ၵၢၼ်ႇ တိုၵ်းသူၼ်းႁႃးမၢတ်ႉသ် တႃႇၽွမ်ႉၸႂ်ၵိုတ်းတိုၵ်းတင်း ဢိတ်ႇသရေး
ဝၼ်းပုတ်ႉ၊ ဢေႇပရႄႇ 10၊ 2024
မိူဝ်ႈဝၼ်းဢင်းၵၢၼ်းၼၼ်ႉ ဢမႄႇရိၵၢၼ်ႇ လႆႈတိုၵ်းသူၼ်း ၸုမ်းႁႃးမၢတ်ႉသ် တႃႇႁပ်ႉၶၢမ်ႇ ၶေႃႈၽွမ်ႉၸႂ် လွင်ႈၵိုတ်းတိုၵ်း ၼႆယဝ်ႉ။
ၽွင်းလူင်ၵၢၼ်ၼွၵ်ႈမိူင်း ဢမႄႇရိၵၢၼ်ႇ Antony Blinken လႆႈမွၵ်ႇလၢတ်ႈ ၽူႈဢဝ်ၶၢဝ်ႇၶဝ် တီႈ ဝႃႇသျိၼ်ႇတၼ်ႇတီႇၸီႇဝႃႈ ၵိုတ်းတိုၵ်းဝႆႉတီႈ ၵႃႇၸႃႇၼႆႉ မီးမႃး ႁူၵ်းဝူင်ႈယဝ်ႉသေ လႆႈဢဝ်ပိူင်ယုၵ်းယၢင်ႇ ဢၼ်လီဝႆႉၼမ်ႉၼၵ်း ဢၼ်ၶဝ်ႈပႃးဝႆႉ လွင်ႈတႃႇဢဝ် ၵူၼ်းဢၼ်ႁႃးမၢတ်ႉသ်ၶဝ် တိၺွပ်းၵႂႃႇ 100 ပၢႆ လႄႈ ၵူၼ်းပႃးလဵတ်ႈသတၢႆးႁူဝ်ပၢၵ်ႇ ဢၼ်ဢိတ်ႇသရေးၶဝ် တိၺွပ်းဝႆႉၼၼ်ႉ လႅၵ်ႈလၢႆႈၵၼ်ၼၼ်ႉ ပၼ်ၸုမ်းႁႃးမၢတ်ႉသ်ၶဝ်တီႈ ဝဵင်းၵၢႆႇရူဝ်ႇ တီႈမိူင်းဢီးၵျိပ်ႈၼၼ်ႉယဝ်ႉ ဝႃႈၼႆ။
ပလိၼ်ႇၵၢၼ်ႇဝႃႈ သင်ဝႃႈ ၸုမ်းႁႃးမၢတ်ႉသ်ၶဝ်ၼႆႉ ဢမ်ႇၶဝ်ႈပႅပ်ႉယူႇၼႂ်းၵႄႈ ၵူၼ်းမိူင်းသေ ဝၢင်းၶိူင်ႈမႃးၼႆၸိုင် ပၢင်တိုၵ်းၼႆႉ ပေႃးယဝ်ႉၸဵမ်မိူဝ်ႈ လၢႆလၢႆလိူၼ်ပူၼ်ႉၼၼ်ႉယဝ်ႉဝႃႈၼႆ။ မိူဝ်ႈဝၼ်းၸၼ် ၼၼ်ႉ ၸွမ်ၽွင်းလူင် ဢိတ်ႇသရေး ၼႄႇတၼ်ႇယႃႇႁုလၢတ်ႈဝႃႈ ၶဝ်လႆႈ မၵ်းမၼ်ႈဝၼ်း တႃႇၶဝ်ႈတိုၵ်းဝဵင်းရႃႇၾႃႇယဝ်ႉၼႆသေတႃႉ ပဵၼ်ဝၼ်းလႂ်ဢၼ်ဝႃႈၼၼ်ႉတႄႉ ဢမ်ႇလႆႈမွၵ်ႇလၢတ်ႈဝႆႉၼင်ႇၵဝ်ႇ။
ဢမႄႇရိၵၢၼ်ႇ လႆႈသၢၼ်ၶတ်းဝႆႉ လွင်ႈဢၼ် တေၶဝ်ႈတိုၵ်း ဝဵင်းရႃႇၾႃႇ ဢၼ်မီး ၵူၼ်းပၢႆႈၽေးပႃးလဵတ်ႈသတၢႆး ႁူဝ်လၢၼ်ႉမၼ်းၼၼ်ႉယဝ်ႉ။ ပလိၼ်ႇၵၢၼ်ႇလၢတ်ႈဝႃး ၽူႈမီးပုၼ်ႈၽွၼ်း ၽၢႆႇဢိတ်ႇသရေး လႄႈ ဢမႄႇရိၵၢၼ်ႇၶဝ် တေ ဝူင်ႈၼႃႈမႃး တေ ႁူပ်ႉထူပ်းၵၼ်သေ တေ ဢုပ်ႇဢူဝ်း လွၵ်းလၢႆးတၢင်ႇလၢႆး ဢၼ်တႃႇတိုၵ်းတေႃး ၸုမ်းႁႃးမၢတ်ႉသ် ဢၼ်ၵိုတ်းလိူဝ်ၼၼ်ႉ ဝႃႈၼႆယဝ်ႉ။ ပလိၼ်ႇၵၢၼ်ႇ ယုမ်ႇယမ်ဝႆႉဝႃႈတႄႉ ၼႂ်းၵႄႈၼႆႉ ၽၢႆႇဢိတ်ႇသရေး လႅပ်ႈတေ ဢမ်ႇပႆႇပႃႈတိုၵ်းဝႃႈၼႆ။
ငိူၼ်ႈငဝ်ႈတိုၼ်း
[မႄးထတ်း | မႄးထတ်းငဝ်ႈငႃႇ]- VOA News. "US pushes Hamas to agree with Israel on Gaza cease-fire terms" — VOA News, April 9, 2024
- VOA News. "အစ္စရေးနဲ့အပစ်ရပ်ရေးသဘောတူဖို့ ဟာမတ်စ်ကို ကန်တိုက်တွန်း" — VOA News, April 10, 2024
- Toi Staff. "Top Biden adviser says Israel ready for hostage deal, Hamas needs to be pushed" — The Times of Israel, April 9, 2024
