝၼ်းၸၼ်ၼၼ်ႉ လႆႈထုၵ်ႇ ႁိူဝ်းမိၼ်တိုၵ်း ၵျႃႇပၢၼ်ႇ ပၼ်ၾၢင်ႉ ႁႂ်ႈဢွၵ်ႇၵႂႃႇ ၼႆယဝ်ႉ။ ၶေႃႈပိုၼ်ၽၢဝ်ႇ ဢၼ်ထၢၼ်ၽွင်းလူင်ၶဝ် ဢွၵ်ႇၼၼ်ႉ မၵ်းမၼ်ႈဝႃႈ ႁိူဝ်းမိၼ်သိုၵ်းၶႄႇ ၶဝ်ႈပူၼ်ႉပႅၼ် ၼႃႈလိၼ်ၵၢင်ႁၢဝ် ၵုၼ် Danjo ဢၼ်မီးတီႈ ၸႄႈမိူင်း Nagasaki ၼၼ်ႉ ၼႆယဝ်ႉ။

ထၢၼ်ၽွင်းလူင် ၵၢၼ်ၵႅတ်ႇၵင်ႈ မိူင်းၵျႃႇပၢၼ်ႇၵေႃႈ ဢွၵ်ႇၶေႃႈပိုၼ်ၽၢဝ်ႇဝႆႉဝႃႈ ယွၼ်ႉငဝ်းလၢႆးၶိုၵ်ႉၶၵ်ႉလႄႈ ၸင်ႇလႆႈသူင်ႇႁိူဝ်းမိၼ်ၸိူဝ်းၼႆႉ ၼႆယဝ်ႉ။ ႁိူဝ်းမိၼ်ပႂ်ႉတူၺ်း မိူင်းၶႄႇ Y-9 ၼၼ်ႉ ၶဝ်ႈၵႂႃႇၼႂ်းၼႃႈလိၼ်ၵၢင်ႁၢဝ် ၵျႃႇပၢၼ်ႇ ယၢမ်း 11:29 မူင်းသေ မိၼ်ၵႂႃႇ မွၵ်ႈ 2 မိၼိတ်ႉ ၼႆယဝ်ႉ။

ၵဵဝ်ႇၵပ်းလွင်ႈၼႆႉ ယူႇတီႈၸဝ်ႈၼႃႈတီႈၶႄႇၶဝ် ပႆႇလၢတ်ႈသင်သင်။ သိုဝ်ႇၶၢဝ်ႇၼႂ်းပိုၼ်ႉတီႈ ပႃးၸဵမ် NHK လၢတ်ႈဝႃႈ ႁိူဝ်းမိၼ်သိုၵ်းၶႄႇ ၶဝ်ႈမႃးၼႂ်းၼႃႈလိၼ်ၵၢင်ႁၢဝ် ၵျႃႇပၢၼ်ႇၼႆႉ ပဵၼ်ပွၵ်ႈဢွၼ်တၢင်းသုတ်းၼႆယဝ်ႉ။ NHK ဢွၵ်ႇဝႆႉဝႃႈ လိူဝ်သေဝႃႈ ဢွၵ်ႇၶေႃႈပၼ်ၽၢင်ႉၵူၺ်း ဢမ်ႇလႆႈၸႂ်ႉ ၶိူင်ႈလၢၵ်ႈၼၢၵ်ႈပၼ်ၽၢင်ႉ မိူၼ်ၼင်ႇ မၢၵ်ႇၽႆးပၼ်ၽၢင်ႉ တေႃႇ ႁိူဝ်းမိၼ်သိုၵ်းၶႄႇၼၼ်ႉ ဝႃႈၼႆယဝ်ႉ။

ၵဵဝ်ႇလူၺ်ႈလွင်ႈၼႆႉသေ ၵႅမ်ၶုၼ်ၽွင်းလူင် ၵၢၼ်ၼွၵ်ႈမိူင်း မႃႇသႃႇတႃႇၵႃႇ ဢူဝ်ႇၵႃႇၼႃႇ ႁွင်ႉဢဝ် ၽွင်းတၢင်ၸူဝ်ႈၶၢဝ်းမိူင်းၶႄႇ ဢၼ်ၵဵဝ်ႇၵပ်း မိူင်းၵျႃႇပၢၼ်ႇ မိူဝ်ႈဝၼ်းၸၼ် ဝၢႆးဝၼ်းၼၼ်ႉသေ ပၼ်ၽၢင်ႉ ႁႂ်ႈႁႄႉၵင်ႈ လွင်ႈၸိူင်ႉၼႆ ယႃႇႁႂ်ႈပဵၼ်ထႅင်ႈ ဝႃႈၼႆယဝ်ႉ။


ငိူၼ်ႈငဝ်ႈၶၢဝ်ႇ

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=ႁိူဝ်းမိၼ်ၶႄႇ_Y-9_ၵဵပ်းၶေႃႈမုၼ်းၶၢဝ်ႇ_ပူၼ်ႉပႅၼ်ၼႃႈလိၼ်ၵၢင်ႁၢဝ်ၵျႃႇပၢၼ်ႇ&oldid=5120"