Jump to content

ၸဝ်ႈၸွမ်ၸိုင်ႈ ၾရၢင်ႇသဵတ်ႈ တႄႇၶၢဝ်းတၢင်း ၵျႃႇမၼီႇ

ထႅမ်သႂ်ႇ လိင်ႉၶ်
လုၵ်ႉတီႈ ဝီႇၶီႇၶၢဝ်ႇ မႃး

ဝၼ်းၸၼ်၊ မေႇ 27၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=ၾရၢင်ႇသဵတ်ႈ notcategory=disputed notcategory=no publish namespace=Main addfirstcategorydate=true count=5 </dynamicpagelist>

ဢွင်ႈတီႈ မိူင်းၾရၢင်ႇသဵတ်ႈ
ႁူမ်ႈသၢင်ႈ!
ၾရၢင်ႇသဵတ်ႈ
ၾရၢင်ႇသဵတ်ႈ
ၸဝ်ႈၸွမ်ၸိုင်ႈ ၾရၢင်ႇသဵတ်ႈ

မိူဝ်ႈဝၼ်းတိတ်ႉၼၼ်ႉ ၸဝ်ႈၸွမ်ၸိုင်ႈ ၾရၢင်ႇသဵတ်ႈ ဢေမၼ်ၼူယႄလ် မႅၵ်ႇၶရွၼ်ႇ ၼႆႉ ၼႂ်းၵႃႈၶၢဝ်းတၢင်း 24 ပီၼၼ်ႉ လႆႈႁွတ်ႈထိုင် မိူင်းၵျႃႇမၼီႇ ပဵၼ်ၼင်ႇ ၶၢဝ်းတၢင်းၸိုင်ႈမိူင်း ပွၵ်ႈဢွၼ်တၢင်းသုတ်းၼၼ်ႉယဝ်ႉ။

ပဝ်ႉမၢႆႉ ၶၢဝ်းတၢင်း ၸဝ်ႈၸွမ်ၸိုင်ႈ ၾရၢင်ႇသဵတ်ႈ မႅၵ်ႇၶရွၼ်ႇ ဢၼ်တေႁိုင်သၢမ်ဝၼ်းၼႆႉ မၼ်းတွၼ်ႈတႃႇၼႄဝႃႈ မီးလွင်ႈၵပ်းသိုပ်ႇမၼ်ႈၵႅၼ်ႇလီၵၼ်တင်း မိူင်းႁႅင်းယႂ်ႇ မိူင်းဢွၼ်ႁူဝ် ၸုမ်းၽွမ်ႉႁူမ်ႈယူးရူပ်ႉယူႇ ဢၼ်ဝႃႈၼၼ်ႉယဝ်ႉ။ မိူဝ်ႈတႄႇမၼ်း ၶၢဝ်းတၢင်းၼႆႉ လႆႈႁၢင်ႈႁႅၼ်းမႃး ၼႂ်းလိူၼ်ၸူႇလၢႆႇ မိူဝ်ႈပီၵၢႆယဝ်ႉ။ ၵူၺ်းၵႃႈဝႃႈ တီႈၾရၢင်ႇသဵတ်ႈၼၼ်ႉ ယွၼ်ႉပိူဝ်ႈ ပလိၵ်ႈလႄႈ ၵူၼ်းၼုမ်ႇ ဢႃႇယု 17 ပီ လႆႈတၢႆၵႂႃႇသေ လႆႈပဵၼ်လွင်ႈယုင်ႈယၢင်ႈသၢၼ်ၶတ်းမႃးလႄႈ ၸင်ႇလႆႈၶၢႆႉ ၶၢဝ်းတၢင်းၸိုင်ႈမိူင်းမႃးယဝ်ႉ။

