ၸဝ်ႈၸွမ်ၸိုင်ႈယူႇၶရဵၼ်း လၢတ်ႈဝႃႈ မီးတိုဝ်ႈတၢင်းမႃး တႃႇလႆႈလွင်ႈဢွင်ႇမၢၼ်
ဝၼ်းၸၼ်၊ ဢေႇပရႄႇ 22၊ 2024
_on_the_globe_(Europe_centered).svg)
ၸဝ်ႈၸွမ်ၸိုင်ႈယူႇၶရဵၼ်း ဝူဝ်ႇလူဝ်ႇတီႇမီႇယႃႇ ၸႄႇလႅၼ်ႇသၵီး မွၵ်ႇလၢတ်ႈမိူဝ်ႈဝၼ်းဢႃးတိတ်ႉၼၼ်ႉဝႃႈ မီးမႃးတိုဝ်ႉတၢင်းဢၼ်ၼိုင်ႈ တွၼ်ႈတႃႇ ၽၢႆႇယူႇၶရဵၼ်းၶဝ် တေဢွင်ႇပႄႉလႆႈတီႈ ပၢင်တိုၵ်း ဢၼ်လႆႈတေႃႇသူႈတိုၵ်းတေႃးၵၼ်တင်း ရတ်ႈသျႃးယူႇၼၼ်ႉ ဝႃႈၼႆယဝ်ႉ။ ၸဝ်ႈၸွမ်ၸိုင်ႈ ၸႄႇလႅၼ်ႇသၵီး လၢတ်ႈၼင်ႇၼႆၼႆႉ မၼ်းပဵၼ် ၽွင်း သၽႃးၶွၼ်ႇၶရႅတ်ႉ ဢမႄႇရိၵၢၼ်ႇ ၸမ်တေယိုၼ်ယၼ်ပၼ် ပိူင်ယုၵ်းယၢင်ႇဢၼ်ၼိုင်ႈ ဢၼ်ၵဵဝ်ႇၵပ်း လွင်ႈၸွႆႈထႅမ်ၵၢၼ်သိုၵ်းယူႇၶရဵၼ်း ဢၼ်ၸဝ်ႈၸွမ်ၸိုင်ႈ ၵျူဝ်း ပၢႆႇတႅၼ်ႇ ၵမ်ႉထႅမ်ၸွမ်းၼၼ်ႉယဝ်ႉ။
မိူဝ်ႈဝၼ်းၸၼ်ၼၼ်ႉ ၽွင်းမိူဝ်ႈ ၽွင်းရီႇပတ်ႉပလိၵ်ႇၵၢၼ်ႇၵမ်ႈၽွင်း သၢၼ်ၶတ်း တႃႇပၼ်တၢင်းၸွႆႈထႅင်ယူႇၶရဵၼ်းထႅင်ႈယူႇၼၼ်ႉ လုၵ်ႉတီႈ သၽႃးတႂ်ႈ လႆႈယိုၼ်ယၼ်တႃႇပၼ် တၢင်းၸွႆႈထႅမ်ယူႇၶရဵၼ်း ၵိုင်ႇငိုၼ်းတေႃႇလႃႇ 61 ႁဵင်လၢၼ်ႉၼၼ်ႉယဝ်ႉ။ ပေႃးဝႃႈ သၽႃးၼိူဝ် ယိုၼ်ယၼ်ပၼ် ပိူင်ယုၵ်းယၢင်ႇၼၼ်ႉ ၼႂ်းဝူင်ႈၼႆႉယဝ်ႉၸိုင် ၸဝ်ႈၸွမ်ၸိုင်ႈ ၵျူဝ်းပၢႆႇတႅၼ်ႇ လူဝ်လႆႈလူင်းလၢႆးမိုဝ်းပၼ် လိုၼ်းသုတ်းယဝ်ႉ။ မိူင်းမႄႇရိၵၢၼ်ႇၼႆႉ ပဵၼ်မိူင်း ဢၼ်ၵမ်ႉထႅမ်ပၼ်ပိူင်လူင် တွၼ်ႈတႃႇ ပၢင်တိုၵ်းယူႇၶရဵၼ်းၼၼ်ႉယူႇ။
ယွၼ်ႉပိူဝ်ႈဝႃး သၽႃးဢမႄႇရိၵၢၼ်ႇ ဢမ်ႇပႆႇၸၢင်ႈယိုၼ်ယၼ်ပၼ် တၢင်းၸွႆႈထႅမ် ဢၼ်ယူႇၶရဵၼ်းၶဝ်လူဝ်ႇထႅင်ႈၼၼ်ႉ ႁိုင်ၵႂႃႇႁူဝ်လိူၼ်မၼ်းလႄႈ တပ်ႉၸုမ်းယူႇၶရဵၼ်းၶဝ်ၵေႃႈ လႆႈၺႃႈလွင်ႈတုၵ်းသုမ်းယူႇတီႈ ၼႃႈသိုၵ်းယဝ်ႉ။ ပၢင်တိုၵ်း ဢၼ်လႆႈတေႃႇသူႈ လွင်ႈရတ်ႈသျႃးၶဝ်ႈတိုၵ်း ဢၼ်ႁိုင်မႃး သွင်ပီပၢႆၼၼ်ႉၵေႃႈ ပေႃးၸမ်ၵိုတ်းၵႂႃႇၼၼ်ႉယဝ်ႉ။
မိူဝ်ႈဝၼ်းၸၼ်ၼၼ်ႉ ၸဝ်ႈၸွမ်ၸိုင်ႈ ၵျူဝ်းပၢႆႇတႅၼ်ႇ လႆႈမွၵ်ႇလၢတ်ႈတိုၵ်းသူၼ်း သၽႃးၼိူဝ် ႁႂ်ႈၸဵဝ်းဢွၼ်ၵၼ် ၸႅၵ်ႇၶႅပ်းၵၢင်ၸႂ်သေ ယိုၼ်ယၼ်ပၼ် တႃႇႁႂ်ႈမၼ်းႈၸၢင်ႈလူင်းလၢႆးမိုဝ်းပၼ်လႆႈၽႂ်းၽႂ်း ဝႃးၼႆယဝ်ႉ။ ပေႃးၸိူင်ႉၼၼ်ႉ ၸင်ႇၵႆႈၸၢင်ႈသူင်ႇပၼ်လႆႈ ၶိူင်ႈလၢၵ်ႈၼၢၵ်ႈ ဢၼ်ယူႇၶရဵၼ်းၶဝ် လူဝ်ႇႁိပ်ႈႁိပ်ႈၼႅတ်ႈၼႅတ်ႈယူႇ တီႈ ၼႃႈသိုၵ်းၼၼ်ႉ ဝႃႈၼႆယဝ်ႉ။
ငိူၼ်ႈငဝ်ႈတိုၼ်း
[မႄးထတ်း | မႄးထတ်းငဝ်ႈငႃႇ]- Ken Bredemeier. "Zelenskyy: More US weapons give Ukraine ‘a chance’ to defeat Russia" — Voice of America, April 21, 2024
- Tara Copp လႄႈ Lolita C. Baldor. "After Congress finally does pass new funding, this is how the US can rush weapons to Ukraine" — Associated Press, April 21, 2024
- Alex Horton လႄႈ Siobhán O'Grady. "Ukraine weapons package ‘ready to go’ once aid bill clears Congress" — The Washington Post, April 19, 2024
