ဢိၼ်ႇတူဝ်ႇၼီးသျႃး ယွၼ်းႁႂ်ႈ Apple, Google ႁႄႉႁၢမ်ႈ Temu မိူင်းၶႄႇ တႃႇၵႅတ်ႇၶႄ ၵူၼ်းၵႃႉဢွၼ်ႇ

ဝၼ်းသုၵ်း၊ ဢွၵ်ႇထူဝ်ႇပႃႇ 11၊ 2024 

ၽွင်းလူင် ၵေႃႉ႞ လၢတ်ႈမိူဝ်ႈ ဝၼ်းသုၵ်းၼၼ်ႉဝႃႈ ဢိၼ်ႇတူဝ်ႇၼီးသျႃး ယွၼ်းႁႂ်ႈ ၵူးၵႄးလ် ၶွင် Alphabet လႄႈ ဢႅပ်ႉပႄးလ် ႁႄႉႁၢမ်ႈ ၶွမ်ႇပၼီႇ ၶႄႇ ဢၼ်ႁဵတ်းၵၢၼ် ၵႃႉၶၢႆ ၾႅတ်ႉသျိၼ်ႇ ဝႆးဝႆး ဢၼ်ပဵၼ် Temu ၼၼ်ႉ တီႈႁၢၼ်ႉၶၢႆ ဢႅပ်ႉပလီႇၵေးသျိၼ်း ၶဝ် ၼႂ်းမိူင်းၼၼ်ႉ ၼင်ႇႁိုဝ် တေဢမ်ႇၸၢင်ႈ လူတ်ႇလူင်းလႆႈ ၼႆယဝ်ႉ။

ၽွင်းလူင်ၽၢႆႇၵၢၼ်ၵပ်းသိုပ်ႇ Budi Arie Setiadi လၢတ်ႈတီး သိုဝ်ႇၶၢဝ်ႇ Reuters ဝႃႈ ႁူမ်ႈဝႃႈ ဢမ်ႇပႆႇလႆႈႁၼ် ၵူၼ်းမိူင်းၶဝ် မီးဝႆႉ တီႈၼိူဝ် တေးတၢင်းၵၢၼ်ၵႃႉၶၢႆႇ Temu ၼၼ်ႉသေတႃႉ ၼႆႉပဵၼ် လွင်ႈယိူင်းဢၢၼ်း တႃႇၵႅတ်ႇၵင်ႈ ၵၢၼ်ငၢၼ်းဢွၼ်ႇ လႄႈ ၵၢၼ်ငၢၼ်းပၢႆးမၢၵ်ႈမီး ထၢၼ်ႈၵၢင် ၶွင်ၸိုင်ႈမိူင်း ၵႃႈတီႈ ၵုၼ်ႇၵႃႈၶၼ်ထုၵ်ႇ ဢၼ်လုၵ်ႉတီႈ PDD Holdings 'Temu ၶဝ် ၶၢႆၼၼ်ႉ ဝႃႈၼႆယဝ်ႉ။

လွင်ႈဢၼ် ၶွမ်ႇပၼီႇ Temu ၶိုၼ်ႈယႂ်ႇမႃးဝႆးဝႆးၼႆႉ ႁဵတ်းႁႂ်ႈ လၢႆလၢႆမိူင်း လႆႈထတ်းသၢင်တူၺ်း လၢႆးႁဵတ်းၵၢၼ်ပၢႆးမၢၵ်ႈမီး ဢၼ်ဢမ်ႇလႆႈၸႂ်ႉငိုၼ်းၼမ်သေ သူင်ႇၶူဝ်းၶွင် ၸူး ၵူၼ်းသိုဝ်ႉၶၢႆ ဢၼ်လုၵ်ႉတီႈ မိူင်းၶႄႇမႃးၼၼ်ႉယူႇ။

ပိူင်ၵၢၼ်ပၢႆးမၢၵ်ႈမီး ၶွင် Temu ဢၼ်ၵွင်ႉသၢၼ် ၵူၼ်းၸႂ်ႉတိုဝ်းၶဝ် ၵမ်းသိုဝ်ႈတင်း ႁူင်းၵၢၼ် ၼႂ်းမိူင်းၶႄႇ ၼင်ႇႁိုဝ် တေလူတ်းယွမ်းလႆႈ ၵႃႈၶၼ် တင်းၼမ်ၼၼ်ႉ ပဵၼ်လွင်ႈၶေႉၶဵင်ႇ ဢၼ်ဢမ်ႇထုၵ်ႇမႅၼ်ႈ ၼႆ ပူႇတီႇ လၢတ်ႈၼႄၼင်ႇၼႆ။

ၽွင်းလူင် လၢတ်ႈဝႃႈ “ ႁဝ်းၶႃႈ ဢမ်ႇၸႂ်ႈဝႃႈ မႃးၵႅတ်ႇၶႄ ၵၢၼ်ၵႃႉၶၢႆ ၼိူဝ်ဢိၼ်ႇတႃႇၼႅတ်ႉ ၵူၺ်းၵႃႈ ႁဝ်းၶႃႈ ၵႅတ်ႇၶႄ ၵၢၼ်မၢၵ်ႈမီး ဢွၼ်ႇ လႄႈ ၵၢၼ်မၢၵ်ႈမီး ၵၢင် ႁဝ်းၶႃႈ၊ ဢၼ်တေလႆႈၵႅတ်ႇၶႄ မီးၼပ်ႉႁူဝ်လၢၼ်ႉ ၼႆယဝ်ႉ။

သင်ဝႃႈ Temu လူင်းတိုၼ်း ၼႂ်းၵၢၼ်ၵႃႉၶၢႆ ၼိူဝ်ဢိၼ်ႇတႃႇၼႅတ်ႉ ၼႂ်းပိုၼ်ႉတီႈ ၼႆ ၵျႃႇၵႃႇတႃႇၵေႃႈ တေႁႄႉႁၢမ်ႈ၊ ပူႇတီႇ လၢတ်ႈဝႃႈ မၼ်းဢမ်ႇလႆႈငိၼ်း ၽႅၼ်ၵၢၼ်ၸိူင်ႉၼႆ ၼႆယဝ်ႉ။

ပူႇတီႇ လၢတ်ႈပႃးဝႃႈ လူင်ပွင်ၸိုင်ႈ မီးၽႅၼ်ၵၢၼ် တႃႇတေယွၼ်း လွင်ႈႁႄႉႁၢမ်ႈမိူၼ်ၵၼ် တႃႇ ႁူင်းၵၢၼ်သိုဝ်ႉၶၢႆ ၶႄႇ ဢၼ်ပဵၼ် Shein ၼႆယဝ်ႉ။

ငိူၼ်ႈငဝ်ႈၶၢဝ်ႇ

• Reuters. "Indonesia asks Apple, Google to block China's Temu to protect small merchants" — Reuters, October 11, 2024
• Malcolm Owen. "Indonesia requests Apple block Temu from the App Store" — AppleInsider, October 11, 2024
• Dennis Sellers. "Indonesia wants Apple, Google to block China’s Temu" — Apple World Today, October 11, 2024