Jump to content

ၸွမ်ပွင်ၸိုင်ႈရတ်;သျႃး လၢတ်ႈဝႃႈ မၼ်းပၼ်ႁႅင်း ႁႄးရိသ်ႉ ႁႂ်ႈဢွင်ႇပေႉ ပၢင်လိူၵ်ႈတင်ႈ

ထႅမ်သႂ်ႇ လိင်ႉၶ်
လုၵ်ႉတီႈ ဝီႇၶီႇၶၢဝ်ႇ မႃး

ဝၼ်းသုၵ်း၊ သႅပ်ႇ​ထႅမ်ႇပႃႇ 6၊ 2024

ၵႅမ်ၸွမ်ၸို​င်ႈ ၵမလႃႇ ႁႄးရိသ်
လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=မိူင်းႁူမ်ႈတုမ် ဢမႄႇရိၵ notcategory=disputed notcategory=no publish namespace=Main addfirstcategorydate=true count=5 </dynamicpagelist>

ဢွင်ႈတီႈ မိူင်းႁူမ်ႈတုမ် ဢမႄႇရိၵ
ႁူမ်ႈသၢင်ႈ!
မိူင်းႁူမ်ႈတုမ် ဢမႄႇရိၵ
မိူင်းႁူမ်ႈတုမ် ဢမႄႇရိၵ

ၸွမ်ပွင်ၸိုင်ႈ ရတ်ႈသျႃး ဝလႃႇၻီႇမီႇရ် ပူႇတိၼ်ႇ လၢတ်ႈဝႃႈ မၼ်းပၼ်ႁႅင်း ႁႂ်ႈၵမလႃႇ ႁႄးရိသ် ဢွင်ႇပႄႉ ၸွမ်ပွင်ၸိုင်ႈ ၼႂ်းပၢင်လိူၵ်ႈတင်ႈ ဢမႄႇရိၵၢၼ်ႇ ဢၼ်တေၸတ်းႁဵတ်း ၼႂ်းၶၢဝ်းတၢင်းၼႃႈၼႆႉ ၼႆယဝ်ႉ။ ၸွမ်ပွင်ၸိုင်ႈ ပူႇတိၼ်ႇ လၢတ်ႈဝႃႈ ၶႂ်ႈႁႂ်ႈ ၸွမ်ပွင်ၸိုင်ႈ ၵျူဝ်းပၢႆႇတႅၼ်ႇ ဢွင်ႇပေႉထႅင်ႈၼႆသေတႃႉ ယၢမ်းလဵဝ် မၼ်းၵမ်ႉထႅမ် ၵမလႃႇ ႁႄးရိသ် ၼႆယဝ်ႉ။ ဝၢႆးသေ ႁွင်ႈၵၢၼ်ၾၢႆႇတတ်းသိၼ် ဢမႄႇရိၵၢၼ်ႇ ဢဝ်လိူင်ႈၼႄးဝႃႈ ရတ်ႈသျႃး ၶတ်းၸႂ် ၶဝ်ႈၵႅဝ်ၸွမ်း ၵၢၼ်လိူၵ်ႈတင်ႈ ၸွမ်ပွင်ၸိုင်ႈ ဢမႄႇရိၵၢၼ်ႇ ဝၼ်း႞ယဝ်ႉ ၸွမ်ပွင်ၸိုင်ႈ ရတ်ႈသျႃး လၢတ်ႈၵႂၢမ်းၸိူင်ႉၼႆ တီႈပၢင်ၵုမ်လူင် ပၢႆးမၢၵ်ႈမီး ပွတ်းဢွၵ်ႇ (Eastern Economic Forum) ၼၼ်ႉၼႆယဝ်ႉ။

