ၽွင်းလူင်ၵၢၼ်ၼွၵ်ႈမိူင်း ၵၢၼ်ႇ ထိုင် ဢိတ်ႇသရေး တႃႇဢုပ်ႇဢူဝ်းလွင်ႈၵိုတ်းတိုၵ်းၵႃႇၸႃႇ
ဝၼ်းပုတ်ႉ၊ မေႇ 1၊ 2024
မိူဝ်ႈဝၼ်းဢင်းၵၢၼ်းၼၼ်ႉ ၽွင်းလူင် ၵၢၼ်ၼွၵ်ႈမိူင်း ဢမႄႇရိၵၢၼ်ႇ ပလိၼ်ႇၵႅၼ်ႇ လႆႈႁွတ်ႈထိုင် ဢိတ်ႇသရေးသေ တွၼ်ႈတႃႇပၼ်ႁဵင်းဢီး တႃႇၶေႃႈၽွမ်ႉၸႂ် လွင်ႈၵိုတ်းတိုၵ်း တီႈၼႂ်းၵႄႈ ဢိတ်ႇသရေး ႁႃးမၢတ်ႉသ် ၼၼ်ႉ ၼႆယဝ်ႉ။
မိူဝ်ႈတိုၵ်ႉမီးယူႇတီႈ မိူင်းၵျေႃႇတၼ်ႇၼၼ်ႉ ပလိၼ်ႇၵႅၼ်ႇ လႆႈတုၵ်းယွၼ်း ၸုမ်းႁႃးမၢတ်ႉသ် တႃႇႁႂ်ႈႁပ်ႉၶေႃႈတူၵ်းလူင်း လွင်ႈၵိုတ်းတိုၵ်းသေ ပွႆႇပၼ် ၵူၼ်းၸိူဝ်းတိၺွပ်းဝႆႉၼၼ်ႉ ဝႃႈၼႆယဝ်ႉ။ မိူဝ်ႈတွၼ်ႈၸဝ်ႉ ဝၼ်းဢင်းၵၢၼ်းၼၼ်ႉ ယွၼ်ႉပိူဝ်ႈ ဢိတ်ႇသရေးၶဝ် ပိုတ်ႇပၼ် လၢၼ်ႇၵူတ်ႇထတ်း ဢၼ်မီးတီႈ တၢင်းၶွႆႈ Erez ၼၼ်ႉလႄႈ ပလိၼ်ႇၵႅၼ်ႇ လႆႈတူၺ်း ဢၼ် ထႅဝ်လူတ်ႉတၢင်ႇၵုၼ်ႇ လွင်ႈၸွႆႈထႅမ်ၵျေႃႇတၼ်ႇၼၼ်ႉ လႆႈဢွၵ်ႇၵႂႃႇၼၼ်ႉယဝ်ႉ။
လႆႈႁၼ်သဵၼ်ႈတၢင်း ဢၼ်လုၵ်ႉတီႈ Erezသေ တေၸၢင်ႈ လုၵ်ႉတီႈ ၵျေႃႇတၼ်ႇသေ သူင်ႇတၢင်းၸွႆႈထႅမ်ၵမ်းသိုဝ်ႈလႆႈၸူး ၵႃႇၸႃႇပွတ်းႁွင်ႇၼၼ်ႉယူႇ။ ပလိၼ်ႇၵႅၼ်ႇ မွၵ်ႇလၢတ်ႈ ၽူႈဢဝ်ၶၢဝ်ႇၶဝ်ဝႃႈ လွင်ႈၸွႆႈထႅမ်ၸုပ်ႈၼိုင်ႈၼႆႉ ဢွၵ်ႇၵႂႃႇ ဝၼ်းမိူဝ်ႈၼႆႉယဝ်ႉ ဝႃႈၼႆ။ ၸဵမ်မိူဝ်ႈတႄႇပဵၼ်သိုၵ်း ဢွၵ်ႇထူဝ်ႇပႃႇ 7 ဝၼ်းၼၼ်ႉသေ ဢမ်ႇပေႃးၸႂ်ႉ သဵၼ်ႈတၢင်းဢၼ်ၼႆႉယဝ်ႉ။
ၽူႈမီးပုၼ်ႈၽွၼ်း ဢိတ်ႇသရေးၶဝ်လၢတ်ႈဝႃႈ ယွၼ်ႉပိူဝ်ႈ ႁႃးမၢတ်ႉသ်ၶဝ် လႆႈယႃႉပႅတ်ႈ သဵၼ်ႈတၢင်းၼႆႉ ၸဵမ်မိူဝ်ႈ ၶဝ်ၶဝ်ႈတိုၵ်းတေႃး ဢိတ်ႇသရေးပွတ်းၸၢၼ်းၼၼ်ႉလႄႈ တိုၵ်ႉလူဝ်ႇၶိုၼ်းၵေႃႇသၢင်ႈ ဝႃႈၼႆယဝ်ႉ။ ဢိတ်ႇသရေးၶဝ် လႆႈပၼ်ၵႂၢမ်းမၼ်ႈမႃး ယွၼ်ႉပိူဝ်ႈ ႁဵင်းတဵၵ်းၵူႈမိူင်းမိူင်း ၼမ်မႃးလႄႈ ၸင်ႇလႆႈပၼ်ၶႂၢင်ႉ တႃႇလုၵ်ႉတီႈ လၢၼ်ႇ လႅၼ်လိၼ် ဢီးရႅꩡ်ႉ သေ ၽွမ်ႉတႃႇႁႂ်ႈ လွင်ႈၸွႆႈထႅမ် ၵႂႃႇၸူးလႆႈ တီႈ ၵႃႇၸႃႇပွတ်းႁွင်ႇၼၼ်ႉယဝ်ႉ။
ငိူၼ်ႈငဝ်ႈတိုၼ်း
[မႄးထတ်း | မႄးထတ်းငဝ်ႈငႃႇ]- Reuters. "Blinken to travel to Jordan and Israel" — Reuters, April 28, 2024
- Agence France-Presse. "Blinken to visit Israel and Jordan on new Middle East trip" — South China Morning Post, April 29, 2024
- Edward Wong. "Blinken Praises New Aid Corridors for Gaza, but Says Residents There Need More Help" — The New York Times, April 30, 2024
- Samantha Waldenberg, Jennifer Hansler and Sam Fossum. "Blinken to travel to Israel, other key Middle Eastern countries amid stalled hostage and ceasefire negotiations" — CNN, April 28, 2024
