ၸွမ်ၽွင်းလူင်မႂ်ႇမိူင်းထႆး ပၼ်ၵႂၢမ်းမၼ်ႈဝႃႈ တေမႄးၶိုၼ်းပၢႆးမၢၵ်ႈမီး

ဝၼ်းၸၼ်၊ ဢေႃးၵၢတ်ႉ 19၊ 2024 

ၽႄႊထွင်ႊထၢၼ်ႊ သျိၼ်ႊၼဝတ်း ၵေႃႉၶိုၼ်ႈပဵၼ် ၸွမ်ၽွင်းလူင်မႂ်ႇ မိူင်းထႆးၼၼ်ႉ ပၼ်ၵႂၢမ်းမၼ်ႈ မိူဝ်ႈၼႆႉဝႃႈ တေမႄးၶိုၼ်း ပၢႆးမၢၵ်ႈမီးမိူင်းတႆး ဢၼ်ယူပ်ႈယွမ်းၵႂႃႇၼၼ်ႉ ၼႆယဝ်ႉ။

ယွၼ်ႉလုမ်းတတ်းသိၼ် ပိူင်ငဝ်ႈပိုင်းမိူင်းမိူင်းထႆး ထတ်းသၢင်ဝႃႈ ၸွမ်ၽွင်းၵဝ်ႇၵေႃႉဢွၼ်တၢင်းၼၼ်ႉ ပူၼ်ႉပႅၼ်ၽိင်ႈတိုဝ်းၵမ်ၼႆလႄႈ ၸင်ႇလႆႈပူတ်းထွၼ်တၼ်းႁဵင်းမၼ်း။ ပႃႇတီႇသၢၼ်ၶတ်း ဢွင်ႇပႄႉပၢင်လိူၵ်ႈတင်ႈသေတႃႉ ဢမ်ႇၽွတ်ႈလႆႈ လူင်ပွင်ၸိုင်ႈသေ ပႃႇတီႇသၢၼ်ၶတ်း လႆႈထုၵ်ႇယႃႉပႅတ်ႈသေ ၽႄႊထွင်ႊထၢၼ်ႊ ပဵၼ်မႃး ၸွမ်ၽွင်းလူင် မိူင်းထႆး ဢၼ်ဢႃႇယု လဵၵ်ႉသုတ်း ၼႆယဝ်ႉ။

ဝၢႆးသေ ပေႃႈမၼ်း ထၵ်းသိၼ် လႄႈ ပႃႈမၼ်း ယိင်ႉလၵ်း ဢၼ်လႆႈထုၵ်ႇ သိုၵ်းယိုတ်းဢႃႇၼႃႇသေ ပူတ်းပႅတ်ႈၼၼ်ႉ မၼ်းပဵၼ် ၸွမ်ၽွင်းလူင် ၵေႃႉထူၼ်ႈသၢမ် ဢၼ်လုၵ်ႉတီႈ ၶိူဝ်းႁိူၼ်း သျိၼ်ႊၼဝတ်း မႃးၼၼ်ႉယဝ်ႉ။ ၶုၼ်ႁေႃၶမ်းထႆး မႁႃႇဝၸီႇရလူင်းၵွၼ်း မၵ်းမၼ်ႈပဵၼ်တၢင်းၵၢၼ် တႃႇၶွတ်ႇၽွတ်ႈလူင်ပွင်ၸိုင်ႈမႂ်ႇၼႆႉ လႆႈႁပ်ႉဢဝ်တီႈပၢင်ၵႅဝ်ႈ တီႈၽႄႊထွင်ႊထၢၼ်ႊ မိူဝ်ႈၼႆႉ တီႈငဝ်ႈငုၼ်းငဝ်းႁၢင်ႈသဵင် ဢၼ်ယၢမ်ႈၵမ်ႉထႅမ် ၸွမ်ၽွင်းလူင် ထၵ်းသိၼ် ၼၼ်ႉ ၼႆယဝ်ႉ။

ပိူဝ်ႈတႃႇႁႂ်ႈပၢႆးမၢၵ်ႈမီး ဢၼ်လႆႈတုမ်ႉတိူဝ်ႉ ယွၼ်ႉတၢင်းပဵၼ်ၶူဝ်းဝိတ်ႉ 19 ၼၼ်ႉ တႃႇႁႂ်ႈၶိုၼ်းလီၶိုၼ်းၼ်ႉ တိုၵ်းသူၼ်းထိုင်ၵူၼ်းမိူင်းထႆး ႁႂ်ႈလႆႈႁူမ်ႈမိုဝ်းၵၼ် ႁဵတ်းသၢင်ႈၵႂႃႇၶိုၼ်း ဝႃႈၼႆ။ ပေႃႈမၼ်း ထၵ်းသိၼ် ဢႃယု 75 ပီၵေႃႈ မႃးၶိုၼ်ႈႁွတ်ႈ တီႈထႅဝ်ၼႃႈ ၸွမ်းၽူဝ်ၸွမ်ၸိုင်ႈမႂ်ႇယူႇ။

ငိူၼ်ႈငဝ်ႈၶၢဝ်ႇ

• Agence France-Presse. "Shinawatra heiress takes office as PM, vows to boost economy" — VOA News, August 18, 2024
• Jintamas Saksornchai. "Paetongtarn Shinawatra becomes Thai prime minister after royal signoff" — AP News, August 18, 2024