Jump to content

ၸွမ်ပွင်ၸိုင်ႈရတ်ႈသျႃး သႄႉသွမ်း လွင်ႈဢၼ်ယူႇၶရဵၼ်း ၶဝ်ႈတိုၵ်း ရတ်ႈသျႃး

ထႅမ်သႂ်ႇ လိင်ႉၶ်
လုၵ်ႉတီႈ ဝီႇၶီႇၶၢဝ်ႇ မႃး

ဝၼ်းဢင်းၵၢၼ်း၊ ဢေႃးၵၢတ်ႉ 13၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=ရတ်ႈသျႃး notcategory=disputed notcategory=no publish namespace=Main addfirstcategorydate=true count=5 </dynamicpagelist>

ဢွင်ႈတီႈ မိူင်းရတ်ႈသျႃး
ႁူမ်ႈသၢင်ႈ!
ရတ်ႈသျႃး
ရတ်ႈသျႃး
ပၢင်ၵုမ်ၵၼ်တင်း ၽူႈၵွၼ်းၸေႈတွၼ်ႈၶိူတ်ႉသ်

ၸွမ်ပွင်ၸိုင်ႈ ရတ်ႈသျႃး ပူႇထိၼ်ႇ လၢတ်ႈဝႃႈ လွင်ႈဢၼ် ယူႇၶရဵၼ်း ၶဝ်ႈတိုၵ်း ၼႃႈလိၼ် ၶိူတ်ႉသ် မိူင်းရသျႃးၼၼ်ႉ ပဵၼ်လွင်ႈ တႃႇတေ ဢဝ်ၸႂ် ရတ်ႈသျႃး လႅၵ်ႈလၢႆႈ တီႈၼႃႈလိၼ် ၻွၼ်ႊပၢသ်ႉ ပွတ်းဢွၵ်ႇ မိူင်းယူႇၶရဵၼ်းၼၼ်ႉၼႆယဝ်ႉ။ ပူႇထိၼ်ႇ ယင်းလၢတ်ႈထႅင်ႈဝႃႈ ပဵၼ်ၵၢၼ်ၶတ်းၸႂ် တႃႇတေလႆႈ ၸၼ်ႉထၢၼ်ႈလီ မိူဝ်ႈဢုပ်ႇဢူဝ်းၵၼ် ႁႂ်ႈပၢင်တိုၵ်းၵိုတ်းယိုတ်းၼၼ်ႉ ၼႆယဝ်ႉ။

ပူႇထိၼ်ႇၵေႃႈ လၢတ်ႈဝႃႈ လွင်ႈဢၼ် ယူႇၶရဵၼ်း မႃးယိုဝ်းၼၼ်ႉ ၸၢင်ႈႁဵတ်းႁႂ်ႈ ၸၢတ်ႈပၢၼ် ၵူၼ်းၵူႈဝၼ်းဝၼ်း ၼႂ်းပိုၼ်ႉတီႈ ၶိူတ်ႉသ် တီႈၸဵင်ႇၸၢၼ်းဝၼ်းတူၵ်း ရတ်ႈသျႃး ဢမ်ႇၼိမ်သဝ်းလႆႈ ၼႆယဝ်ႉ။ ၵူၼ်းၶဝ်ႈႁၢပ်ႇၵၢၼ်သိုၵ်း ရတ်ႈသျႃးၵေႃႈ ၸွမ်းၼင်ႇၵၢင်ၸႂ်ၶဝ်သေ ဢၼ်ၶဝ်ႈမႃးၼၼ်ႉ ၼမ်မႃးတိၵ်းတိၵ်းလႄႈ တေပဵၼ်ၸွမ်းၼင်ႇ ယိူင်းမၢႆၵၢၼ်သိုၵ်းရတ်ႈသျႃး မီးဝႆႉယူႇၼႆ ၽူႈမီးၸၼ်ႉသုင် ၽၢႆႇႁူမ်ႇလူမ်ႈၶဝ်၊ ၸွမ်ပွင်ၸိုင်ႈပူႇထိၼ်ႇ လၢတ်ႈတီႈပၢင်ၵုမ် ငဝ်းႁၢင်ႈသဵင် တင်း ၽူႈၵွၼ်းၸႄႈတွၼ်ႈၶဝ် ၼင်ႇၼႆ။ ၼႆႉပဵၼ်ၶေႃႈၵႂၢမ်း ဢၼ်ၸွမ်ပွင်ၸိုင်ႈပူႇထိၼ်ႇ လၢတ်ႈဢွၼ်တၢင်းသုတ်း ၵဵဝ်ႇၵပ်းလွင်ႈ တပ်ႉသိုၵ်းယူႇၶရဵၼ်း မႃးယိုဝ်း ၶၢမ်ႈလႅၼ်လိၼ်ၶဝ်ၼၼ်ႉယဝ်ႉ။

Oleksandr Syrskyi ၽူႈၵွၼ်းသိုၵ်း မိူင်းယူႇၶရဵၼ်း လၢတ်ႈဝႃႈ မၼ်းၵုမ်းၵမ်လႆႈ ၼႃႈလိၼ် 396 လွၵ်းလၵ်း ၼႂ်းၸႄႈတွၼ်ႈ Kursk သေ တေသိုပ်ႇတိုၵ်းယိုဝ်းၵႂႃႇထႅင်ႈ ၼႆယဝ်ႉ။ မိူဝ်ႈဝၼ်းၸၼ်ၼၼ်ႉ ၽူႈမီးပုၼ်ႈၽွၼ်း ရတ်ႈသျႃးၶဝ် တိုၵ်းသူၼ်းဝႃႈ ယွၼ်ႉငဝ်းလၢႆး ၶဵင်ႈၶႅင်လႄႈ ၵူၼ်းၸိူဝ်းယူႇတီႈ ၸႄႈမိူင်း Kursk ၼၼ်ႉ ႁႂ်ႈၶၢႆႉပၢႆႈ ၼႆယဝ်ႉ။ တပ်ႉသိုၵ်းရတ်ႈသျႃးၶဝ် တိုၵ်ႉႁဵတ်းသၢင်ႈၵၸၢၵ်ႇၵၸၢႆၼိူဝ် လွင်ႈသုၵ်ႉယုင်ႈ ဢၼ်ယူႇၶရဵၼ်းၶဝ် တိုၵ်းယိုဝ်း ၵမ်းသိုဝ်ႈ ဢၼ်ပဵၼ်မႃး မွၵ်ႈဝူင်ႈ႞ၼၼ်ႉယူႇ။


ငိူၼ်ႈငဝ်ႈၶၢဝ်ႇ

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=ၸွမ်ပွင်ၸိုင်ႈရတ်ႈသျႃး_သႄႉသွမ်း_လွင်ႈဢၼ်ယူႇၶရဵၼ်း_ၶဝ်ႈတိုၵ်း_ရတ်ႈသျႃး&oldid=4364"