Jump to content

ၵၢၼ်ႇ သူင်ႇႁိူဝ်းမိၼ်သိုၵ်းၵႂႃႇ ပွတ်းဢွၵ်ႇတွၼ်ႈၵၢင် တႃႇၵႅတ်ႇၵင်ႈဢိတ်ႇသရေး

ထႅမ်သႂ်ႇ လိင်ႉၶ်
လုၵ်ႉတီႈ ဝီႇၶီႇၶၢဝ်ႇ မႃး

ဝၼ်းသုၵ်း၊ ဢေႃးၵၢတ်ႉ 9၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=ပွတ်းဢွၵ်ႇ တွၼ်ႈၵၢင် notcategory=disputed notcategory=no publish namespace=Main addfirstcategorydate=true count=5 </dynamicpagelist>

ဢွင်ႈတီႈ ပွတ်းဢွၵ်ႇ တွၼ်ႈၵၢင်
ႁူမ်ႈသၢင်ႈ!
ႁိူဝ်းမိၼ်တိုၵ်း F-22 ဢမႄႇရိၵၢၼ်ႇ ဢၼ်သူင်ႇၵႂႃႇတီႈ ပွတ်းဢွၵ်ႇ တွၼ်ႈၵၢင် ယွၼ်ႉဢီႇရၢၼ်းလႄႈ ၸုမ်းဢၼ်ဢီႇရၢၼ်း ၵမ်ႉထႅမ်ၶဝ် ၸၢင်ႈမႃးယိုဝ်း (ၶႅပ်းႁၢင်ႈၵဝ်ႇ)

ႁိူဝ်းမိၼ်သိုၵ်းဢမႄႇရိၵၢၼ်ႇ ႁွတ်ႈၽႅဝ်မႃး တီႈပွတ်းဢွၵ်ႇ တွၼ်ႈၵၢင် တႃႇၸွႆႈထႅမ် လွင်ႈဢၼ် ဢီႇရၢၼ်း လႄႈ ၸုမ်းဢၼ် ဢီႇရၢၼ်း ၵမ်ႉထႅမ်ၼၼ်ႉ ၸၢင်မႃးယိုဝ်း ဢိတ်ႇသရေး ၼႆယဝ်ႉ။

ငဝ်ႈငုၼ်းၵုမ်းၵမ်ၵၢၼ်သိုၵ်း ဢၼ်ၵုမ်းၵမ် တပ်ႉသိုၵ်းဢမႄႇရိၵၢၼ်ႇ တီႈပွတ်းဢွၵ်ႇတွၼ်ႈၵၢင်ၼၼ်ႉ ပိုၼ်ၽၢဝ်ႇဝႃႈ ႁိူဝ်းမိၼ်တိုၵ်း F-22 ၸုမ်းၼိုင်ႈ ႁွတ်ႈၽႅဝ်မႃး မိူဝ်ႈဢေႃးၵၢတ်ႉ 8 ဝၼ်းၼၼ်ႉသေ ၼႄၶႅပ်းႁၢင်ႈ ႁိူဝ်းမိၼ်ၸိူဝ်းၼၼ်ႉ ၼိူဝ်သိုဝ်ႇတူင်ႇဝူင်းၵူၼ်း ၼႆယဝ်ႉ။ ယဝ်ႉၵေႃႈ လႆႈမွၵ်ႇလၢတ်ႈဝႃႈ ပဵၼ်တွၼ်ႈၼိုင်ႈ ဢၼ်လႅၵ်ႈလၢႆႈ ၼႃႈတီႈသိုၵ်းဢမႄႇရိၵၢၼ်ႇ တႃႇႁႂ်ႈ ဢီႇရၢၼ်း ဢမ်ႇၼၼ် ၸုမ်းဢၼ်ၵပ်းၵၢႆႇၵၼ်တင်းမၼ်း တေႁဵတ်းႁႂ်ႈ လွင်ႈၶဵင်ႈၶႅင် ၼႂ်းပိုၼ်ႉတီႈ ဢၼ်ၼမ်မႃးၼၼ်ႉ ႁႂ်ႈယွၼ်ႇယွမ်းငၢႆႈလူမ်ၸႂ်မႃး ဝႃႈၼႆယဝ်ႉ။

