Jump to content

ၸွမ်ၽွင်းလူင် ဢိၼ်းတီးယႃး ၵမ်ႉထႅမ် ႁႂ်ႈပၢင်တိုၵ်း ရတ်ႈသျႃး-ယူႇၶရဵၼ်း ယဝ်ႉတူဝ်ႈဝႆးဝႆး

ထႅမ်သႂ်ႇ လိင်ႉၶ်
လုၵ်ႉတီႈ Wikinews မႃး

ဝၼ်းပုတ်ႉ၊ ဢေႃးၵၢတ်ႉ 28၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=ဢိၼ်းတီးယႃး notcategory=disputed notcategory=no publish namespace=Main addfirstcategorydate=true count=5 </dynamicpagelist>

ဢွင်ႈတီႈ မိူင်းဢိၼ်းတီးယႃး
ႁူမ်ႈသၢင်ႈ!
ဢိၼ်းတီးယႃး
ဢိၼ်းတီးယႃး
ၸွမ်ၽွင်းလူင် ဢိၼ်းတီးယႃး လႄႈ ၸွမ်ၸိုင်ႈရတ်ႈသျႃး

ဝၢႆးသေ ၸွမ်ၽွင်းလူင် ဢိၼ်းတီးယႃး ၵႂႃႇဢႅဝ်ႇမိူင်းယူႇၶရဵၼ်းယဝ်ႉ လၢႆဝၼ်းၼၼ်ႉ မၼ်းလၢတ်ႈတီႈ ၸွမ်ပွင်ၸိုင်ႈ ရတ်ႈသျႃး ပူႇထိၼ်ႇဝႃႈ မၼ်းၵမ်ႉထႅမ် တႃႇႁႂ်ႈပၢင်တိုၵ်း ရတ်ႈသျႃး-ယူႇၶရဵၼ်း ၵိုတ်းယိုတ်းဝႆးဝႆးၼႆယဝ်ႉ။ မိူဝ်ႈဝၼ်းဢႃးတိတ်ႉၼၼ်ႉ မူဝ်ႇတီႇ လၢတ်ႈၶေႃႈၵႂၢမ်းၼႆႉ မိူဝ်ႈႁူပ်ႉထူပ်း ၽူႈဢွၼ်ႁူဝ် ရတ်ႈသျႃးသေ ဝၢႆးသေ လၢတ်ႈတေႃႇ ၸွမ်ပွင်ၸိုင်ႈ ဢမႄႇရိၵၢၼ်ႇ ၵျူဝ်းပၢႆႇတႅၼ်ႇ လူၺ်ႈၾူၼ်း ဝၼ်း႞ၼၼ်ႉယဝ်ႉ။

မူဝ်ႇတီႇ တႅမ်ႈဝႆႉ တီႈၼႃႈလိၵ်ႈ တူင်ႇဝူင်းၵူၼ်း X ဝႃႈ မၼ်းလႆႈလႅၵ်ႈလၢႆႈ တၢင်းႁၼ်ထိုင် ၵဵဝ်ႇၵပ်း ပၢင်တိုၵ်း ရတ်ႈသျႃး-ယူႇၶရဵၼ်း တင်း ပူႇထိၼ်ႇ ဢၼ်ၵဵဝ်ႇလူၺ်ႈ မၼ်းၵႂႃႇယူႇၶရဵၼ်း မိူဝ်ႈပူၼ်ႉမႃး ဢမ်ႇႁိုင်ၼႆႉၼႆယဝ်ႉ။ မူဝ်ႇတီႇ လၢတ်ႈထႅင်ႈဝႃႈ ဢိၼ်းတီးယႃး ၵမ်ႉထႅမ် တႃႇႁႂ်ႈၸဵဝ်းၵႄႈလိတ်ႈပၼ်ႁႃ ၼႆယဝ်ႉ။ တႃႇတေႁဵတ်းလႆႈၸိူင်ႉၼၼ်ၼၼ်ႉ မူဝ်ႇတီႇ တိုၵ်းသူၼ်း ရတ်ႈသျႃးလႄႈ ယူႇၶရဵၼ်း ႁႂ်ႈဢုပ်ႇၵၼ် ယႃႇႁႂ်ႈသုမ်းၶၢဝ်းယၢမ်း ၼႆ မၼ်းလႆႈတိုၵ်းသူၼ်းမႃး မိူဝ်ႈႁူပ်ႉထူပ်း ၸွမ်ပွင်ၸိုင်ႈ ယူႇၶရဵၼ်း ဝေႃႇလေႃႇတီးမႃးရ် ၸႄးလႅၼ်းသၵီး တီႈမိူင်းယူႇၶရဵၼ်း မိူဝ်ႈဝူင်ႈပူၼ်ႉမႃးၼၼ်ႉယဝ်ႉ။

ၽွင်းမိူဝ်ႈ ဢုပ်ႇဢူဝ်းၵၼ်တင်း ပူႇတိၼ်ႇ လူၺ်ႈၾူၼ်းၼၼ်ႉ မူဝ်ႇတီႇ လၢတ်ႈဝႃႈ လွင်ႈဢုပ်ႇဢူဝ်းၵၼ် လႄႈ လွင်ႈၵၢၼ်မိူင်းၼႆႉ လမ်ႇလွင်ႈၼႆသေ ၵူၼ်းၸိူဝ်းၵဵဝ်ႇၶွင်ႈတင်းသဵင်ႈ ထုၵ်ႇလီမီးလွင်ႈၵပ်းသိုပ်ႇ ဢၼ်သိုဝ်ႈယူဝ်း လႄႈ ဢၼ်ၸႂ်ႉတိုဝ်းလႆႈ ၼႆ ႁွင်ႈၵၢၼ်ၽၢႆႇၼွၵ်ႈမိူင်း မိူင်းဢိၼ်းတီးယႃး ဢွၵ်ႇၶေႃႈပိုၼ်ၽၢဝ်ႇဝႆႉၼင်ႇၼႆ။

ၼႂ်းလိၵ်ႈပိုၼ်ၽၢဝ်ႇၼၼ်ႉ လၢတ်ႈဝႆႉဝႃႈ ၶဝ်ထတ်းသၢင်ၶိုၼ်း လွင်ႈၵပ်းသိုပ်ႇသွင်မိူင်းသေ ဢုပ်ႇဢူဝ်းၵၼ် လွင်ႈတၢင်း ဢၼ်တေၸွႆႈၵေႃႇသၢင်ႈလႆႈ လွင်ႈၵပ်းသိုပ်ႇမၼ်ႈၵိုမ်းၼၼ်ႉ ၼႆယဝ်ႉ။


ငိူၼ်ႈငဝ်ႈၶၢဝ်ႇ

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=ၸွမ်ၽွင်းလူင်_ဢိၼ်းတီးယႃး_ၵမ်ႉထႅမ်_ႁႂ်ႈပၢင်တိုၵ်း_ရတ်ႈသျႃး-ယူႇၶရဵၼ်း_ယဝ်ႉတူဝ်ႈဝႆးဝႆး&oldid=4539"