Jump to content

ၸွမ်ၽွင်းလူင်ၵျႃႇပၢၼ်ႇ ၵႂႃႇမိူင်းၵၢဝ်းလီၸၢၼ်း

ထႅမ်သႂ်ႇ လိင်ႉၶ်
လုၵ်ႉတီႈ Wikinews မႃး

ဝၼ်းသဝ်၊ သႅပ်ႇ​ထႅမ်ႇပႃႇ 7၊ 2024

ၸွမ်ၽွင်းလူင်ၵျႃႇပၢၼ်ႇ ႁူပ်ႉထူပ်း ၸွမ်ၽွင်းလူင် ၵၢဝ်းလီၸၢၼ်း
လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=ၵၢဝ်းလီၸၢၼ်း notcategory=disputed notcategory=no publish namespace=Main addfirstcategorydate=true count=5 </dynamicpagelist>

ဢွင်ႈတီႈ ၵၢဝ်းလီၸၢၼ်း
ႁူမ်ႈသၢင်ႈ!
ၵၢဝ်းလီၸၢၼ်း
ၵၢဝ်းလီၸၢၼ်း

မိူဝ်ႈၼႆႉ ၽူႈဢွၼ်ႁူဝ် ၵျႃႇပၢၼ်ႇ လႄႈ ၵၢဝ်းလီၸၢၼ်း သွင်ၵေႃႉ ႁူပ်ႉဢုပ်ႇၵၼ် တီႈဝဵင်း Seoul မိူင်းၵၢဝ်းလီၸၢၼ်းသေ ဢုပ်ႇဢူဝ်းၵၼ် လွင်ႈငမ်းယဵၼ် လႄႈ လွင်ႈၼိမ်သဝ်း ၼႂ်းပိုၼ်ႉတီႈၼၼ်ႉ ၼႆယဝ်ႉ။ ၸွမ်ၽွင်းလူင် ၵျႃႇပၢၼ်ႇ Fumio Kishida ဢၼ်တေၵိုတ်းလိုဝ်ႈၵၢၼ် ဢမ်ႇႁိုင်ဢမ်ႇၼၢၼ်းၼႆႉ မိူဝ်ႈၼႆႉ တေဢႅဝ်ႇ မိူင်းၵၢဝ်းလီၸၢၼ်း တႃႇၶၢဝ်းတၢင်း 2 ဝၼ်း ၼႆယဝ်ႉ

ၸွမ်ၽွင်းလူင် Kishida လၢတ်ႈဝႃႈ မုင်ႈမွင်းဝႃႈ ၵျႃႇပၢၼ်ႇလႄႈ ၵၢဝ်းလီၸၢၼ်း တေမီးလွင်ႈမိုတ်ႈၵိုဝ်းၸမ်ၸႂ်ၵၼ်၊ ၸွမ်ပွင်ၸိုင်ႈ ၵၢဝ်းလီႁွင်ႇ ယွၼ်ႇသၵ်ႉယူဝ်းလ် ၵေႃႈ ပၼ်ၵႂၢမ်းမၼ်ႈဝႃႈ တေထိင်းသိမ်း လွင်ႈႁူမ်ႈမိုဝ်း သၢမ်မိူင်း ၼႂ်းၵႄႈ ၵၢဝ်းလီႁွင်ႇ၊ ၵျႃႇပၢၼ်ႇ လႄႈ ဢမႄႇရိၵၢၼ်ႇ ၼႆယဝ်ႉ။

ၸွမ်ၽွင်းလူင် ၵျႃႇပၢၼ်ႇ လၢတ်ႈဝႃႈ ယွၼ်ႉလွင်ႈတၢင်း လႄႈ လွင်ႈႁပ်ႉႁၼ် ဢၼ်ပူၼ်ႉမႃးလႄႈ မီးပၼ်ႁႃ လွင်ႈၵပ်းသိုပ်ႇ ၼႂ်းၵႄႈ မိူင်းသွင်မိူင်း မႃးသေတႃႉ ၶၢဝ်းယၢမ်းၼႆႉ ပဵၼ်ၶၢဝ်းယၢမ်း ဢၼ်လမ်ႇလွင်ႈ တႃႇတေၵႄႈလိတ်ႈ လွင်ႈၸိူဝ်းၼႆႉသေ သိုပ်ႇႁူမ်ႈမိုဝ်းၵၼ်ၵႂႃႇ မိူဝ်းၼႃႈ မိူၼ်ၼင်ႇ ၽူႈဢွၼ်ႁူဝ်ၶဝ် မိူဝ်ႈဢွၼ်တၢင်း ႁဵတ်းမႃးၼၼ်ႉ ၼႆယဝ်ႉ။

မိူၼ်ၼၼ်ၼင်ႇၵဝ်ႇ ၸွမ်ပွင်ၸိုင်ႈၵၢဝ်းလီႁွင်ႇ ၸီႉၼႄဝႃႈ ၽွင်းပၢၼ်မၼ်း ၽွင်းငမ်းၼၼ်ႉ လွင်ႈယုမ်ႇယမ်ၵၼ် လႄႈ လွင်ႈၵပ်းသိုပ်ႇ ၼႂ်းၵႄႈသွင်မိူင်း ၵေႃႇသၢင်ႈလႆႈ ၶိုၼ်ႈယႂ်ႇမႂ်ႇသုင်မႃးသေ မၼ်းမုင်ႈမွင်းဝႃႈ လွင်ႈၵပ်းသိုပ်ႇ တေၶိုၼ်ႈယႂ်ႇမႂ်ႇသုင်ၵႂႃႇတၢင်းၼႃႈ ၼႆယဝ်ႉ။

ၽွင်းယၢမ်း လွင်ႈတူင်ႉၼိုင်ၶႄႇ ႁၢဝ်ႈႁႅင်းမႃး ၼႂ်းပိုၼ်ႉတီႈ လႄႈ လွင်ႈၶဵၼ်ၼိဝ်ႇၵလီးယႃး ၵၢဝ်းလီႁွင်ႇ ၼမ်မႃးတိၵ်းတိၵ်းၼၼ်ႉ ၵျႃႇပၢၼ်ႇ လႄႈ ၵၢဝ်းလီၸၢၼ်း ၶတ်းၸႂ် တႃႇတေ ႁဵတ်းႁႂ်ႈ လွင်ႈၵပ်းသိုပ်ႇ သွင်မိူင်း ၶိုၼ်ႈယႂ်ႇမႂ်ႇသုင်မႃး ၼႆယဝ်ႉ။


ငိူၼ်ႈငဝ်ႈၶၢဝ်ႇ

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=ၸွမ်ၽွင်းလူင်ၵျႃႇပၢၼ်ႇ_ၵႂႃႇမိူင်းၵၢဝ်းလီၸၢၼ်း&oldid=4628"