ၸွမ်ပွင်ၸိုင်ႈ ပူႇတိၼ်ႇၵေႃႈ လၢတ်ႈပႃးဝႃႈ မိူဝ်ႈပၢၼ် ၸွမ်ပွင်ၸိုင်ႈၵဝ်ႇ တေႃႇၼႄႇထရမ်ႉ ၼၼ်ႉ လႆႈဢဝ်ၶေႃႈႁၢမ်ႈတၢပ်ႈဝႆႉ ၼိူဝ် ရတ်ႈသျႃးမႃး တင်းၼမ်ၼႆယဝ်ႉ။ ၸွမ်ပွင်ၸိုင်ႈ ပူႇတိၼ်ႇ လၢတ်ႈဝႃႈ ၵူၼ်းမိူင်းဢမႄႇရိၵၼ်ႇၵူၺ်း တေလိူၵ်ႈၸွမ်ၸိုင်ႈၶဝ်လႄႈ ရတ်ႈသျႃးၵေႃႈ တေၼပ်ႉယမ် ၽွၼ်းၵၢၼ်ပၢင်လိူၵ်ႈတင်ႈၼၼ်ႉယူႇ ၼႆယဝ်ႉ။ မိူဝ်ႈပၢင်လိူၵ်ႈတင်ႈ ၸွမ်ပွင်ၸိုင်ႈ ပီ 2016 ၼၼ်ႉ ၽူႈမီးပုၼ်ႈၽွၼ်း ဢမႄရိၵၢၼ်ႇၶဝ် မၢပ်ႇၼႄဝႃႈ ရတ်ႈသျႃး ၶတ်းၸႂ် ၶဝ်ႈၵႄႈၵၢင် တႃႇတေ ႁႂ်ႈၽူႈပၼ်သဵင် ဢမႄရိၵၢၼ်ႇၶဝ် ပၼ်သဵင် ထရမ်ႉၼႆသေ ၶဝ်ၵမ်းၵမ်းပၼ်ၾၢင်ႉ ဝႃႈ ပၢင်လိူၵ်ႈတင်ႈ ဢၼ်တေမႃးၼၼ်ႉၵေႃႈ ၶဝ်ႈၵဝ်းယူႇ ၼင်ႇၵဝ်ႇၼႆယဝ်ႉ။ ဝႅပ်ႉသၢႆႉ လူင်ပွင်ၸိုင်ႈ ရတ်ႈသျႃး လႄႈ ၵူၼ်းႁဵတ်းၵၢၼ် တီႈသိုဝ်ႇၶၢဝ်ႇ RT ဢၼ်ပဵၼ် ၶွင်လူင်ပွင်ၸိုင်ႈ ရတ်ႈသျႃး သွင်ၵေႃႉၼၼ်ႉ လႆႈထုၵ်ႇဢဝ်တၢင်းၽိတ်း မိူဝ်ႈဝၼ်းၽတ်းၼၼ်ႉ ယွၼ်ႉ ရတ်ႈသျႃး ၶတ်းၸႂ် ပိုၼ်ၽႄႈ ၶေႃႈမုၼ်း ဢၼ်ဢမ်ႇၸိုဝ်ႈၸႂ်ႈ မိူဝ်ႈၼႃႈ ပၢင်လိူၵ်ႈတင်ႈ ၼႂ်းလိူၼ်ၼူဝ်ႇဝႅမ်ႇပႃႇၼၼ်ႉၼႆယဝ်ႉ။

ႁွင်ႈၵၢၼ်ၽၢႆႇတတ်းသိၼ် လၢတ်ႈဝႃႈ ၵူၼ်းႁဵတ်းၵၢၼ် RT သွင်ၵေႃႉ လႆႈပၼ်ငိုၼ်း 10 လၢၼ်ႉတေႃႇလႃႇ ၸမ်ၸမ် တီႈၶွမ်ႇပၼီႇ ႁဵတ်းဢွၵ်ႇ ဝီးတီးဢူဝ်း ၼိူဝ်ဢွၼ်ႇလၢႆး ဢၼ်ပၵ်းတီႈ ဝဵင်း Tennessee ၼၼ်ႉ တႃႇတေႁဵတ်းဢွၵ်ႇ ဝီးတီးဢူဝ်း ၽၢႆႇဢိင်းၵလဵတ်ႈသေ တၢင်ႇတီႈ ၼိူဝ်ၼႅင်ႈတူင်ႇဝူင်းၵူၼ်း မိူၼ်ၼင်ႇ တိၵ်ႉတွၵ်ႉ လႄႈ ယူႇထုပ်ႉ ဢၼ်ၶဝ်ၶႂ်ႈႁႂ်ႈပဵၼ် ၽွၼ်းလီ တႃႇလူင်ပွင်ၸိုင်ႈ ရတ်ႈသျႃးၼၼ်ႉ ၼႆယဝ်ႉ။ ယဝ်ႉၵေႃႈ ပႃးဝႆႉ ဝီးတီးဢူဝ်း လွင်ႈသိုၵ်းယူႇၶရဵၼ်း ၼႆယဝ်ႉ။ ၽူႈတၢင်ၼႃႈ ၸွမ်ၸိုင်ႈ မိူ​င်းဢမႄႇရိၵၢၼ်ႇ Merrick Garland လၢတ်ႈမိူဝ်ႈဝႃးဝႃႈ လွင်ႈဢၼ် လူင်ပွင်ၸိုင်ႈၸဝ်ႈဢႃႇၼႃႇ ဢၼ်ၶတ်းၸႂ် တႃႇဢဝ်တိုဝ်ႉတၢင်း ၼိူဝ် တီႇမူဝ်ႇၶရေႇသီႇ လႄႈ လူင်ပွင်ၸိုင်ႈၼၼ်ႉ မၼ်းတေဢမ်ႇယွမ်းႁပ်ႉ ဝႃႈၼႆယဝ်ႉ။


ငိူၼ်ႈငဝ်ႈၶၢဝ်ႇ

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=ၸွမ်ပွင်ၸိုင်ႈရတ်;သျႃး_လၢတ်ႈဝႃႈ_မၼ်းပၼ်ႁႅင်း_ႁႄးရိသ်ႉ_ႁႂ်ႈဢွင်ႇပေႉ_ပၢင်လိူၵ်ႈတင်ႈ&oldid=4357"