ၶေႃႈတွပ်ႇပၢင်လိူၵ်ႈတင်ႈ မိူင်းၾရၢင်ႇသဵတ်ႈ လၢမ်းၶၢတ်ႈဝႃႈ ၸုမ်းၽၢႆႇသၢႆႉတေဢုပ်ႉပိူင်ႇ
ဝၼ်းၸၼ်၊ ၸူႇလၢႆႇ 8၊ 2024
.svg)
ၸွမ်းၼင်ႇ ၶေႃႈလၢမ်းၶၢတ်ႈ ၽွၼ်းၵၢၼ်ပၢင်လိူၵ်ႈတင်ႈ ၽူႈတႅၼ်းသၽႃး မိူင်းၾရၢင်ႇသဵတ်ႈၼၼ်ႉသေ ၸုမ်းၽွမ်ႉႁူမ်ႈ ၽၢႆႇသၢႆႉၶဝ် လႆႈတီႈၼင်ႈၼမ်လိူဝ် ၼႂ်းသၽႃး ဢၼ်ဢမ်ႇထၢင်ႇသေ လႆႈမႃးၼၼ်ႉယဝ်ႉ။ ပႃႇတီႇသုၼ်ၵၢင် ဢၼ်ၸွမ်ပွင်ၸိုင်ႈ ဢီမၼ်ၼူယႄလ် မႅၵ်ႉၶရူၼ်ႇ ယၢမ်းလဵဝ် မီးဝႆႉတီႈသွင်သေ ပႃႇတီႇၽၢႆႇၶႂႃသုတ်းသမ်ႉ ပဵၼ်တီႈသၢမ်။
ၵူၺ်းၵႃႈ သင်ဝႃႈ ပႃႇတီႇဢၼ်ၼိုင်ႈ ဢမ်ႇလႆႈၶႅပ်းၵၢင်ၸႂ်ၼမ်ၼႆၸိုင် တီႈမိူင်းၾရၢင်ႇသဵတ်ႈၼႆႉ တေမီးလွင်ႈၶွင်ႉၶမ်ၵၢၼ်မိူင်း လႄႈ ပၢႆးမၢၵ်ႈမီ၊ ၶေႃႈတွပ်ႇပၢင်လိူၵ်ႈတင်ႈ ၵမ်းလိုၼ်းသုတ်းၼႆႉ တေႃႇထိုင် မိူဝ်ႈၸဝ်ႉဝၼ်းၸၼ်ၼၼ်ႉ တေဢမ်ႇလႆႈပိုၼ်ၽၢဝ်ႇ။ ၸွမ်းၼင်ႇ ၽွၼ်းပၢင်ႈ ၵၢၼ်ထတ်းသၢင်ၼၼ်ႉသေ ပႃႇတီႇၽၢႆႇၶႂႃသုတ်း လႆႈတီႈၼင်ႈၼႂ်းသၽႃး ၼမ်လိူဝ်ၵဝ်ႇသေတႃႉ ဢမ်ႇပဵၼ်မႃး ၼင်ႇဢၼ်ထၢင်ႇဝႆႉ မိူဝ်ႈတႄႇမၼ်း။ မိူဝ်ႈလဵဝ် ပၢင်လိူၵ်ႈတင်ႈ သၽႃးၾရၢင်ႇသဵတ်ႈၼႆႉ တေမီးလွင်ႈႁူမ်ႇငမ်းၽွၼ်းယွၼ်ႈၼိူဝ် ပဵၼ်ပၢင်တိုၵ်း တီႈမိူင်းယူႇၶရဵၼ်း၊ ၼိူဝ်ၵၢၼ်မိူင်းလုမ်ႈၾႃႉ လႄႈ လွင်ႈၼိမ်သဝ်းပၢႆးမၢၵ်ႈမီး မိူင်းယူးရူပ်ႉၼၼ်ႉယူႇ။
ၽွၼ်းပၢင်ႈပၢင်လိူၵ်ႈတင်ႈ မိူဝ်ႈလဵဝ်ၼႆႉ တေတႅပ်းတတ်းဝႃႈ ၽႂ်တေဢွၼ်ႁူဝ် သၽႃးၾရၢင်ႇသဵတ်ႈ လႄႈ ၼႃႈတီႈၸွမ်ၽွင်းလူင် ၼႆယဝ်ႉ။ ၸွမ်ပွင်ၸိုင်ႈ မႅၵ်ႉၶရူၼ်ႇ ယၢမ်းလဵဝ်ၼႆႉ လႆႈႁူပ်ႉထူပ်း လွင်ႈသၢၼ်ၶတ်း တီႈၸွမ်ၽွင်းလူင် ယၢမ်းလဵဝ် ၵဵဝ်ႇၵပ်း ပေႃႇလၸီႇ ၼႂ်းမိူင်းမၼ်း ၵမ်ႈၼမ်ၼၼ်ႉယဝ်ႉ။
ၸွမ်ၶုၼ်ၽွင်းလူင် မိူင်းၾရၢင်ႇသဵတ်ႈ ယၢမ်းလဵဝ် Gabriel Attal လၢတ်ႈ မိူဝ်ႈဝၼ်းၸၼၼႆႉ ဝႃႈ မၼ်းတေယိုၼ်ႈလိၵ်ႈထွၼ်တူဝ်ဢွၵ်ႇ တီႈၸွမ်ပွင်ၸိုင်ႈ မႅၵ်ႉၶရူၼ်ႇ ၼႆယဝ်ႉ။ ၸွမ်ၶုၼ်ၽွင်းလူင် ဢႅတ်ႉတလ် လၢတ်ႈတီႈပၢင်သပ်းၸႅင်ႈၶၢဝ်ႇဝႃႈ လွင်ႈၼႆႉ ပဵၼ်ငဝ်းလၢႆးၵၢၼ်မိူင်း ဢၼ်ဢမ်ႇထၢင်ႇသေ ပဵၼ်မႃးၼႆယဝ်ႉ။ ၶေႃႈလၢမ်းၶၢတ်ႈ ၽွၼ်းၵၢၼ်ပၢင်လိူၵ်ႈတင်ႈၼၼ်ႉ ၼႄဝႆႉဝႃႈ ဢမ်ႇမီးပႃႇတီႇလႂ် တေဢွင်ႇပေႉလႆႈ ၶႅပ်းၵၢင်ၸႂ်ၼမ် ဢၼ်ၸႅင်ႈလႅင်းၼႆလႄႈ ၼႂ်းသၽႃးၵေႃႈ မီးဝႆႉလွင်ႈဢမ်ႇတႅတ်ႈၼႅတ်ႈ ၽၢႆႇၵၢၼ်မိူင်း ၼႆယဝ်ႉ။
ငိူၼ်ႈငဝ်ႈၶၢဝ်ႇ
[မႄးထတ်း | မႄးထတ်းငဝ်ႈငႃႇ]- John Leicester, Lori Hinnant and Sylvie Corbet. "French vote gives leftists most seats over far right, but leaves hung parliament and deadlock" — AP News, July 8, 2024
- John Leicester, Lori Hinnant and Sylvie Corbet. "French leftists win most seats in snap legislative election" — Los Angeles Times, July 7, 2024
