ဢိတ်ႇသရေး တေယင်ႉပၼ်ၵၢၼ်သိုၵ်း ၼိုင်ႈဝၼ်းသီႇၸူဝ်ႈမူင်း ၵူႈဝၼ်း

ဝၼ်းသုၵ်း၊ ၼူဝ်ႇဝႅမ်ႇပႃႇ 10၊ 2023  

လုၵ်ႉတီႈ ႁိူၼ်းၵႅဝ်ႈၽိူၵ်ႇၸွမ်ၸိုင်ႈ ဢမႄႇရိၵၢၼ်ႇ လႆႈမွၵ်ႇလၢတ်ႈဝႃႈ တႄႇဢဝ် ဝၼ်းၽတ်းၼႆႉၵႂႃႇသေ ဢိတ်ႇသရေးၶဝ် တေယင်ႉပၼ်ၵၢၼ်သိုၵ်း တႃႇသီႇၸူဝ်ႈမူင်း ၵူႈဝၼ်းၵူႈဝၼ်း ၼႆယဝ်ႉ။

တပ်ႉဢိတ်ႇသရေးၼႆႉ ယွၼ်ႉပိူဝ်ႈဝႃႈၶဝ်ႈတိုၵ်း ၸုမ်းၵေႃႇၵၢၼ်ႁၢႆႉႁႃးမၢတ်ႉ တီႈဝဵင်းၵႃႇၸႃႇလႄႈ ၵူၼ်းမိူင်းပႃႇလႅတ်ႉသတၢႆးတင်းၼမ် လႆႈၶၢႆႉဢွၵ်ႇတီႈၼႆႈယူႇယဝ်ႉ။ ၽူႈမီးသုၼ်ႇလၢတ်ႈ ၶွင်ႇသီႇၽၢႆႇႁူမ်ႇလူမ်ႈၸိုင်ႈမိူင်း ႁိူၼ်းၵႅဝ်ႈၽိူၵ်ႇ ၸွမ်ၸိုင်ႈ ဢမႄႇရိၵၢၼ်ႇ John Kirby မွၵ်ႇလၢတ်ႈဝႃႈ ၽၢႆႇဢိတ်ႇသရေးၶဝ် တေယင်ႉပၼ်ၵၢၼ်သိုၵ်း ၼိုင်ႈဝၼ်း သီႇၸူဝ်ႈမူင်း ၵူႈဝၼ်း ၼႆယဝ်ႉ။ John Kirby လၢတ်ႈဝႃႈႉတႄ ယွၼ်ႉပိူဝ်ႈ ယင်ႉပၼ်လွင်ႈၵၢၼ်တိုၵ်းၼႆႉလႄႈ ပေႃးၸႂ်ႉ သဵၼ်ႈတၢင်းလွင်ႈၸွႆႈထႅမ်ၵူၼ်းသေၼႆ ပႃႇလႅတ်ႈသတၢႆးၶဝ် တေမီးၶၢဝ်းယၢမ်း ငိူင်ႈဝႄႈ ဢွၵ်ႇယၢၼ် တီႈၼႆႈ ဝႃႈၼႆယဝ်ႉ။

ယွၼ်ႉပိူဝ်ႈ Joe Biden ၸွမ်ၸိုင်ႈမိူင်းဢမႄႇရိၵၢၼ်ႇ လႄႈ Benjamin Netanyhahu ၸွမ်ၽွင်းလူင် ဢိတ်ႇသရေးၶဝ် လႆႈဢုပ်ႇဢူဝ်းၵၼ်ယဝ်ႉသေ ၸင်ႇမီးမႃး လွင်ႈတႃႇၵိုတ်းယင်ႉၵၢၼ်တိုၵ်းပၼ် ၸူဝ်ႈၶၢဝ်းၸိူင်ႉၼႆသေ ၼႂ်းၶၢဝ်းယၢမ်းၼၼ်ႉ တေဢမ်ႇမီး ၵၢၼ်သိုၵ်းသင်ၼႆ ၽၢႆႇဢိတ်ႇသရေးၶဝ်ႈ လႆႈမွၵ်ႇလၢတ်ႈဝႆႉ ဝႃႈၼၼ် ၼႆယဝ်ႉ။ ဝၢႆးသေ လႆႈပဵၼ် လွင်ႈထုၵ်ႇႁဵတ်းႁၢႆႉ မိူဝ်ႈ ဢွၵ်ႇထူဝ်ႇပႃႇ 7 ဝၼ်း ဢၼ်ၵူၼ်းလႆႈတၢႆ 1,400 ပၢႆယဝ်ႉသေ ၽၢႆႇဢိတ်ႇသရေးၶဝ် လႆႈဝႆႉယိူင်းမၢႆၸူး ႁႃးမၢတ်ႉသ်ၶဝ်သေၵေႃႈ ၸင်ႇလႆႈႁၢင်ႈသိုၵ်းတေႃႇယဝ်ႉ။

ႁႃးမၢတ်ႉသ်ၶဝ်ၼႆႉ လႆႈတိၺွပ်းၵူၼ်းၵႂႃႇ 240 ၵေႃႉယဝ်ႉ။ ၸိူဝ်းပဵၼ်မိူင်းဢမႄႇရိၵၢၼ်ႇ၊ ပရိတ်ႉတဵင်ႇ၊ ဢီးယူႇ လႄႈ မိူင်းဝၼ်းတူၵ်းၵမ်ႉၼမ်ၼႆႉ လႆႈမၵ်းမၼ်ႈ ၸုမ်းႁႃးမၢတ်ႉသ် ပဵၼ် ၸုမ်းၵေႃႇၵၢၼ်ႁၢႆႉယဝ်ႉ။ David Satterfield ဢၼ်ပဵၼ် ၽွင်းဢမႄႇရိၵၢၼ်ႇ ဢၼ်ၵဵဝ်ႇၵပ်း လွင်ႈၸွႆႈထႅမ်ၵူၼ်း တီႈ ပွတ်းဢွၵ်ႇတွၼ်ႈၵၢင်ဝႃႈတႄႉ ယွၼ်ႉပိူဝ်ႈ လွင်ႉၵိုတ်းယင်ႉၵၢၼ်သိုၵ်း ၸူဝ်ႈၵႅမ်ႉၼႆႉသေ တေၸၢင်ႈႁႂ်ႈ ၵူၼ်းမိူင်း လႄႈ ၵူၼ်းၼွၵ်ႈမိူင်းၶဝ် မီးသုၼ်ႇ ငိူင်ႈဝႄႈပၢႆႈလွတ်ႈၽေးယူႇ ၼႆယဝ်ႉ။

ငဝ်ႈငႃႇ

• VOA News. "White House: Israel to Begin Four-Hour Pauses in Northern Gaza" — VOA News, November, 2023