ၸွမ်ၽွင်းလူင် ဢိင်းၵလဵတ်ႈၵေႃႉမႂ်ႇ သတႃႇမႃႇ ႁူပ်ႉထူပ်း ၸွမ်ၸိုင်ႈ ယူႇၶရဵၼ်း
ဝၼ်းသုၵ်း၊ ၸူႇလၢႆႇ 19၊ 2024
.svg)
.jpg)
ၸွမ်ၶုၼ်ၽွင်းလူင် ဢိင်းၵလဵတ်ႈ ၶီႇယႃႇသတႃႇမႃႇ လႄႈ ၸွမ်ပွင်ၸိုင်ႈ ယူႇၶရဵၼ်း ဝေႃႇလေႃႇတီးမႃးရ် ၸႄးလႅၼ်းသၵီး ႁူပ်ႉထူပ်းၵၼ် တီႈမၢႆ 10 သဵၼ်ႈတၢင်း တၢဝ်းၼိၼ်း ဢၼ်ပဵၼ် ႁိူၼ်းၸွမ်ၽွင်းလူင် တီႈ ဝဵင်းလၼ်ႇတၼ်ႇ မိူင်းပရိတ်ႈတဵၼ်ႇၼၼ်ႉယဝ်ႉ။ ၸွမ်ပွင်ၸိုင်ႈ ယူႇၶရဵၼ်း ၸႄးလႅၼ်းသၵီး ၼႆႉ ပဵၼ်ၽူႈဢွၼ်ႁူဝ်လုမ်ႈၾႃႉ ၵေႃႉဢွၼ်တၢင်းသုတ်း ဢၼ်မႃးဢႅဝ်ႇမိူင်းပရိတ်ႈတဵၼ်ႇ ဝၢႆးသေ သတႃႇမႃႇ ပဵၼ်မႃး ၸွမ်ၽွင်းလူင်ၼၼ်ႉယဝ်ႉ။
ၸွမ်ၶုၼ်ၽွင်းလူင် သတႃႇမႃႇ လၢတ်ႈဝႃႈ ပိၵ်ႉသမ်ႉဝႃႈ လူင်ပွင်ၸိုင်ႈမိူင်းပရိတ်ႇတဵၼ်ႇ လႅၵ်ႈလၢႆႈၵႂႃႇသေတႃႉၵေႃႈ ပရိတ်ႇတဵၼ်ႇတေသိုပ်ႇၵမ်ႉထႅမ် ယူႇၶရဵၼ်းယူႇၼႆယဝ်ႉ။ ၸွမ်ပွင်ၸိုင်ႈ ၸႄးလႅၼ်းသၵီး ယိၼ်းၸူမ်းၶွပ်ႈၸႂ်ထိုင် ၸွမ်ၽွင်းလူင် သတႃႇမႃႇ ဢၼ်ၽိတ်ႈမွၵ်ႇမၼ်းမႃးၼၼ်ႉယူႇ။
လိူဝ်ၼၼ်ႉ မိူဝ်ႈၼႆႉ ၵၢင်ၼႂ် ၸွမ်ပွင်ၸိုင်ႈ ၸႄးလႅၼ်းသၵီး တေမွၵ်ႇလၢတ်ႈၶေႃႈၵႂၢမ်း တီႈလူင်ပွင်ၸိုင်ႈ ဢိင်းၵလဵတ်ႈ ၼႆယဝ်ႉ။ ဝၢႆးသေ ၸွမ်ပွင်ၸိုင်ႈဢမႄႇရိၵၢၼ်ႇ ပီႇလ်ၶလိၼ်ႇတၼ်ႇ မိူဝ်ႈပီႊ 1997 ၼၼ်ႉ ၽူႈဢွၼ်ႁူဝ်ၼွၵ်ႈမိူင်း မွၵ်ႇလၢတ်ႈၶေႃႈၵႂၢမ်း လူၺ်ႈတူဝ်ထူပ်း ပွၵ်ႈၼႆႉ ပဵၼ်ပွၵ်ႈဢွၼ်တၢင်းသုတ်းယဝ်ႉ။
မိူဝ်ႈၸွမ်ပွင်ၸိုင်ႈ ၸႄးလႅၼ်းသၵီး ႁူပ်ႉထူပ်း လူင်ပွင်ၸိုင်ႈ ဢိင်းၵလဵတ်ႈၼၼ်ႉ မၼ်းတေလၢတ်ႈၼႄ လွင်ႈငဝ်းလၢႆး တီႈမိူင်းယူႇၶရဵၼ်း လႄႈ လွင်ႈဢၼ် မိူင်းယူႇၶရဵၼ်းၶဝ် လူဝ်ႇႁဵတ်းဢွၵ်ႇ ၶိူင်ႈၵွင်ႈၵၢင်ႇ တႃႇၵႅတ်ႇၶႄ ၼမ်လိူဝ်မႃး ၼင်ႇႁိုဝ် တေၵႅတ်ႇၶႄႁႄႉၵင်ႈ လွင်ႈရတ်ႈသျႃး ပူၼ်ႉပႅၼ်ၼၼ်ႉ ၼႆယဝ်ႉ။
လိူဝ်ၼၼ်ႉ ၸွမ်ပွင်ၸိုင်ႈ ၸႄးလႅၼ်းသၵီး လႄႈ ၸွမ်ၽွင်းလူင် သတႃႇမႃႇ ၶဝ်ၵေႃႈ တေႁဵတ်းသၢင်ႈ ၶေႃႈတူၵ်းလူင်း တႃႇတေၸွႆႈထႅမ် ငိုၼ်းတေႃႇလႃႇ ဢမႄႇရိၵၢၼ်ႇ 4.5 ပီႇလီႇယၼ်ႇ ဢၼ်လုၵ်ႉတီႈ မိူင်းဢိင်းၵလဵတ်ႈ မႃးပၼ် မိူင်းယူႇၶရဵၼ်းၼၼ်ႉ ၼင်ႇႁိုဝ် မိူင်းယူႇၶရဵၼ်း တေသိုဝ်ႉလႆႈ ၵွင်ႈၵၢင်ႇၼၼ်ႉယူႇ။
ငိူၼ်ႈငဝ်ႈၶၢဝ်ႇ
[မႄးထတ်း | မႄးထတ်းငဝ်ႈငႃႇ]- Amy Sedghi. "Zelenskiy asks Starmer to ‘show leadership’ and let Ukraine use weapons anywhere in Russia – as it happened" — The Guardian, July 19, 2024
- Stephen Castle. "Zelensky Becomes First Foreign Leader to Visit U.K. Cabinet Since Clinton" — The Newyork Times, July 19, 2024
- Reuters. "Ukraine's Zelenskiy attends UK cabinet, renews calls on long-range missiles" — Reuters, July 19, 2024
- Jennifer Scott. "Zelenskyy asks Starmer to 'show leadership' on Ukraine as he visits Downing Street" — Sky News, July 19, 2024
