Jump to content

ႁိူဝ်းမိၼ်မႅင်းမီႈ ဢၼ်ပႃး ၸဝ်ႈၸွမ်ၸိုင်ႈ ဢီႇရၢၼ်း လုတူၵ်းတီႈ ပွတ်းဢွၵ်ႇ ဢႃႇၸႃႇပၢႆႇၸၼ်ႇ

ထႅမ်သႂ်ႇ လိင်ႉၶ်
လုၵ်ႉတီႈ ဝီႇၶီႇၶၢဝ်ႇ မႃး

ဝၼ်းၸၼ်၊ မေႇ 20၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=ဢီႇရၢၼ်း notcategory=disputed notcategory=no publish namespace=Main addfirstcategorydate=true count=5 </dynamicpagelist>

ဢွင်ႈတီႈ မိူင်းဢီႇရၢၼ်း
ႁူမ်ႈသၢင်ႈ!
ဢီႇရၢၼ်း
ဢီႇရၢၼ်း
ၸဝ်ႈၸွမ်ၸိုင်ႈ ဢီႇရၢၼ်း (သၢႆႉ) လႄႈ ၸဝ်ႈၸွမ်ၸိုင်ႈ ဢႃႇၸႃႇပၢႆႇၸၼ်ႇ (ၶႂႃ) ႁူပ်ႉထူပ်းၵၼ်

ၽူႈမီးပုၼ်ႈၽွၼ်း ဢီႇရၢၼ်းၶဝ် မွၵ်ႇလၢတ်ႈဝႃႈ ႁိူဝ်းမိၼ်မႅင်းမီႈ ဢၼ်တၢင်ႇ ၸဝ်ႈၸွမ်ၸိုင်ႈဢီႇရၢၼ်း လႄႈ ၽူႈမီးၸၼ်ႉ ထၢၼ်ႈသုင်ႇတၢင်းၸိူဝ်းၼၼ်ႉ လႆႈလုတူၵ်းၵႂႃႇတီး ပွတ်းႁွင်ႇမိူင်းလႄႈ တိုၵ်ႉႁဵတ်းၵၢၼ်သွၵ်ႈႁႃ တေႃႇထိုင် ဝၼ်းတိတ်ႉတွၼ်ႈၶမ်ႈၼၼ်ႉယူႇ ဝႃႈၼႆ။ ၵၢမ်ႇၵျမႃႇ ၸဝ်ႈၸွမ်ၸိုင်ႈ ဢီႇပရႃႇႁိမ်ႇရၢႆးသီႇ ၼၼ်ႉတႄႉ တေႃႇထိုင်ယၢမ်းလဵဝ် ဢမ်ႇပႆႇလႆႈႁူႉ လီလီၼင်ႇၵဝ်ႇ။

သိုဝ်ႇၶၢဝ်ႇ လူင်ပွင်ၸိုင်ႈဢီႇရၢၼ်း လၢတ်ႈဝႃႈတႄႉ ဝၼ်းတိတ်ႉ တွၼ်ႈၸဝ်ႉၼၼ်ႉ တီႈၸႄႈမိူင်း ဢႃႇၸႃႇပၢႆႇၸၼ်ႇ ပွတ်းဢွၵ်ႇ တီႈၼႂ်းမိူင်း ဢီႇရၢၼ်းၼၼ်ႉ ယွၼ်ႉရႃႇသီႇဢုတု ႁၢႆႉၸႃႉလႄႈ ႁိူဝ်းမိၼ်မႅင်းမီႈ ၸင်ႇလႆႈ လုတူၵ်းၵႂႃႇ ဝႃႈၼႆယဝ်ႉ။ တီႈၼိူဝ်ႁိူဝ်းမိၼ်မႅင်းမီႈၼၼ်ႉ ပႃးၵႂႃႇ ၸဝ်ႈၸွမ်ၸိုင်ႈရၢႆးသီႇ လႄႈ ၽွင်းလူင်ၵၢၼ်ၼွၵ်ႈမိူင်း ႁူးသဵၼ် ဢမီးရ် ဢႅပ်ႇတူဝ်းလႁီႇယႅၼ်ႇ လႄႈ တင်း ၽူႈမီးၸၼ်ႉတၢင်ႇၸိူဝ်း သွင်ၵေႃႉ ဝႃႈၼႆယဝ်ႉ။