တီႈပေႃႇလသီႇၵၢၼ်ၼွၵ်ႈမိူင်း တင်း ၸုမ်းၽွမ်ႉႁူမ်ႈယူးရူပ်ႉၼၼ်ႉ ၽွင်းမိူဝ်ႈ ၾရၢင်ႇသဵတ်ႈ လႄႈ ၵျႃႇမၼီႇၶဝ် တႃႇႁူမ်ႈသၢင်ႈၵၼ်ၼၼ်ႉ ၸဝ်ႈၸွမ်ၸိုင်ႈ မႅၵ်ႇၶရွၼ်ႇ ယူႇယူႇၵႆႉမႃး ၵျႃႇမၼီႇယူႇ။ ၵူၺ်းၵႃႈဝႃႈ ၸဵမ်မိူဝ်ႈဝၢႆးသေ ၸဝ်ႈၸွမ်ၸိုင်ႈၾရၢင်ႇသဵတ်ႈ Jacques Chirac မႃးဢႅဝ်ႇလႄႇ မိူဝ်ႈပီ 2000 ယဝ်ႉသေ လွင်ႈဢၼ်ၸဝ်ႈၸွမ်ၸိုင်ႈ မႅၵ်ႇၶရွၼ်ႇ မႃးဢႅဝ်ႇၼႆႉ မၼ်းပဵၼ် ၶၢဝ်းတၢင်းၸိုင်ႈမိူင်း ဢွၼ်တၢင်းသုတ်းယဝ်ႉ။

ၸဝ်ႈၸွမ်ၸိုင်ႈ ၵျႃႇမၼီႇ Frank-Walter Steinmeier လႆႈႁပ်ႉတွၼ်ႈ ၸဝ်ႈၸွမ်ၸိုင်ႈ မႅၵ်ႇၶရွၼ်ႇ လႄႈ မေးၼၢင်းမၼ်း Brigitte ၼၼ်ႉယဝ်ႉ။ ၸဝ်ႈၸွမ်ၸိုင်ႈၾရၢင်ႇသဵတ်ႈ လႆႈမႃးၶိုၼ်ႈႁွတ်ႈ ယုၵ်ႉယွင်ႈ ဝၼ်းၶွပ်ႈၶူပ်ႇ ပီၵွၼ်းသႅင် ဢၼ်လႆႈမၵ်းမၼ်ႈလၵ်းမိူင်း ၵျႃႇမၼီႇ ဝၢႆးသိုၵ်းၵမ်ႇၽႃႇပွၵ်ႈသွင်ၼၼ်ႉယဝ်ႉ။

ဝၼ်းတိတ်ႉၼၼ်ႉ ၸဝ်ႈၸွမ်ၸိုင်ႈ Steinmeier လႆႈႁႅၼ်းၽိူၼ်ၵိၼ်ၶဝ်ႈၶမ်ႈၸိုင်ႈမိူင်းသေ လဵင်ႉလူ ၸဝ်ႈၸွမ်ၸိုင်ႈ မႅၵ်ႇၶရွၼ်ႇသေ ထႅင်ႈဝၼ်းၸိူဝ်းၼၼ်ႉတႄႉ ၸဝ်ႈၸွမ်ႈၸိုင်ႈသွင်ၵေႃႉၼႆႉ တေဢွၼ်ၵၼ်ၵႂႃႇတီႈ Dresden ဢၼ်မီးတီႈ ပွတ်းဢွၵ်ႇမိူင်း လႄႈ ဝဵင်း Muenster ဢၼ်မီးတီႈ ပွတ်းတူၵ်းၼၼ်ႉယဝ်ႉ။ ပွတ်းလႃႈ ဝၼ်းဢင်းၵၢၼ်းၼၼ်ႉတႄႉ တင်း ၸွမ်ၽွင်းလူင် ၵျႃႇမၼီႇ Olaf Scholz သေ ဢိၵ်ႇတင်း ၽွင်းလူင် ၸုမ်းလူင်ပွင်ၸိုင်ႈ မိူင်းသွင်မိူင်း တေႁူပ်ႉထူပ်း ဢုပ်ႇဢူဝ်းၵၼ်တီႈ ဝဵင်းၿႃႇလိၼ် ၼႆယဝ်ႉ။


ငိူၼ်ႈငဝ်ႈတိုၼ်း

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=ၸဝ်ႈၸွမ်ၸိုင်ႈ_ၾရၢင်ႇသဵတ်ႈ_တႄႇၶၢဝ်းတၢင်း_ၵျႃႇမၼီႇ&oldid=4187"