သၽႃးၼိူဝ် ၵၢၼ်ႇ ယိုၼ်ယၼ် ပိူင်ယုၵ်းယၢင်ႇ ဢၼ်တေပၼ်ႁႅင်းတဵၵ်း တိၵ်ႉတွၵ်ႉ
ဝၼ်းၽတ်း၊ ဢေႇပရႄႇ 25၊ 2024
မိူဝ်ႈတွၼ်ႈလႃႈ ဝၼ်းဢင်းၵၢၼ်းၼၼ်ႉ သၽႃးၼိူဝ် ဢမႄႇရိၵၢၼ်ႇ လႆႈၸႅၵ်ႇၶႅပ်းၵၢင်ၸႂ်သေ ယိုၼ်ယၼ် ၵူတ်းမၢႆ ဢၼ်ပဵၼ် တိၵ်ႉတွၵ်ႉ သိုဝ်ႇသၢၼ်တူင်ႇၵူၼ်း ဢၼ်ၵူၼ်းလႆႈၸႂ်ၼမ် ၼၼ်ႉ ၼႂ်းၵႃႈ ၶၢဝ်းတၢင်း ၵဝ်ႈလိူၼ် လူဝ်ႇလႆႈ ၸႅၵ်ႇဢွၵ်ႇတီႈ ၶွမ်ႇပၼီႇမႄႈမၼ်း ဢၼ်ပဵၼ် ၶွမ်ႇပၼီႇ ပၢႆႉတႅၼ်ႉ ဢၼ်ပဵၼ်ၶွင်ၶႄႇၼႆသေ ပေႃးဢမ်ႇၼၼ် တေ ႁႄႉႁၢမ်ႈတီႈ လွၵ်ႈၵၢတ်ႇ ဢမႄႇရိၵၢၼ်ႇ ဢၼ်ဝႃႈၼၼ်ႉယဝ်ႉ။
ယွၼ်ႉပိူဝ်ႈဝႃႈ ၽၢႆႇဢမႄႇရိၵၢၼ်ႇၶဝ် လႆႈမႆႈၸႂ်ဝႃႈ တိၵ်ႉတွၵ်ႉ ဢၼ်ၸိုဝ်ႈလိုဝ်း ၼႂ်းၵႄႈၵူၼ်းၼုမ်ႇၶဝ်ၼႆႉ လုၵ်ႉတီႈ လွင်ႈၸႂ်ႉတိုဝ်းသေ ၵူဝ်ႁဵတ်း လွင်ႈၸွပ်ႇ လႄႈ လွင်ႈၵဵပ်းႁွမ်ၶေႃႈမုၼ်း ၼႆလႄႈ သၽႃးတႂ်ႈ ဢမႄႇရိၵၢၼ်ႇ လႆႈယိုၼ်ယၼ်မႃး မိူဝ်ႈဝၼ်းသဝ်ၼၼ်ႉသေ၊ ယၢမ်းလဵဝ် သၽႃးၼိူဝ်ၵေႃႈ ၶိုၼ်းသိုပ်ႇယိုၼ်ယၼ်ထႅင်ႈလႄႈ တွၼ်ႈတႃႇ ယိုၼ်ယၼ်ပဵၼ်ၵူတ်းမၢႆၵႂႃႇၼၼ်ႉ ၸဝ်ႈၸွမ်ၸိုင်ႈ ၵျူဝ်းပၢႆႇတႅၼ်ႇ လူဝ်ႇလႆႈ လူင်းလၢႆးမိုဝ်းပၼ်ယဝ်ႉ။
ၽၢႆႇႁူင်းၵၢၼ် တိၵ်ႉတွၵ်ႉလၢတ်ႈဝႆႉဝႃႈတႄႉ ၶဝ်တေ ဢမ်ႇဢဝ် ၶေႃႈမုၼ်းၽူႈၸႂ်ႉတိုဝ်း ၽၢႆႇဢမႄႇရိၵၢၼ်ႇၼၼ်ႉ ၽႄႈပၼ်လူင်ပွင်ၸိုင်ႈၶႄႇ ဝႃႈၼႆသေ၊ လွင်ႈႁဵတ်းသၢင်ႈ တႃႇႁႄႉႁၢမ်ႈၸိူင်ႉၼႆၼႆႉ မၼ်းပဵၼ် လွင်ႈပူၼ်ႉပႅၼ် သုၼ်ႇလၢတ်ႈလွတ်ႈလႅဝ်း ဢၼ်လႆႈမၵ်းမၼ်ႈဝႆႉတီႈ မိူင်းဢမႄႇရိၵၢၼ်ႇၼၼ်ႉ ဝႃႈၼႆယဝ်ႉ။ ၵပ်းၵၢႆႇလူၺ်ႈလွင်ႈၼႆႉသေ ၽၢႆႇႁူင်းၵၢၼ်တႄႉ ဢမ်ႇပႆႇပၼ်ၵႂၢမ်းမၢႆၵမ်းလဵဝ်သေတႃႉ ပေႃးလိူၼ်သုတ်းမႃး ႁူင်းၵၢၼ် ၽၢႆႇႁူင်းၵၢၼ် တေၶိုၼ်ႈလုမ်းတတ်းသိၼ်သေ တေႃႇသူႈၵႂႃႇ ဝႃႈၼႆယဝ်ႉ။
ငိူၼ်ႈငဝ်ႈတိုၼ်း
[မႄးထတ်း | မႄးထတ်းငဝ်ႈငႃႇ]- Aditi Shrikant. "Biden just signed a bill that could ban TikTok" — CNBC, April 24, 2024
- Sapna Maheshwari လႄႈ David McCabe. "Congress Passed a Bill That Could Ban TikTok. Now Comes the Hard Part." — The New York Times, April 23, 2024
- Tom Gerken & Tom Singleton. "TikTok vows to fight 'unconstitutional' US ban" — BBC News, April 24, 2024
- Aimee Picchi. "TikTok ban measure signed by Biden. Here's what could happen next." — CBS News, April 24, 2024
