ၸုမ်းၽွင်းလူင်မိူင်းထႆး မၵ်းမၼ်ႈတႃႇၶဝ်ႈပဵၼ်လုၵ်ႈၸုမ်း BRICS ပဵၼ်တၢင်းၵၢၼ်
ဝၼ်းၸၼ်၊ ဢွၵ်ႇထူဝ်ႇပႃႇ 21၊ 2024
မိူင်းထႆးၼႆႉ ၶတ်းၸႂ်တႃႇတေၶဝ်ႈပႃးၼႂ်းၸုမ်း BRICS သေ သင်ဝႃႈ ၶဝ်ႈပႃးၼႂ်းၸုမ်းၼႆၸိုင် တေၸၢင်ႈပဵၼ်ၽွၼ်းလီ ၽၢႆႇၵၢၼ်ၵႃႉၶၢႆ လႄႈ ၵၢၼ်ပၢႆးမၢၵ်ႈမီး တင်းသွင်ၽၢႆႇယူႇ ၼႆ ၵႅမ်ၸွမ်ၽွင်းလူင် မိူင်းထႆး ဢၼုတိၼ်ႇ ၶျႃႇၼဝီႇရႃႇၵူဝ်ႇ လၢတ်ႈၼႄၼင်ႇၼႆ။
ၸုမ်း BRICS ၶွင် မိူင်းႁႃႈမိူင်း ဢၼ်ပဵၼ် မိူင်းပရႃႇၸီး၊ မိူင်းရတ်ႈသျႃး၊ မိူင်းဢိၼ်းတီးယႃး၊ မိူင်းၶႄႇ လႄႈ ဢႃႇၾရိၵၸၢၼ်း ၼၼ်ႉ ယၢမ်းလဵဝ် ၸိူဝ်းပဵၼ် ဢီႇရၢၼ်း၊ ဢီးၵျိပ်ႈ၊ မိူင်းဢီႇတီႇယူဝ်းပီးယႃး၊ မိူင်းသေႃႇတီႇဢႃႇရေးပီးယႃး လႄႈ မိူင်းႁူမ်ႈတုမ် ၸဝ်ႈၾႃႉ ဢႃႇရၢပ်ႈ ၶဝ် ၶဝ်ႈႁူမ်ႈမႃး မိူဝ်ႈလိူၼ်ၸၼ်ႇဝႃႇရီႇ ပီၼႆလႄႈ ပဵၼ်ၵႂႃႇ 10 မိူင်းသေ ယၢမ်းလဵဝ် မိူင်းထႆးၵေႃႈ ၶတ်းၸႂ် တႃႇတေၶဝ်ႈပဵၼ်လုၵ်ႈၸုမ်းယူႇ။
မိူင်းရတ်ႈသျႃး ဢၼ်တေၸတ်းႁဵတ်း ပၢင်ၵုမ်လူင် BRICS ပီ 2024 ဢၼ်တေတႄႇ ၼႂ်းလိူၼ်ဢွၵ်ႇထူဝ်ႇပႃႇ 22 ဝၼ်းၼၼ်ႉၵေႃႈ လႆႈၽိတ်ႈမွၵ်ႇဝႆႉလႄႈ မိူင်းထႆးသေ ထႆးမုင်ႈမွင်း တႃႇတေၶဝ်ႈပဵၼ် ၽူႈၶဝ်ႈၸုမ်း ၼႆယဝ်ႉ။ ၵႅမ်ၸွမ်ၽွင်းလူင်မိူင်းထႆး လၢတ်ႈဝႃႈ ပေႃးၶဝ်ႈပႃးၼႂ်းၸုမ်းၼႆႉ ၸၢင်ႈပဵၼ်ၽွၼ်းလီတင်းသွင်ၽၢႆႇ ယွၼ်ႉဝႃႈ တေပဵၼ်ဢူၺ်းလီ ၵၢၼ်ပၢႆးမၢၵ်ႈမီး ၵၢၼ်မိူင်းသေ တေႁဵတ်းႁႂ်ႈမီးလွင်ႈပွင်ႇၸႂ်ၵၼ် ၼႆယဝ်ႉ။ သင်ဝႃႈ လႆႈၶဝ်ႈပဵၼ် လုၵ်ႈၸုမ်း BRICS ၼႆၸိုင် တေမီးတိုဝ်ႉတၢင်းၵၢၼ်ၵႃႉၶၢႆ ပႃးၸဵမ်ပၢႆးမၢၵ်ႈမီး တိတ်ႇၵျိတ်ႇတႄႇလ် လႄႈ ၸိူဝ်ႉႁႅင်း ဢၼ်ႁဵတ်းဢွၵ်ႇလႆႈၶိုၼ်း။ ယဝ်ႉၵေႃႈ လၢတ်ႈဝႃႈ ၽွၼ်းလီပၢႆးမၢၵ်ႈမီးၼႆႉ ၸၢင်ႈၽႄမႅင်ႇၵၼ်လႆႈသေ မၼ်းၸၢင်ႈႁဵတ်းႁႂ်ႈ ၵၢၼ်မၢၵ်ႈမီး ၶိုၼ်ႈယႂ်ႇမႂ်ႇသုင် ၶၢဝ်းယၢဝ်းၼႆယဝ်ႉ။
မိူင်းထႆးၼႆႉ မီးဝႆႉတီႈ ဢၼ်လမ်ႇလွင်ႈ ၼႂ်းဢေးသျႃး ၸဵင်ႇၸၢၼ်းဝၼ်းဢွၵ်ႇသေဢမ်ႇၵႃး တေၸၢင်ႈပၼ် BRICS ႁႂ်ႈပဵၼ် ၽၵ်းတူ ဢၼ်လမ်ႇလွင်ႈ တႃႇၶဝ်ႈၵႂႃႇ ၼႂ်းလွၵ်းၵၢတ်ႇ ဢႃႇသီႇယၼ်ႇ ဢၼ်မီးႁူဝ်ၼပ်ႉၵူၼ်း 600 လၢၼ်ႉလိူဝ် ဢၼ်တႃႇ လွင်ႈႁူမ်ႇလူမ်ႈ တၢင်းၵိၼ်တၢင်းယႅမ်ႉ လုမ်ႈၾႃႉၼၼ်ႉၼၼ်ႉ ယဝ်ႉ။
ပၢင်ၵုမ်လူင် BRICS ပွၵ်ႈၵမ်း 16 ဢၼ်တေၸတ်းႁဵတ်း ပွၵ်ႈဢွၼ်တၢင်းသုတ်း ဝၢႆးသေ ၽူႈၶဝ်ႈၸုမ်း ၼမ်မႃးၼၼ်ႉ တေၸတ်းႁဵတ်း တီႈဝဵင်းၵႃႇၸၢၼ်ႇ မိူင်းရတ်ႈသျႃး တႄႇဢဝ် ဝၼ်းဢႃးတိတ်ႉ တေႃႇထိုင် ဝၼ်းၽတ်း လိူၼ်ဢွၵ်ႇထူဝ်ႇပႃႇ 22 ဝၼ်း ၼႆယဝ်ႉ။
ငိူၼ်ႈငဝ်ႈၶၢဝ်ႇ
[မႄးထတ်း | မႄးထတ်းငဝ်ႈငႃႇ]- Bastillepost. "Thailand eyes mutual benefits, economic opportunity through BRICS membership" — Bastillepost, October 20, 2024
- VOA News. "BRICS အဖွဲ့ဝင်ဖြစ်ဖို့ ထိုင်းကြိုးစား" — VOA News, October 21, 2024
