ၸုမ်းယိပ်းၵွင်ႈၵၢင်ႇမိူင်းမၢၼ်ႈ သိမ်းလႆႈထႅင်ႈဝဵင်းၼိုင်ႈ ၼိူဝ်သဵၼ်ႈတၢင်းလူင်မိူင်းၶႄႇ
ဝၼ်းဢင်းၵၢၼ်း၊ ဢွၵ်ႇထူဝ်ႇပႃႇ 15၊ 2024
ၸုမ်းယိပ်းၵွင်ႈၵၢင်ႇၸၢဝ်းၶိူဝ်း တီႈမိူင်းမၢၼ်ႈ လႆႈသိမ်းဢဝ် ဝဵင်းထႅင်ႈဝဵင်း႞ ၸွမ်းသဵၼ်ႈတၢင်းလူင် ဢၼ်ၵႂႃႇၸူး မိူင်းၶႄႇၼၼ်ႉ ၸုမ်းၶဝ်လႄႈ ၵူၼ်းမိူင်းၵေႃႉ႞ လၢတ်ႈဝႃႈ ပဵၼ်လွင်ႈတူၵ်းသုမ်း တႃႇၸုမ်းသိုၵ်းတပ်ႉမတေႃႇ ဢၼ်လႆႈထုၵ်ႇ တိုၵ်းတေႃးၵၼ် ၵမ်းလိုၼ်းသုတ်း ၼႆယဝ်ႉ။
ၸႄႈမိူင်းတႆးပွတ်းႁွင်ႇၼႆႉ လႆႈပဵၼ်ပၢင်တိုၵ်းမႃး ၸဵမ်မိူဝ်ႈၶၢဝ်းမႆႈၼၼ်ႉသေ ၸုမ်းဢူၺ်းလီၸၢဝ်းၶိူဝ်းၶဝ် ၶိုၼ်းတိုၵ်းတေႃး တပ်ႉသိုၵ်းတပ်ႉတေႃႇ ၸွမ်းသဵၼ်ႈတၢင်းလူင် ဢၼ်ၵႂႃႇၸူး ၸႄႈမိူင်းယုၼ်ၼၢၼ် မိူင်းၶႄႇၼၼ်ႉယဝ်ႉ။
တပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA လၢတ်ႈတီႈသိုဝ်ႇၶၢဝ်ႇ AFP မိူဝ်ႈဢွၵ်ႇထူဝ်ႇပႃႇ 13 ဝၼ်းၼၼ်ႉဝႃႈ ဝၢႆးသေ ပဵၼ်ပၢင်တိုၵ်းၵၼ်မႃး လၢႆဝူင်ႈယဝ်ႉ တပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA သိမ်းလႆႈ တပ်ႉပၢင်သဝ်း ဢၼ်ၵိုတ်းဝႆႉ ၵမ်းလိုၼ်းသုတ်း တီႈဝဵင်းသီႇပေႃႉ ဝႃႈၼႆ။
လူၺ်းယေႇဢူး လၢတ်ႈဝႃႈ “ ႁဝ်းယိုတ်းဢဝ်တပ်ႉပၢင်သဝ်းတပ်ႉမူတ်းယဝ်ႉ ၼႂ်းဝဵင်းၼႆႉ ဢမ်ႇမီးသိုၵ်းမၢၼ်ႈယဝ်ႉၶႃႈ“ ဝႃႈၼႆ။
ဝဵင်းသီႇပေႃႉၼႆႉ ၵမ်ႈၼမ် ၵူၼ်းယူႇသဝ်း မီးမွၵ်ႈ 20,000 ၵေႃႉသေ မၼ်းမီးဝႆႉ ၼိူဝ်သဵၼ်ႈတၢင်းလူင် ဢၼ်လုၵ်ႉတီႈ ဝဵင်းလူင်မၢႆသွင် မိူင်းမၢၼ်ႈ ဢၼ်ပဵၼ် ဝဵင်းတႃႈလိူဝ်ႇ တေႃႇထိုင် လႅၼ်လိၼ်ၶႄႇၼၼ်ႉသေ ၵၢၼ်ၵႃႉၶၢႆ ဢၼ်ၵႂႃႇမႃး ၼိုင်ႈပီလႂ် ၼပ်ႉႁူဝ်ပၢၵ်ႇလၢၼ်ႉတေႃႇလႃႇၼၼ်ႉယဝ်ႉ။
