Jump to content

ဢိတ်ႇသရေး ပိုၼ်ၽၢဝ်ႇ တေယင်ႉၵိုတ်းၵၢၼ်ႁၢင်ႈသိုၵ်း ၶၢဝ်းၵၢင်ဝၼ်း တီႈၷႃႇꩡႃႇပွတ်းၸၢၼ်း

ထႅမ်သႂ်ႇ လိင်ႉၶ်
လုၵ်ႉတီႈ ဝီႇၶီႇၶၢဝ်ႇ မႃး

ဝၼ်းၸၼ်၊ ၸုၼ်ႇ 17၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=လွင်ႈသုၵ်ႉယုင်ႈ ဢိတ်ႇသရေး/ပႃးလဵတ်ႈသတၢႆး notcategory=disputed notcategory=no publish namespace=Main addfirstcategorydate=true count=5 </dynamicpagelist>

မိၵ်ႈမၢႆ လွင်ႈငမ်းယဵၼ် ၼႂ်းၵႄႈ ဢိတ်ႇသရေး လႄႈ ပႃးလဵတ်ႈသတၢႆး
ႁူမ်ႈသၢင်ႈ!
ၵူၼ်းသိုၵ်း လႄႈ ရူတ်ႉတႅင်ႉ ဢိတ်ႇသရေး တီႈၷႃႇꩡႃႇ

တပ်ႉသိုၵ်းဢိတ်ႇသရေး ပိုၼ်ၽၢဝ်ႇ မိူဝ် ၸုၼ်ႇ 16 ၼၼ်ႉဝႃႈ ၼင်ႇႁိုဝ် တေၵႄႈလိတ်ႈလႆႈ ပၼ်ႁႃ ဢၼ်တၢင်းၸွႆႈထႅမ် တႃႇသူင်ႇပၼ် ၵူၼ်းပႃးလဵတ်ႈသတၢႆး ဢၼ်တိုၵ်ႉလူဝ်ႇ တၢင်းၸွႆႈထႅမ်ၶိုၵ်ႉၶၵ်ႉ ဢၼ်လႆႈထူပ်း တၢင်းယၢပ်ႇၽိုတ်ႇ ၶဝ်ႈၼမ်ႉတၢင်းၵိၼ် ယွၼ်ႉ ပၢင်တိုၵ်း ဢိတ်ႇသရေး-ႁႃးမၢတ်ႉသ် ၶဝ်ၼၼ်ႉ ၶဝ်တေ ယင်ႉၵိုတ်း ၵၢၼ်ႁၢင်ႈသိုၵ်း ၶၢဝ်းၵၢင်ဝၼ်းၵႂႃႇ ဝႃႈၼႆယဝ်ႉ။

ပၢင်တိုၵ်း ဢိတ်ႇသရေး-ႁႃးမၢတ်ႉသ်ၼႆႉ ယၢမ်းလဵဝ် ၶဝ်ႈမႃးၼႂ်း ၶၢဝ်းတၢင်း ၵဝ်ႈလိူၼ်ယဝ်ႉ။

ပေႃးဢဝ်ၸွမ်းလူၺ်ႈ လၢႆးၵၢၼ်သိုၵ်းဝႃႈ ဢၼ်ဢိတ်ႇသရေး ၸႂ်ႉဝႃႈ လွင်ႈၵိုတ်းယင်ႉၸူဝ်ႈၶၢဝ်း ဢၼ်ဝႃႈၼၼ်ႉ မၼ်းတေၶဝ်ႈပိူင် ၸွမ်းသဵၼ်ႈတၢင်း ဢၼ်မီး တၢင်းယၢဝ်း 12 ၵီႇလူဝ်ႇမီႇတႃႇ တီႈ ထုင်ႉ ရႃႇၾႃႇၼၼ်ႉယဝ်ႉ။ ၼႆႉတႄႉၵေႃႈ ပေႃးၸႃႇဢဝ် ၵူႈမိူင်းမိူင်း ဢိၵ်ႇတင်း မိူင်းႁူမ်ႈတုမ် ဢမႄႇရိၵ တုၵ်းယွၼ်း တႃႇၵိုတ်းတိုၵ်းၼၼ်ႉၼႆ မၼ်းပဵၼ် ဢၼ်ယွမ်းဝႆႉတႄႉတႄႉ။

ပေႃးဝႃႈ လႆႈယင်ႉၵိုတ်း လွင်ႈတိုၵ်းတေႃး ၸူဝ်ႈၶၢဝ်း ပႅင်ႈၼင်ႇ ဢိတ်ႇသရေးလၢတ်ႈၼၼ်ႉၸိုင် မၼ်းၵေႃႈ တေပဵၼ် လွင်ႈၵမ်ႉၸွႆႈယႂ်ႇလူင် တွၼ်ႈတႃႇ ပႃးလဵတ်ႈသတၢႆး ဢၼ်လႆႈထူပ်း လွင်ႈႁၢမ်းၶဝ်ႈၼမ်ႉတၢင်းၵိၼ်ယူႇၼၼ်ႉယဝ်ႉ။

တပ်ႉသိုၵ်းဢိတ်ႇသရေး မွၵ်ႇလၢတ်ႈဝႃႈ လၢႆးၵၢၼ်ၵိုတ်းတိုၵ်းၸူဝ်ႈၶၢဝ်းၼႆႉ တေၶဝ်ႈပိူင် တႄႇဢဝ် ယၢမ်းၼႂ် 8 မူင်း တေႃႇ ယၢမ်းႁူဝ်ၶမ်ႈ 7 မူင်း သေ ၵႃႈပႆႇမီး လွင်ႈပိုၼ်ၽၢဝ်ႇပၼ်ၽၢင်ႉထႅင်ႈတႄႉ တေ ယင်ႉၵိုတ်းပၼ်ၵူႈဝၼ်း ဝႃႈၼႆယဝ်ႉ။


ငိူၼ်ႈငဝ်ႈတိုၼ်း

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=ဢိတ်ႇသရေး_ပိုၼ်ၽၢဝ်ႇ_တေယင်ႉၵိုတ်းၵၢၼ်ႁၢင်ႈသိုၵ်း_ၶၢဝ်းၵၢင်ဝၼ်း_တီႈၷႃႇꩡႃႇပွတ်းၸၢၼ်း&oldid=3244"