Jump to content

ဢိၼ်းတီးယႃး လႅပ်ႈတေဢမ်ႇၶဝ်ႈပႃး ၼႂ်းၵၢၼ်ၶူင်သၢင်ႈငိုၼ်းမႂ်ႇ BRICS

ထႅမ်သႂ်ႇ လိင်ႉၶ်
လုၵ်ႉတီႈ ဝီႇၶီႇၶၢဝ်ႇ မႃး

ဝၼ်းသုၵ်း၊ တီႇသႅမ်ႇပႃႇ 6၊ 2024

ပၢင်ၵုမ် BRICS ထူၼ်ႈ 16 ဝၼ်းထူၼ်ႈ 2

ၽူႈၵွၼ်း ၸုမ်းၽွမ်ႉႁူမ်ႈ ၸုမ်းသူင်ႇၶူဝ်းၶွင် ဢိၼ်းတီးယႃး လၢတ်ႈဝႃႈ လွင်ႈဢၼ်ၸုမ်း BRICS ဢၼ်မီး 9 မိူင်း တေႁဵတ်းဢွၵ်ႇ ငိုၼ်းတွင်းၼၼ်ႉ ဢိၼ်းတီးယႃး တေဢမ်ႇၽွမ်ႉၸွမ်း ဝႃႈၼႆယဝ်ႉ။ ထရၢမ်ႉ ဢၼ်ထုၵ်ႇလိူၵ်ႈတင်ႈ ပဵၼ် ၸွမ်ပွင်ၸိုင်ႈ ဢမႄႇရိၵၢၼ်ႇ လႆႈလွၵ်ႇငိူတ်ႈဝႃႈ သင်ဝႃႈ မိူင်း BRICS ၶဝ် ႁဵတ်းဢွၵ်ႇငိုၼ်းႁင်းၵူၺ်းၼႆၸိုင် တေၵဵပ်းၶွၼ်ႇ 100% ၼိူဝ် ၶူဝ်းၶွင် ဢၼ်ၶဝ်သူင်ႇဢွၵ်ႇၼွၵ်ႈမိူင်းၼၼ်ႉ ၼႆယဝ်ႉ။

ထရၢမ်ႉ လၢတ်ႈတီႈ Truth Social media မၼ်းဝႃႈ ၸိုင်ႈမိူင်း ဢၼ်မီးတီႈ ပရိသ်ႉ (BRICS) ၼၼ်ႉ တေလႆႈပၼ်ၵႂၢမ်းမၼ်ႈဝႃႈ တေဢမ်ႇၶူင်သၢင်ႈငိုၼ်းတွင်း ဢၼ်တေ တႅၼ်းတီႈယူႇ ငိုၼ်းတေႃႇလႃႇ ဢမႄႇရိၵၢၼ်ႇ ဢၼ်ႁႅင်းယႂ်ႇ ၼၼ်ႉလႄႈ တေဢမ်ႇၵမ်ႉထႅမ် ငိုၼ်းတၢင်ႇဢၼ်ၼႆယဝ်ႉ။ ဢၼ်ထရမ်ႉ ပိုၼ်ၽၢဝ်ႇၼၼ်ႉ ပဵၼ်ၶေႃႈပၼ်ၽၢင်ႉဝႃႈ ယႃႇပေၵႂႃႇၸွမ်းသဵၼ်ႈတၢင်းၼၼ်ႉ ၼႆယဝ်ႉ။

ယၢမ်းလဵဝ်ၼႆႉ ငိုၼ်း BRICS ဢၼ်ဝႃႈၼၼ်ႉ တိုၵ်ႉပဵၼ်တၢင်းဝူၼ်ႉၵူၺ်း။ မၼ်းဢမ်ႇပႃးၼႂ်း ၶပ်ႉၵၢၼ်ပၢႆးမၢၵ်ႈမီး မိူင်းဢိၼ်းတီးယႃး ၼႆ ဢႃႇၸေႇယႃႇသႃႇႁၢႆႇ ၽူႈၵွၼ်း ၸုမ်းၽွမ်ႉႁူမ်ႈ ၸုမ်းသူင်ႇၶူဝ်းၶွင် ဢိၼ်းတီးယႃး လၢတ်ႈၼႄၼင်ႇၼႆ။ မိူဝ်ႈပၢင်ၵုမ် BRICS ဢၼ်ၸတ်းႁဵတ်းၵႂႃႇ မိူဝ်ႈလိူၼ်ဢွၵ်ႇထူဝ်ႇပႃႇၼၼ်ႉ လႆႈၸႂ်ၵၼ်ဝႃႈ တေဢမ်ႇၸႂ်ႉငိုၼ်းဢမႄႇရိၵၢၼ်ႇတေႃႇလႃႇသေ တႃႇၵၢၼ်ၵႃႉၶၢႆၼၼ်ႉ တေၸႂ်ႉတိုဝ်း ငိုၼ်းမိူင်းၽႂ်မၼ်း ၵွႆး ၼႆယဝ်ႉ။

ၶိၼ်ႇတႃႇမၼီႇ မႁႃႇပတ်ႉထရႃႇ ၽူႈၵေႃႇတင်ႈ ၸုမ်းပၢႆးမိူင်း ၵႃႇလိင်ႇၵႃႇ တႃႇလဵပ်ႈႁဵၼ်း ဢိၼ်ႇတူဝ်ႇပႃႇၸိၾိၵ်ႉၼၼ်ႉ ႁၼ်ဝႃႈ သင်ဝႃႈ ႁဵတ်းဢွၵ်ႇငိုၼ်း BRICS ၸိူင်ႉၼႆၸိုင် တေလႆႈဝႃႈ ပဵၼ်ငိုၼ်းဢၼ် မိူင်းဢဵၼ်ႁႅင်းယႂ်ႇ မိူၼ်ၼင်ႇ မိူင်းၶႄႇၶဝ် ၽွင်းငမ်းၵူၺ်းၼႆယဝ်ႉ။ ၸုမ်း BRICS ၼႆႉ ၸိူဝ်းပဵၼ် မိူင်းပရႃႇၸီး ၊ မိူင်းရတ်ႈသျႃး၊ မိူင်းဢိၼ်းတီးယႃး၊ မိူင်းၶႄႇ လႄႈ ဢႃႇၾရိၵပွတ်းၸၢၼ်းၶဝ် လႆႈတႄႇမႃးသေ ပီၼႆႉ ၸိူဝ်းပဵၼ် ဢီႇရၢၼ်း၊ UAE၊ ဢီႇတီႇယူဝ်းပီးယႃး လႄႈ ဢီးၵျိပ်ႈ ၸိူဝ်းၼႆႉၵေႃႈ ၶဝ်ႈပႃးၸွမ်း။


ငိူၼ်ႈငဝ်ႈၶၢဝ်ႇ

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=ဢိၼ်းတီးယႃး_လႅပ်ႈတေဢမ်ႇၶဝ်ႈပႃး_ၼႂ်းၵၢၼ်ၶူင်သၢင်ႈငိုၼ်းမႂ်ႇ_BRICS&oldid=10183"