မၼ်းလႆႈၵႂႃႇထူပ်း ၸဝ်ႈၸွမ်ၸိုင်ႈ ဢႃႇၸႃႇပၢႆႇၸၼ်ႇ ဢိလ်ႁမ်ႇ ဢလီႇယဵၾ်ႉ တွၼ်ႈတႃႇ ပၢင်ႇပွႆးပိုတ်ႇၽၢႆ ဢၼ်မီးတီႈ လႅၼ်လိၼ်သွင်မိူင်းၼၼ်ႉသေ ၽွင်းမိူဝ်းပွၵ်ႈၶိုၼ်းမႃး ႁိူဝ်းမိၼ်မႅင်းမီႈ လႆႈလုတူၵ်းတီႈႁိမ်း လႅၼ်လိၼ်သွင်မိူင်းၼၼ်ႉယဝ်ႉ။ မိူဝ်ႈဝၼ်းၸၼ်ၼၼ်ႉ ႁွင်ႈၵၢၼ်ၶၢဝ်ႇ လူင်ပွင်ၸိုင်ႈဢီႇရၢၼ်း လႆႈပိုၼ်ၽၢဝ်ႇၵႂႃႇဝႃႈ ၸဝ်ႈၸွမ်ၸိုင်ႈ ရၢႆးသီႇ တေၵႂႃႇလႅၼ်လိၼ် တွၼ်ႈတႃႇ ပၢင်ပိုတ်ႇၽၢႆ ဝႃႈၼႆယဝ်ႉ။

ၸဝ်ႈၸွမ်ၸိုင်ႈဢႃႇၸႃႇပၢႆႇၸၼ်ႇ ဢိလ်ႁမ်ႇ ဢလီႇယဵၾ်ႉ လႆႈတႅမ်ႈတၢင်ႇ တီႈၼိူဝ် သိုဝ်ႇသၢၼ်တူင်ႇၵူၼ်း X မၼ်းဝႃႈ ၵဵဝ်ႇၵပ်းလူၺ်ႈ ၶၢဝ်ႇ ႁိူဝ်းမိၼ်မႅင်းမီႈလႆႈလုတူၵ်းသေ မၼ်းလႆႈ မီးလွင်ႈမႆႈၸႂ်ၸွမ်းတႄႉႉတႄႉ ဝႃႈၼႆယဝ်ႉ။ မၼ်းလႆႈ ယွၼ်းသူးပၼ် မိူင်းပီႈၼွင်ႉဢူၺ်းလီမၼ်းသေ မၼ်းလႆႈၵၢႆႇၵႂၢမ်းပႃး တႃႇပၼ်ႇတၢင်းၸွႆႈထႅမ် ဝႃႈၼႆယဝ်ႉ။ တီႈၶၢဝ်ႇဢီႇရၢၼ်ႇလၢတ်ႈဝႃႈတႄႉ တီႈဢၼ် ႁိူဝ်းမိၼ်မႅင်းမီႈ လုတူၵ်းၼၼ်ႉ ယွၼ်ႉပိူဝ်ႈမိူင်းမူဝ်းဝႆႉသေ ဢမ်ႇလႆႈႁၼ်ၸႅင်ႈလႅင်းလီလႄႈ ၵူၼ်းၽူတ်ႇၸွႆႈၶဝ် လႆႈပႆတိၼ်ၵႂႃႇဢဝ် ဝႃႈၼႆယဝ်ႉ။


ငိူၼ်ႈငဝ်ႈတိုၼ်း

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=ႁိူဝ်းမိၼ်မႅင်းမီႈ_ဢၼ်ပႃး_ၸဝ်ႈၸွမ်ၸိုင်ႈ_ဢီႇရၢၼ်း_လုတူၵ်းတီႈ_ပွတ်းဢွၵ်ႇ_ဢႃႇၸႃႇပၢႆႇၸၼ်ႇ&oldid=5096"