Jump to content

ၵေႃႉဢၼ်ဢဝ် ၽႅၼ်ၵၢၼ် လွင်ႈဢိတ်ႇသရေး တေတိုၵ်း ဢီႇရၢၼ်း ပိုၼ်ဢွၵ်ႇၼၼ်ႉ ထုၵ်ႇမႂ်

ထႅမ်သႂ်ႇ လိင်ႉၶ်
လုၵ်ႉတီႈ ဝီႇၶီႇၶၢဝ်ႇ မႃး

ဝၼ်းၽတ်း၊ ၼူဝ်ႇဝႅမ်ႇပႃႇ 14၊ 2024

ငဝ်ႈငုၼ်း FBI

ဢွၼ်ၼႃႈၼႆႉ ၽူႈႁၢပ်ႇၵၢၼ် လူင်ပွင်ၸိုင်ႈ ဢမႄႇရိၵၢၼ်ႇ ၵေႃႉ႞ လႆႈထုၵ်ႇဢဝ်တၢင်းၽိတ်း ယွၼ်ႉမၼ်း ပိုၼ်ၽၢဝ်ႇ ၽႅၼ်ၵၢၼ် ဢိတ်ႇသရေး တႃႇတေ တိုၵ်းတေႃး ဢီႇရၢၼ်းၼၼ်ႉ ၼႆယဝ်ႉ။ ဢႃႇသိပ်ႉ ဝီႇလီႇယမ်ႇ ရႃႇႁၢၼ်ႇၼႆႉ လႆႈထုၵ်ႇ လုမ်းၵူတ်ႇထတ်း ၽၢႆႇလူင်ပွင်ၸိုင်ႈ လႆႈတီႉၵမ်မၼ်း တီႈ မိူင်းၵမ်ႇပေႃးတီးယႃး ၼႂ်းဝူင်ႈၼႆႉ။ မၼ်းတေလႆႈႁူပ်ႉထူပ်း လိူင်ႈၼႆႉ တီႈလုမ်းတြႃး တီႈၼႃႈလိၼ်ၵႂၢမ်ႈ ဢွၼ်တၢင်းသုတ်း။ မိူဝ်ႈဝူင်ႈပူၼ်ႉမႃးၼၼ်ႉ လႆႈထုၵ်ႇဢဝ်တၢင်းၽိတ်း တီႈလုမ်းတြႃး ဢမႄႇရိၵၢၼ်ႇ တီႈဝဵင်းဝႃႇၸိၼ်ႇၼီႇယႃႇ ယွၼ်ႉမၼ်း ပိုၼ်ၽၢဝ်ႇ ၶေႃႈမုၼ်း ၽၢႆႇၵႅတ်ႇၵင်ႈၸိူဝ်ႉၸၢတ်ႈ ၼႆယဝ်ႉ။

ၽိုၼ်လိၵ်ႈၸိူဝ်းၼႆႉ လႆႈပိုၼ်ၽႄႈၸွတ်ႇၵႂႃႇ ၼိူဝ်ၼႅင်ႈသိုဝ်ႇတူင်ႇဝူင်းၵူၼ်း Telegram မိူဝ်ႈလိူၼ်ပူၼ်ႉမႃးၼၼ်ႉယဝ်ႉ။ ၼႂ်းၽိုၼ်လိၵ်ႈၸိူဝ်းၼၼ်ႉ ပၼ်ၶေႃႈမုၼ်း လွင်ႈၶၢႆႉတီႈ ၶိူင်ႈၵွင်ႈၵၢင်ႇ ဢၼ်ယုမ်ႇယမ်ဝႃႈ သိုၵ်းဢိတ်ႇသရေးၶဝ် တေတိုၵ်းယိုဝ်း ဢီႇရၢၼ်းၼၼ်ႉ ၼႆယဝ်ႉ။

မိူဝ်ႈႁၢင်လိူၼ်ဢွၵ်ႇထူဝ်ႇပႃႇၼၼ်ႉ ဢိတ်ႇသရေး လႆႈႁဵတ်းလွင်ႈတွပ်ႇတႅၼ်း တီႈဢီႇရၢၼ်းမႃး လၢႆလၢႆတီႈ။

ၽိုၼ်လိၵ်ႈၸိူဝ်းၼႆႉ လႆႈၽႄၵၼ်ဝႆႉ ပၼ်တီႈ မိူင်း ဢၼ်ႁွင်ႉဝႃႈ တႃႁႃႈတႃ ၸိူဝ်းပဵၼ် ဢမႄႇရိၵၢၼ်ႇ၊ မိူင်းဢိင်းၵလဵတ်ႈ၊ မိူင်းၶႅၼ်ႇၼေႇတႃႇ၊ ၼိဝ်းၸီႇလႅၼ်ႇ လႄႈ ဢေႃးသထရေးလီးယႃး ၸိူဝ်းၼႆႉယဝ်ႉ။

ဢႃႇသိပ်ႉ ဝီႇလီႇယမ်ႇ ရႃႇႁၢၼ်ႇ မီးၽူႈတၢင်လၢတ်ႈ ႁိုဝ် ဢမ်ႇမီးၼႆတႄႉ ပႆႇလႆႈႁူႉ။ မၼ်းၸၢႆးၼႆႉ ပဵၼ်ၵူၼ်းႁဵတ်းၵၢၼ် တီႈႁွင်ႈၵၢၼ်လူင် လူင်ပွင်ၸိုင်ႈ ဢမႄႇရိၵၢၼ်ႇ ဢၼ်လႂ်ၼႆၵေႃႈ ပႆႇလႆႈႁူႉၸွမ်း။ ၶၢဝ်ႇလွင်ႈမၼ်းထုၵ်ႇတီႉၺွပ်းၼႆႉ သိုဝ်ႇၶၢဝ်ႇ The New York Times ပိုၼ်ၽၢဝ်ႇဢွၵ်ႇမႃး ဢွၼ်တၢင်းသုတ်းယဝ်ႉ။


ငိူၼ်ႈငဝ်ႈၶၢဝ်ႇ

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=ၵေႃႉဢၼ်ဢဝ်_ၽႅၼ်ၵၢၼ်_လွင်ႈဢိတ်ႇသရေး_တေတိုၵ်း_ဢီႇရၢၼ်း_ပိုၼ်ဢွၵ်ႇၼၼ်ႉ_ထုၵ်ႇမႂ်&oldid=9968"