ၵူၼ်းမိူင်းသီႇပေႃႉ ၵေႃႉဢမ်ႇၶႂ်ႈဢွၵ်ႇၸိုဝ်ႈ လၢတ်ႈတီႈသိုဝ်ႇၶၢဝ်ႇ AFP မိူဝ်ႈဝၼ်းတီႈ 15/10/2019 ဝႃႈ မိူဝ်ႈဢွၵ်ႇထူဝ်ႇပႃႇ 13 ဝၼ်းၼၼ်ႉ သိုၵ်း TNLA ၶဝ် ၵုမ်းၵမ်ဢဝ်လႆႈ ဝဵင်းသီႇပေႃႉ ယဝ်ႉဝႃႈၼႆ။
ၼႂ်းဝဵင်းၼႆႉ ဢမ်ႇမီးပၢင်တိုၵ်းယဝ်ႉသေတႃႉ ယွၼ်ႉဢမ်ႇႁူႉဝႃႈ တေမႃးမိူဝ်ႈလႂ်လႄႈ ႁဝ်းၶႃႈ ၵူဝ်မီးလွင်ႈယိုဝ်းၵၢင်ႁၢဝ် (သိုၵ်း) ဝႃႈၼႆယဝ်ႉ။
TNLA ၼႆႉ ၶဝ်ႈပႃးၼႂ်း “ၸုမ်းဢူၺ်းလီ သၢမ်ပီႈၼွင်ႉ” ဢၼ်ၶဝ်ႈပႃး တပ်ႉသိုၵ်းရၶႅင်ႇ (AA) လႄႈ တပ်ႉသိုၵ်းဢူၺ်းလီ တီႇမူဝ်ႇၶရႅတ်ႉတိၵ်ႉ ၸိူဝ်ႉၸၢတ်ႈ မိူင်းမၢၼ်ႈ (MNDAA) ၶဝ်ႈပႃးဝႆႉ။ ၸုမ်းဢူၺ်းလီၼႆႉ မိူဝ်ႈဢွၼ်တၢင်း ယၢမ်ႈပိုတ်ႇပၢင်တိုၵ်း ၵႂၢင်ႈၶႂၢင် ၼႂ်းၸႄႈမိူင်းတႆး ပွတ်းႁွင်ႇသေ သိမ်းဢဝ် ၼႃႈလိၼ် ဢၼ်လမ်ႇလွင်ႈ လႄႈ ႁဵတ်းႁႂ်ႈ တပ်ႉမတေႃႇ လႆႈတိူဝ်ႉသၢင်ႈ ႁၢဝ်ႈႁႅင်း ဝၢႆးသေ သိမ်းဢၢမ်းၼၢတ်ႈ မိူဝ်ႈပီ 2021 ၼၼ်ႉယဝ်ႉ။
ငိူၼ်ႈငဝ်ႈၶၢဝ်ႇ
[မႄးထတ်း | မႄးထတ်းငဝ်ႈငႃႇ]- The Straitstimes. "Myanmar armed group captures another town on China highway" — The Straitstimes, October 15, 2024
- Shairin Panwar. "Myanmar Junta's Grip Weakens As Ethnic Alliance Captures Key Town On China Highway" — The Daily Guardian, October 15, 2024
- Iran Press. "Ethnic Armed Group Seizes Key Town on China-Myanmar Highway" — Iran Press, October 15, 2024
