ၵၢၼ်ႇႁပ်ႉတွၼ်ႈ ၶေႃႈပိုၼ်ၽၢဝ်ႇ တႃႇၽွတ်ႈလူင်ပွင်ၸိုင်ႈၸူဝ်ႈၶၢဝ်း တီႈပင်းၵလႃးတဵတ်ႈ

ဝၼ်းဢင်းၵၢၼ်း၊ ဢေႃးၵၢတ်ႉ 6၊ 2024 

ၸွမ်ၽွင်းလူင် ပင်းၵလႃးတဵတ်ႈ သျိၵ်ႉႁႃႇသီႇၼႃႇ (ၶႅပ်းႁၢင်ႈၵဝ်ႇ)

ဢမႄႇရိၵၢၼ်ႇၵေႃႈ ႁပ်ႉတွၼ်ႈ လွင်ႈဢၼ်လႆႈတင်ႈ လူင်ပွင်ၸိုင်ႈၸူဝ်ႈၶၢဝ်း တီႈမိူင်းပင်းၵလႃးတဵတ်ႈၼၼ်ႉယူႇ။ တပ်ႉသိုၵ်းပိုၼ်ၽၢဝ်ႇဝႃႈ တေၶွတ်ႇၽွတ်ႈ လူင်ပွင်ၸိုင်ႈၸူဝ်ႈၶၢဝ်း တီႈမိူင်းပင်းၵလႃးတဵတ်ႈ ယွၼ်ႉၸွမ်ၽွင်းလူင် ထွၼ်တူဝ်ဢွၵ်ႇသေ ပၢႆႈဢွၵ်ႇၼွၵ်ႈမိူင်း ယွၼ်ႉမီးလွင်ႈတဵၵ်းတဵင် ၵူၼ်းၼႄၵၢင်ၸႂ် ၼႆယဝ်ႉ။

မိူင်းဢမႄႇရိၵၢၼ်ႇ တိုၵ်းသူၼ်းဝႃႈ ႁႂ်ႈၵူႈၵေႃႉ ၶဝ်ႈပႃးၼႂ်းၵၢၼ်ၶွတ်ႇၽွတ်ႈ လူင်ပွင်ၸိုင်ႈၸူဝ်ႈၶၢဝ်း လူၺ်ႈလၢႆးတီႇမူဝ်ႇၶရေႇသီႇ။ မိူဝ်ႈလိူၼ်ပူၼ်ႉမႃးၼၼ်ႉ လုၵ်ႈႁဵၼ်းၶဝ် ဢမ်ႇႁၢၼ်ႉၸႂ်ၸွမ်း လၢႆးပၼ်ၶွၼ်ႇ တႃႇၵၢၼ်လူင်ပွင်ၸိုင်ႈသေ တႄႇၼႄၵၢင်ၸႂ်မႃးသေ ဝၢႆးၼၼ်ႉ လႆႈတုၵ်းယွၼ်း ႁႂ်ႈၸွမ်ၽွင်းလူင် ႁႃႇသီႇၼႃႇ ထွၼ်တူဝ်ဢွၵ်ႇ ၼႆယဝ်ႉ။

ၼၢင်းႁႃႇသီႇၼႃႇ ဢၼ်ႁၢပ်ႇၵၢၼ် ၸွမ်ၽွင်းလူင်မႃး ၶၢဝ်းတၢင်း 15 ပီၼၼ်ႉ လႆႈဢွင်ႇပေႉ ပွၵ်ႈၵမ်း 4 ၼႂ်းပၢင်လိူၵ်ႈတင်ႈ ဢၼ်ၸတ်းႁဵတ်း မိူဝ်ႈလိူၼ်ၸၼ်ႇဝႃႇရီႇၼၼ်ႉယဝ်ႉ။ ဝၢႆးသေ လူင်ပွင်ၸိုင်ႈ ၽဵဝ်ႈမူၺ်ႉ လွင်ႈႁုၵ်းႁၢႆႉ ဢၼ်ႁဵတ်းႁႂ်ႈ ၵူၼ်းၼႄၵၢင်ၸႂ် ၼႂ်းမိူင်း လႆႈတၢႆၵႂႃႇ ၸမ်ပၢၵ်ႇၵေႃႉၼၼ်ႉ ယဝ်ႉ ထႅင်ႈဝၼ်း႞ လႆႈသၢၼ်ၶတ်း ၶေႃႈပူင် ဢမ်ႇလႆႈဢွၵ်ႇၵၢင်ၶမ်ႈ လူင်ပွင်ၸိုင်ႈသေ လႆႈၼႄၵၢင်ၸႂ် တႃႇပၼ်ႁႅင်းတဵၵ်း ႁႂ်ႈၸွမ်ၽွင်းလူင် ထွၼ်တူဝ်ဢွၵ်ႇၼႆသေ လုၵ်ႈႁဵၼ်းၶဝ် တိုၵ်းသူၼ်း ႁႂ်ႈလုၵ်ႈႁဵၼ်းၶဝ် ပႆတၢင်း လႄႇလဵပ်ႈ ဝဵင်းလူင် တႃႇၵႃႇ မိူဝ်ႈဢေႃးၵၢတ်ႉ 5 ဝၼ်းၼၼ်ႉ ၼႆယဝ်ႉ။

ယွၼ်ႉငဝ်းလၢႆး တီႈမိူင်းပင်းၵလႃးတဵတ်ႈ ဢမ်ႇၼိမ်သဝ်းလႄႈ မိူဝ်ႈဢေႃးၵၢတ်ႉ 5 ဝၼ်းၼၼ်ႉ ၸွမ်ၽွင်းလူင် ၼရႅၼ်ႇတရႃႇမူဝ်ႇတီႇ ႁွင်ႉပၢင်ၵုမ် ၽၢႆႇႁူမ်ႇလူမ်ႈ တင်း ၽွင်းလူင် ၼႂ်းၸုမ်းၽွင်းလူင် တီႈမိူင်းဢိၼ်းတီးယႃး ၼႆယဝ်ႉ။

ငိူၼ်ႈငဝ်ႈၶၢဝ်ႇ

• JULHAS ALAM and KRUTIKA PATHI. "Bangladeshi PM Sheikh Hasina resigns as widening unrest sees protesters storm her official residence" — AP NEWS, August 6, 2024
• Claire Gilbody Dickerson. "Bangladesh's prime minister flees country and resigns after deadly protest" — SKY NEWS, August 6, 2024
• Sudipto Ganguly. "Why did Bangladesh PM Sheikh Hasina resign and where is she now?" — Reuters, August 6, 2024