ၽူႈႁဵတ်းၵၢၼ်ႁၢႆႉ လူၺ်ႈလိူင်ႈၵၢၼ်ပၢႆးမိူင်း ၺႃးတၢမ်ႇၶွၵ်ႈ 30 ပီ
ဝၼ်းသဝ်၊ မေႇ 18၊ 2024
မိူဝ်ႈဝၼ်းသုၵ်းၼၼ်ႉ ၵူၼ်းၸၢႆးၵေႃႉၼိုင်ႈ လႆႈထုၵ်ႇၺႃးတၢမ်ႇၶွၵ်ႈ 30 ပီ ၵဵဝ်ႇၵပ်းလူၺ်ႈလိူင်ႈ ဢၼ်ဢၢၼ်းတိၺွပ်း ၼၼ်ႇသီႇပလူဝ်ႇသီႇ ဢၼ်တိုၵ်ႉႁၢပ်ႇၵၢၼ် ၽူႈၼမ်းသၽႃးတႂ်ႈ ဢမႄႇရိၵၢၼ်ႇ ၼၼ်ႉလႄႈဢမ်ႇၵႃး ဢၢၼ်းဢဝ် ၶွၼ်ႉၸွၵ်းသေ ႁဵတ်းႁၢႆႉပႃး ၵေႃႉပဵၼ် ၸဝ်ႈၽူဝ် ၼၼ်ႇသီႇပလူဝ်ႇသီႇ ၼၼ်ႉယဝ်ႉ။
ယွၼ်ႉပိူဝ်ႈ လုမ်းတတ်းသိၼ် လႆႈထတ်းသၢင်ဝႃႈ ၵပ်းၵၢႆႇလူၺ်ႈ လွင်ႈႁဵတ်းႁၢႆႉၸိူဝ်းၼႆႉ ယွၼ်ႉ David DePape ဢၼ်ပဵၼ်ၵူၼ်းၸၢႆးဢမႄႇရိၵၢၼ်ႇ ဢႃႇယု 44 ပီၼၼ်ႉ လွင်ႈဢၼ်မၼ်းလႆႈႁဵတ်းၵၢၼ်ႁၢႆႉမႃး ပဵၼ်ဢၼ်ၸႅင်ႈလႅင်းလီလႄႈ ၽူႈထတ်းသိၼ် မိူင်းႁူမ်ႈတုမ် ၸင်ႇလႆႈပၼ် တၢမ်ႇၶွၵ်ႈ 30 ပီယဝ်ႉ။ ၽူႈတၢင်ၼႃႈလူင်ပွင်ၸိုင်ႈၶဝ် တၢင်ႇလၢတ်ႈမႃး မၼ်းထုၵ်ႇၺႃးတၢမ်ႇ 40 ပီ ဝႃႈၼႆယဝ်ႉ။
DePape လႆႈယိုၼ်လၢတ်ႈဢွၵ်ႇဝႃႈ မိူဝ်ႈလိူၼ်ဢွၵ်ႇထူဝ်ႇပႃႇ ၸမ်သဵင် မိူဝ်ႈပီၵၢႆၼၼ်ႉ မၼ်းလႆႈ လၵ်ႉၶဝ်ႈၼႂ်းႁိူၼ်း ၼၼ်ႇသီႇပလူဝ်ႇသီႇ ဢၼ်မီးတီႈ သၼ်ႇၾရၼ်ႇသိတ်ႇသ်ၵူဝ်ႇသေ ဢၢၼ်းတိၺွပ်းတူဝ်မၼ်းၼၢင်း ဝႃႈၼႆယဝ်ႉ။ လိူဝ်သေ ၼၼ်ႉဢမ်ႇၵႃး ၽွင်းမိူဝ်ႈ ပလိၵ်ႈ ၽၢႆႇႁူမ်ႇလူမ်ႈၶဝ် ႁွတ်ႈမႃးၼၼ်ႉၵေႃး မၼ်းဢၢင်ႈဢဝ် ၶွၼ်ႉၸွၵ်းသေ ထုပ်ႉပေႃႉ ပေႃးလ်ပႄႇလူဝ်ႇသီႇ ဢၼ်ပဵၼ် ၸဝ်ႈၽူဝ် ၼၼ်ႇသီႇပလူဝ်ႇသီႇၼၼ်ႉယဝ်ႉ။
DePape ၼႆႉ တွၼ်ႈတႃႇ လိူင်ႈဢၼ်ၼိုင်ႈ လႆႈၺႃးတၢမ်ႇၶွၵ်ႈ 30 ပီ လႄႈ တွၼ်ႈတႃႇ လိူင်ႈထႅင်ႈဢၼ်ၼိုင်ႈၼႆႉ လႆႈၺႃးတၢမ်ႇၶွၵ်ႈ 20 ပီသေ တွၼ်ႈတႃႇ လိူင်ႈသွင်ဢၼ် ဢၼ်ႁူမ်ႈၺႃးတၢမ်ႇၶွၵ်ႈ 30 ပီ ၼႆယဝ်ႉ။ လိူဝ်သေ ၼၼ်ႉဢမ်ႇၵႃး ၶၢဝ်းယၢမ်း ၶင်ဝႆႉ တႃႇ 18 လိူၼ်ၼၼ်ႉၵေႃႈ တေ သွၼ်ႇပႃးၵႂႃႇဝႃႈၼႆယဝ်ႉ။
ၽူႈတၢင်ၼႃႈ DePape တၢင်ႇလၢတ်ႈမႃးဝႃႈတႄႉ မၼ်းၼႆႉ ဢမ်ႇလႆႈမီး ပိုၼ်းႁဵတ်းၵၢၼ်ႁၢႆႉမႃး၊ ယဝ်ႉၵေႃႈ မၼ်းတေလႆႈလတ်းၶၢမ်ႈ ၶၢဝ်းယၢမ်းယၢပ်ႇယဵၼ်း ၸၢတ်ႈပၢၼ်မၼ်းလႄႈ ထုၵ်ႇလီပၼ်တၢမ်ႇၶွၵ်ႈ 14 ပီၵူၺ်း ဝႃႈၼႆယဝ်ႉ။
ငိူၼ်ႈငဝ်ႈတိုၼ်း
[မႄးထတ်း | မႄးထတ်းငဝ်ႈငႃႇ]- Olga R. Rodriguez. "Man gets 30 years in prison for attacking ex-Speaker Nancy Pelosi’s husband with a hammer" — AP News, May 18, 2024
- Associated Press. "Man convicted of attacking Pelosi's husband sentenced to 30 years" — VOA News, May 17, 2024
- Bernd Debusmann Jr. "Paul Pelosi attacker sentenced to 30 years in prison" — BBC News, May 18, 2024
- David K. Li and Mirna Alsharif. "David DePape, man who attacked Paul Pelosi with a hammer, sentenced to 30 years in prison" — NBC News, May 18, 2024
- The Associated Press. "Canadian David DePape sentenced to 30 years for attacking Paul Pelosi" — Canadian Broadcasting Corporation, May 17, 2024
