Jump to content

လွင်ႈမၢၵ်ႇၼူၾႆး ဢၼ်ၸၢင်ႈယိုဝ်းလႆႈၵႆ တႃႇယူႇၶရဵၼ်းၼၼ်ႉ ၵၢၼ်ႇ ဢိင်းၵလဵတ်ႈ ပႆႇတႅပ်းတတ်း

ထႅမ်သႂ်ႇ လိင်ႉၶ်
လုၵ်ႉတီႈ ဝီႇၶီႇၶၢဝ်ႇ မႃး

ဝၼ်းသဝ်၊ သႅပ်ႇ​ထႅမ်ႇပႃႇ 14၊ 2024

ၸွမ်ပွင်ၸိုင်ႈ ၵျူဝ်းပၢႆႇတႅၼ်ႇ လႄႈ ၸွမ်ၽွင်းလူင် ဢိင်းၵလဵတ်ႈ ၶီႇယႃႇသတႃႇမႃႇ
လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=မိူင်းႁူမ်ႈတုမ် ဢမႄႇရိၵ notcategory=disputed notcategory=no publish namespace=Main addfirstcategorydate=true count=5 </dynamicpagelist>

ဢွင်ႈတီႈ မိူင်းႁူမ်ႈတုမ် ဢမႄႇရိၵ
ႁူမ်ႈသၢင်ႈ!
မိူင်းႁူမ်ႈတုမ် ဢမႄႇရိၵ
မိူင်းႁူမ်ႈတုမ် ဢမႄႇရိၵ

ၸွမ်ပွင်ၸိုင်ႈ ဢမႄႇရိၵၢၼ်ႇ ၵျူဝ်းပၢႆႇတႅၼ်ႇ လႄႈ ၸွမ်ၽွင်းလူင် ဢိင်းၵလဵတ်ႈ ၶီႇယႃႇသတႃႇမႃႇ ႁူပ်ႉထူပ်းၵၼ် တီႈႁိူၼ်းၽိူၵ်ႇၵႅဝ်ႈ မိူဝ်ႈဝၼ်းသုၵ်းၼၼ်ႉသေ ပၼ်ၵႂၢမ်းမၼ်ႈဝႃႈ တေသိုပ်ႇၸုၵ်းမၼ်ႈ ၽၢႆႇယူႇၶရဵၼ်းယူႇၼႆသေတႃႉ ဢမ်ႇမီးၶေႃႈပိုၼ်ၽၢဝ်ႇ ၸွမ်းၼင်ႇ ယူႇၶရဵၼ်း မုင်ႈမွင်းဝႆႉၼၼ်ႉ။

မိူင်းယူႇၶရဵၼ်း ယွၼ်းၶႂၢင်ႉ တႃႇတေၸႂ်ႉတိုဝ်း ၶိူင်ႈၵွင်ႈၵၢင်ႇ ဢၼ်မိူင်းဝၼ်းတူၵ်းၶဝ် ႁဵတ်းဢွၵ်ႇၼၼ်ႉသေ ယိုဝ်းသႂ်ႇ တီႈပဝ်ႉမၢႆ ဢၼ်မီးတီႈ မိူင်းရတ်ႈသျႃးၼၼ်ႉသေတႃႉ ဢမ်ႇပႆႇမီး ၶေႃႈၼႄ လွင်ႈဝႃႈ တေပၼ်ၶႂၢင်ႉ ၼႆယဝ်ႉ။ ဝၢႆးသေ ဢုပ်ႇၵုမ်ၵၼ်တင်း ၸွမ်ပွင်ၸိုင်ႈ ပၢႆႇတႅၼ်ႇ ယဝ်ႉ ၸွမ်ၽွင်းလူင် ၶီႇယႃႇသတႃႇမႃႇ လၢတ်ႈတီႈ ၽူႈသိုဝ်ႇၶၢဝ်ႇၶဝ်ဝႃႈ လွင်ႈလွၵ်းလၢႆး ဢၼ်ၵဵဝ်ႇၵပ်းလူၺ်ႈ ၵၢၼ်သိုၵ်း တီႈမိူင်းယူႇၶရဵၼ်းၼၼ်ႉ လႆႈဢုပ်ႇၵၼ် ၵႂၢင်ႈၵႂၢင်ႈၶႂၢင်ၶႂၢင်ယူႇသေတႃႉ ဢမ်ႇပႆႇတႅပ်းတတ်းသင် ၼႆယဝ်ႉ။

ၼႂ်းၶေႃႈပိုၼ်ၽၢဝ်ႇ ႁိူၼ်းၽိူၵ်ႇၵႅဝ်ႈၼၼ်ႉ လၢတ်ႈဝႃႈ ၶဝ်ဢုပ်ႇဢူဝ်းၵၼ် လွင်ႈၵၢၼ်မိူင်းၼွၵ်ႈမိူင်း ဢၼ်ၵဵဝ်ႇၵပ်း ၽွၼ်းလီ မိူင်းသွင်မိူင်းၼၼ်ႉ တင်းၼမ် ဝႃႈၼႆယဝ်ႉ။ မိူဝ်ႈဝၼ်းသုၵ်းၼၼ်ႉ ၽူႈဢွၼ်ႁူဝ်သွင်မိူင်း ဢုပ်ႇၵၼ်ဝႃႈ တေႁဵတ်းႁိုဝ် ၸွႆႈထႅမ် မိူင်းယူႇၶရဵၼ်းထႅင်ႈ၊ ပိူင်လူင်မၼ်း ၽူႈဢွၼ်ႁူဝ် မိူင်းသွင်မိူင်း လႆႈဝႆႉလွင်ႈယႂ်ႇ ဢုပ်ႇဢူဝ်းၵၼ်မႃး လွင်ႈဢၼ်ဝႃႈ တေပၼ်ၶႂၢင်ႉ ဢမ်ႇပၼ်ၶႂၢင်ႉ တႃႇၸႂ်ႉတိုဝ်း မၢၵ်ႇၼူၾႆး ဢၼ်ႁဵတ်းဢွၵ်ႇ တီႈမိူင်းဝၼ်းတူၵ်း တႃႇၸႂ်ႉတီႈ ပိုတ်းယိုဝ်းတေႃႇ ယိူင်းမၢႆ ရတ်ႈသျႃး ၼႆ သိုဝ်ႇၶၢဝ်ႇ Reuters ဢွၵ်ႇဝႆႉၼင်ႇၼႆ။

