Jump to content

လွင်ႈၾႆးမႆႈႁူင်းၸၢၵ်ႈၼိဝ်ႇၵလီးယႃး ရတ်ႈသျႃး လႄႈ ယူႇၶရဵၼ်း ၶဵင်ႇၼႄးၵၼ်

ထႅမ်သႂ်ႇ လိင်ႉၶ်
လုၵ်ႉတီႈ ဝီႇၶီႇၶၢဝ်ႇ မႃး

ဝၼ်းၸၼ်၊ ဢေႃးၵၢတ်ႉ 12၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=လွင်ႈရတ်ႈသျႃး ၶဝ်ႈတိုၵ်း ယူႇၶရဵၼ်း 2022 notcategory=disputed notcategory=no publish namespace=Main addfirstcategorydate=true count=5 </dynamicpagelist>

ၽႅၼ်ႇလိၼ် ဢၼ် ရတ်ႈသျႃးၶဝ် ၶဝ်ႈတိုၵ်း ယူႇၶရဵၼ်း
ႁူမ်ႈသၢင်ႈ!
လွင်ႈရတ်ႈသျႃး ၶဝ်ႈတိုၵ်း ယူႇၶရဵၼ်း 2022
လွင်ႈရတ်ႈသျႃး ၶဝ်ႈတိုၵ်း ယူႇၶရဵၼ်း 2022
ႁူင်းၸၢၵ်ႈၾႆး ၼိဝ်ႇၵလီးယႃး Saporischschja

လွင်ႈဢၼ်ၾႆးမႆႈ ႁူင်းၸၢၵ်ႈၼိဝ်ႇၵလီးယႃး Zaporizhzhia ဢၼ်ရတ်ႈသျႃးသိမ်းဝႆႉ တီႈမိူင်းယူႇၶရဵၼ်း ပွတ်းၸၢၼ်း မိူဝ်ႈၶမ်ႈဝၼ်းဢႃးတိတ်ႉၼၼ်ႉ ရတ်ႈသျႃးလႄႈ ယူႇၶရဵၼ်း ၶဵင်ႇၼႄးၵၼ်ဝႆႉယူႇ။ တီႈႁူင်းၸၢၵ်ႈၼိဝ်ႇၵလီးယႃး ဢၼ်ယႂ်ႇသေပိူၼ်ႈ တီႈယူးရူပ်ႉၼၼ်ႉ မီးလွင်ႈၾႆးမႆႈယူႇသေတႃႉ တင်းသွင်ၽၢႆႇတႄႉ လၢတ်ႈဝႃႈ ဢမ်ႇမီးလွင်ႈထၢတ်ႈႁိူဝ်ႈလႅင်း ဢၼ်ႁႅင်းယႂ်ႇၼႆယဝ်ႉ။

ၽူႈလူင်ႉလႅၼ်ႇ ၸုမ်းၸၢတ်ႈၸိုင်ႈလုမ်ႈၾႃႉ ၽၢႆႇႁႅင်းထၢတ်ႈဢႅတ်ႇထမ်ႇ ၸၼ်ႉလုမ်ႈၾႃႉ (IAEA) ၶဝ်တႄႉ လၢတ်ႈဝႃႈ လွင်ႈဢၼ်မၢၵ်ႇတႅၵ်ႇၼၼ်ႉ ပဵၼ်တီႈ ႁူင်းၸၢၵ်ႈ ဢၼ်မီး ႁူင်းၸၢၵ်ႈၼိဝ်ႇၵလီးယႃး 6 ဢၼ်ၼၼ်ႉသေ လႆႈႁၼ် ၵွၼ်းၽႆးလမ် ၶိုၼ်ႈမႃး ၸွမ်းႁိမ်းႁွမ်း ၽၢႆႇႁွင်ႇႁူင်းၸၢၵ်ႈၼၼ်ႉယူႇ ၼႆယဝ်ႉ။ ၶၢဝ်ႇငၢဝ်း TASS လႄႈ RIA ဢိင်ၼိူဝ် ဢၼ်ပဵၼ် ၶွမ်ႇပၼီႇ ၼိဝ်ႇၵလီးယႃး Rosatom ၼၼ်ႉ လၢတ်ႈဝႃႈ ၾႆးဢၼ်မႆႈ မိူဝ်ႈဝၼ်းဢႃးတိတ်ႉၼၼ်ႉ မိူဝ်ႈပႆႇထိုင် တႅင်ႈၶိုၼ်း လႆႈမွတ်ႇၵႂႃႇယဝ်ႉ ဝႃႈၼႆ။

လွင်ႈဢၼ်ၾႆးမႆႈတီႈႁူင်းၸၢၵ်ႈၼိဝ်ႇၵလီးယႃးၼၼ်ႉတႄႉ ဝၢႆးသေ တပ်ႉသိုၵ်းယူႇၶရဵၼ်းၶဝ် ၶဝ်ႈတိုၵ်းၼႂ်းၼႃႈလိၼ် ရတ်ႈသျႃးယဝ်ႉ ဢမ်ႇတဵမ်ၼိုင်ႈဝူင်ႈ လႆႈပဵၼ်မႃးၼင်ႇၼႆ။ ၶွမ်ႇပၼီႇ ၼိဝ်ႇၵလီးယႃး မိူင်းယူႇၶရဵၼ်း Energoatom တႅမ်ႈဝႆႉ တီႈၼႂ်း Telegram ဝႃႈ ႁေႃၼၢင်လူမ်းၵတ်းဢၼ်ၼိုင်ႈ လႄႈ ၶိူင်ႈၸၢၵ်ႈတၢင်ႇၸိူဝ်း လႆႈလူႉလႅဝ်ၵႂႃႇၼႆယဝ်ႉ။ ႁေႃၼၢင်လူမ်းၵတ်းဢၼ်ၼႆႉ ပဵၼ်ဢွင်ႈတီႈ ဢမ်ႇၸႂ်ႉတိုဝ်းယဝ်ႉ ၼႆ ၶၢဝ်ႇ TASS မိူင်းရတ်ႈသျႃး ဢွၵ်ႇဝႆႉၼင်ႇၼႆ။


ငိူၼ်ႈငဝ်ႈၶၢဝ်ႇ

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=လွင်ႈၾႆးမႆႈႁူင်းၸၢၵ်ႈၼိဝ်ႇၵလီးယႃး_ရတ်ႈသျႃး_လႄႈ_ယူႇၶရဵၼ်း_ၶဵင်ႇၼႄးၵၼ်&oldid=2902"