ၸုမ်းႁမၢသ်ႉ ယိုၼ်ယၼ်ဝႃႈ ယႃယႃး သိၼ်ႇဝႃႇ လႆႈတၢႆၵႂႃႇ
ဝၼ်းသဝ်၊ ဢွၵ်ႇထူဝ်ႇပႃႇ 19၊ 2024
ၸုမ်းႁမၢသ်ႉၶဝ် ယိုၼ်ယၼ်ဝႃႈ ၽူႈဢွၼ်ႁူဝ်ၶဝ် ယႃယႃး သိၼ်ႇဝႃႇ လႆႈတၢႆၵႂႃႇယဝ်ႉ – ယွၼ်ႉဝႃႈ ၶဝ်ၶၼ်ပၢၵ်ဝႆႉဝႃႈ တေႃႇထိုင် တပ်ႉသိုၵ်းဢိတ်ႉၸရေး ဢွၵ်ႇၵႃႇၸႃႇၵႂႃႇ တေဢမ်ႇဢဝ်ၵူၼ်းၸိူဝ်း ဢၼ်ၶဝ်တိၺွပ်း ၸိူဝ်းဢၼ်ၵိုတ်းဝႆႉၼၼ်ႉ ပွၵ်ႈမိူဝ်းၶိုၼ်း ဝႃႈၼႆယဝ်ႉ။
ၸုမ်းယိပ်းၵွင်ႈၵၢင်ႇၶဝ် လၢတ်ႈဝႃႈ ၶဝ်မွင်ၸႂ်ၸွမ်း လွင်ႈလူႉသုမ်း ၽူႈမီးဢႃႇယု 62 ပီႊဝၢႆးသေ မၼ်းလႆႈတၢႆၵႂႃႇၼၼ်ႉသေ "လႆႈတေႃႇၼႃႈ တပ်ႉသိုၵ်း ဢၼ်ဢိတ်ႇသရေးၶဝ် ဢၼ်သိမ်းဢဝ် မိူင်းၼၼ်ႉ တေႃႇထိုင် ၶၢဝ်းယၢမ်းလိုၼ်းသုတ်း ၼႂ်းၸၢတ်ႈပၢၼ်မၼ်း" ၼႆယဝ်ႉ။
ၼႂ်းၶေႃႈပိုၼ်ၽၢဝ်ႇၼၼ်ႉ ၸုမ်း ႁမၢသ်ႉ လၢတ်ႈဝႃႈ လွင်ႈ သိၼ်ႇဝႃႇ လႆႈလူႉတၢႆ ၼႆႉ တေႁဵတ်းႁႂ်ႈ ႁႅင်း လႄႈ လွင်ႈတႅပ်းတတ်း "ၵၢၼ်ၶတ်းၶၢၼ်ႉ" ၶဝ် တိူဝ်းမႃးၵူၺ်းၼႆယဝ်ႉ။
ၽူႈငူပ်ႉငိဢုပ်ႇဢူဝ်းလူင်မၼ်း Khalil al Hayya လၢတ်ႈဝႃႈ လွင်ႈတၢႆ သိၼ်ႇဝႃႇ ၼႆႉ တေၼႄလႆႈဝႃႈ ပဵၼ်လွင်ႈ “ၵိၼ်ႇ” တေႃႇ ဢိတ်ႇသရေးၼႆသေ သိုပ်ႇလၢတ်ႈဝႃႈ ၵူၼ်းဢိတ်ႇသရေး ဢၼ်ၵိုတ်းဝႆႉၼၼ်ႉ တေဢမ်ႇလႆႈပွၵ်ႈမိူဝ်း ၵွၼ်ႇၼႃႈ “လွင်ႈပူၼ်ႉပႅၼ် ၵႃႇၸႃႇ တေယဝ်ႉတူဝ်ႈၵႂႃႇ လႄႈ လွင်ႈထွၼ်ဢွၵ်ႇ [တပ်ႉသိုၵ်းဢိတ်ႉၸရေး] တီႈၼႃႈလိၼ်ၼၼ်ႉ” ၼႆယဝ်ႉ။
လွင်ႈဢၼ် ၽူႈဢွၼ်ႁူဝ် ၸုမ်းႁမၢသ်ႉ လႆႈတၢႆၵႂႃႇၼႆႉ တေဢမ်ႇႁဵတ်းႁႂ်ႈ လွင်ႈတိုၵ်းတေႃးၼိူဝ် ဢိတ်ႇသရေး ယွမ်းလူင်းလႆႈ ၼႆယဝ်ႉ။
ၸုမ်းၵေႃႇၵၢၼ်ႁၢႆႉ ႁႅꩡ်ႉပူဝ်းလႃႇ ဢၼ်ဢီႇရၢၼ်း ၵမ်ႉထႅမ်ၼၼ်ႉၵေႃႈ ဢွၵ်ႇၶေႃႈပိုၼ်ၽၢဝ်ႇ လွင်ႈမွင်ၸႂ်ၸွမ်း ၽူႈဢွၼ်ႁူဝ် ႁမၢသ်ႉ ဢၼ်လႆႈတၢႆၵႂႃႇၼၼ်ႉသေ လၢတ်ႈဝႃႈ တေသိုပ်ႇၸုၵ်းမၼ်ႈ ၽၢႆႇၵူၼ်းမိူင်းပႃးလႅတ်ႈသတၢႆးယူႇ ၼႆယဝ်ႉ။
ငိူၼ်ႈငဝ်ႈၶၢဝ်ႇ
[မႄးထတ်း | မႄးထတ်းငဝ်ႈငႃႇ]- The Associated Press. "Hamas confirms Yahya Sinwar’s death in Gaza" — AP News, October 19, 2024
- Daniel Binns. "Hamas confirms death of leader Yahya Sinwar – as it vows not to return hostages until Israeli troops leave Gaza" — SKY News, October 18, 2024
- Aaron Boxerman and Ronen Bergman. "Autopsy Shows Hamas Leader, Yahya Sinwar, Was Killed by a Gunshot to the Head" — The New York Times, October 18, 2024
- James Mackenzie, Nidal Al-Mughrabi and Samia Nakhoul. "Hamas leader Sinwar killed by Israeli troops in Gaza, Netanyahu says war will go on" — Reuters, October 18, 2024