ၽူႈတၢင်လၢတ်ႈ ၽၢႆႇပႅၼ်ႇတၵူၼ်ႇ ဢမႄႇရိၵၢၼ်ႇ Sabrina Singh လၢတ်ႈဝႃႈ ႁိူဝ်းမိၼ်ၸိူဝ်းၼႆႉ မီးၵႃႈၶၼ် တႃႇၵၢၼ်ၵႅတ်ႇၵင်ႈလႄႈ လႆႈသႂ်ႇပႃး လွၵ်းလၢႆး ဢၼ်ႁဵတ်းႁႂ်ႈ ၸႂ်ႉတိုဝ်းလႆႈငၢႆႈငၢႆႈ ၼႆသေ လၢတ်ႈဝႃႈ ႁိူဝ်းမိၼ်ၸိူဝ်းၼႆႉ သူင်ႇၵႂႃႇ တီႈပွတ်းဢွၵ်ႇတွၼ်ႈၵၢင် ယွၼ်ႉပိူဝ်ႈ မီးလွင်ႈမႆႈၸႂ်ၼိူဝ် လွင်ႈတေတွပ်ႇတႅၼ်း ဢၼ် ဢိတ်ႇသရေးၶဝ် ၶႃႈႁႅမ်တၢႆ ၽူႈၵွၼ်းသိုၵ်း ႁိတ်ႉၸပူဝ်းလႃႇ တီႈဝဵင်းပႄႇရူတ်ႉ မိူဝ်ႈပူၼ်ႉမႃး ဢမ်ႇႁိုင်ၼႆႉ လႄႈ လွင်ႈတိုၵ်းတေႃး ဢၼ်ႁဵတ်းႁႂ်ႈ ၽူႈဢွၼ်ႁူဝ်ၵၢၼ်မိူင်း ၸုမ်းႁမၢသ်ႉ လႆႈတၢႆၵႂႃႇတီႈ တီႈဝဵင်းတီႇႁႃႇရၢၼ်ႇၼၼ်ႉ ၼႆယဝ်ႉ။

ဢီႇရၢၼ်ႇလႄႈ ၸုမ်းႁိတ်ႉၸပူဝ်းလႃႇ တင်းသွင်ၸုမ်း လၢတ်ႈဝႃႈ တေတွပ်ႇတႅၼ်း ဢိတ်ႇသရေး ၶိုၼ်း ယွၼ်ႉလွင်ႈၼႆႉၼႆသေ ဢိတ်ႇသရေးၵေႃႈ ပိုၼ်ၽၢဝ်ႇဝႃႈ တေၽဵဝ်ႈမူၺ်ႉ ၽူႈဢွၼ်ႁူဝ် ၸုမ်းႁမၢသ်ႉ ဢၼ်တႅင်ႇတင်ႈမႂ်ႇ ဢၼ်ပဵၼ် ယႃႇယႃႇသိၼ်ႇဝႃႇၼၼ်ႉၼႆယဝ်ႉ။ ၽူႈမီးသုၼ်ႇလၢတ်ႈ ပႅၼ်ႇတၵူၼ်ႇ သိင်ႇ လၢတ်ႈဝႃႈ ၽွင်းမိူဝ်ႈ ဢမႄႇရိၵၢၼ်ႇ ႁၢင်ႈႁႅၼ်းဝႆႉ ၸွမ်းၼင်ႇ လွင်ႈလူဝ်ႇ တႃႇၵႅတ်ႇၵင်ႈ ဢိတ်ႇသရေးၼၼ်ႉသေတႃႉ ယိူင်းဢၢၼ်း တႃႇတေႁႄႉၵင်ႈ လွင်ႈၶဵင်ႈၶႅင် ၼႂ်းပိုၼ်ႉတီႈ ယႃႇႁႂ်ႈယႂ်ႇမႃး ၼႆယဝ်ႉ။


ငိူၼ်ႈငဝ်ႈၶၢဝ်ႇ

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=ၵၢၼ်ႇ_သူင်ႇႁိူဝ်းမိၼ်သိုၵ်းၵႂႃႇ_ပွတ်းဢွၵ်ႇတွၼ်ႈၵၢင်_တႃႇၵႅတ်ႇၵင်ႈဢိတ်ႇသရေး&oldid=3799"