ယွၼ်ႉဝႃႈ မၢၵ်ႇၼူၾႆး ဢၼ်ယိုဝ်းလႆႈၵႆ Storm Shadow ဢၼ်တပ်ႉလူမ်း ဢိင်းၵလဵတ်ႈ လႄႈ ၾရၢင်ႇသဵတ်ႈ ႁူမ်ႈၵၼ်ႁဵတ်းဢွၵ်ႇၼၼ်ႉ ပႃးၶူဝ်းၶွင် ဢၼ်ႁဵတ်းဢွၵ်ႇ တီႈဢမႄႇရိၵၢၼ်ႇလႄႈ တႃႇတေၸႂ်ႉတိုဝ်း မၢၵ်ႇၼူၾႆးၸိူဝ်းၼႆႉ တေႃႇ ရတ်ႈသျႃးၼၼ်ႉ တေလႆႈဢဝ် ၶေႃႈယိုၼ်ယၼ် ၸွမ်ပွင်ၸိုင်ႈ ၵျူဝ်းပၢႆႇတႅၼ်ႇ ၼႆယဝ်ႉ။ သင်ဝႃႈ ၵွင်ႈၵၢင်ႇ ဢၼ်ႁဵတ်းဢွၵ်ႇ မိူင်းဝၼ်းတူၵ်း ဢၼ်ၸၢင်ႈယိုဝ်းလႆႈၵႆၼၼ်ႉ ၸႂ်ႉတိုဝ်း ၼႂ်းပၢင်တိုၵ်း ဢၼ်ယူႇၶရဵၼ်း တိုၵ်းယူႇ တီႈမိူင်းရတ်ႈသျႃး၊ ၸွမ်ပွင်ၸိုင်ႈရတ်ႈသျႃး ပူႇတိၼ်ႇ လွၵ်ႇငိူတ်ႈဝႃႈ တေတွပ်ႇတႅၼ်းၶိုၼ်း လွင်ႈဢၼ်မၼ်းႁၼ်ထိုင်ဝႃႈ ပဵၼ်ပၢင်တိုၵ်းၵမ်းသိုဝ်ႈ တင်း ၸုမ်းၽွမ်ႉႁူမ်ႈ ယူးရူပ်ႉ EU ၼႆယဝ်ႉ။ မိူဝ်ႈလဵဝ် ၽၢႆႇရတ်ႈသျႃးၶဝ် လၢတ်ႈမိူဝ်ႈဝၼ်းဢႃးတိတ်ႉၼၼ်ႉဝႃႈ ဝၢၼ်ႈ ဝၢၼ်ႈၼိုင်ႈ ဢၼ်ပဵၼ် တီႈလမ်ႇလွင်ႈ ၵၢၼ်တေႃႉသူင်ႇ ၶူဝ်းၶွင် တႃႇတပ်ႉသိုၵ်း ယူႇၶရဵၼ်း ဢၼ်ၶဝ်ႈတိုၵ်း ရတ်ႈသျႃးၼၼ်ႉ လႆႈထုၵ်ႇ တပ်ႉသိုၵ်းရတ်ႈသျႃး သိမ်းဢဝ်ၶိုၼ်းၼႆယဝ်ႉ။

တွၼ်ႈတႃႇၶၢဝ်ႇႁင်းၶေႃတႄႉ ၸွမ်ပွင်ၸိုင်ႈ ယူႇၶရဵၼ်း ပိုၼ်ၽၢဝ်ႇဝႃႈ ၵူၼ်းတူၵ်းၶွၵ်ႈသိုၵ်း ယူႇၶရဵၼ်း 103 ၵေႃႉ လႆႈလႅၵ်ႈလၢႆႈ ၵူၼ်းတူၵ်းၶွၵ်ႈသိုၵ်း ရတ်ႈသျႃး 103 ၵေႃႉ လူၺ်ႈ လွင်ႈၵပ်းသိုပ်ႇ မိူင်းႁူမ်ႈတုမ် ၸဝ်ႈၾႃႉ ဢႃႇရၢပ်ႈ ၼႆယဝ်ႉ။


ငိူၼ်ႈငဝ်ႈၶၢဝ်ႇ

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=လွင်ႈမၢၵ်ႇၼူၾႆး_ဢၼ်ၸၢင်ႈယိုဝ်းလႆႈၵႆ_တႃႇယူႇၶရဵၼ်းၼၼ်ႉ_ၵၢၼ်ႇ_ဢိင်းၵလဵတ်ႈ_ပႆႇတႅပ်းတတ်း&oldid=2854"