Jump to content

လူင်ပွင်ၸိုင်ႈႁူမ်ႈပွင်း ၸွမ်ၽွင်းလူင်မူဝ်ႇတီႇ လႆႈသိုပ်ႇဢုပ်ႉပိူင်ႇပွၵ်ႈၵမ်းသၢမ်

ထႅမ်သႂ်ႇ လိင်ႉၶ်
လုၵ်ႉတီႈ ဝီႇၶီႇၶၢဝ်ႇ မႃး

ဝၼ်းၽတ်း၊ ၸုၼ်ႇ 6၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=ဢိၼ်းတီးယႃး notcategory=disputed notcategory=no publish namespace=Main addfirstcategorydate=true count=5 </dynamicpagelist>

ဢွင်ႈတီႈ မိူင်းဢိၼ်းတီးယႃး
ႁူမ်ႈသၢင်ႈ!
ဢိၼ်းတီးယႃး
ဢိၼ်းတီးယႃး
ၸွမ်ၽွင်းလူင် ဢိၼ်းတီးယႃး ၼရႅၼ်ႇတရႃႇမူဝ်ႇတီႇ

တီႈပၢင်လိူၵ်ႈတင်ႈ ဢိၼ်းတီးယႃး ဢၼ်ႁဵတ်းမႃး ၶၢဝ်းတၢင်း ႁူၵ်းဝူင်ႈ တီႈမိူင်းဢိၼ်းတီးယႃးၼၼ်ႉ ဢၼ်ပဵၼ် ႁႅင်းၸုမ်းဢူၺ်းလီ တီႇမူဝ်ႇၶရေႇသီႇၸိုင်ႈမိူင်း (NDA) ဢၼ် ပႃႇတီႇ Bharatiya Janata Party (BJP) ၽူႈၼပ်ႉတိုဝ်းဝႃႇတ ၸၢဝ်းႁိၼ်ႇတူႇၸိုင်ႈမိူင်း ၶွင် ၸွမ်ၽွင်းလူင် ၼရႅၼ်ႇတရႃႇမူဝ်ႇတီႇ လႆႈပႄႉပူၼ်ႈဢွင်ႈတီႈ ၵမ်ႈၽွင်ႈ တီႈၼႂ်းသၽႃးသေ လႆႈဢွင်ႇပႄႉတင်းၼမ်ယဝ်ႉ။

ယွၼ်ႉၼၼ်လႄႈ မူဝ်ႇတီႇၼႆႉ လႆႈသုၼ်ႇဢွၼ်ႁူဝ်ပဵၼ်တၢင်းၵၢၼ် လူင်ပွင်ၸိုင်ႈႁူမ်ႈပွင်းမႂ်ႇ ပွၵ်ႈၵမ်းသၢမ်ၵႂႃႇယဝ်ႉ။ ပႃႇတီႇ BJP လႄႈ ၸုမ်းဢူၺ်းလီၶဝ်ၼႆႉ ၼႂ်းၵႃႈ ဢွင်ႈတီႈထုၵ်ႇလိူၵ်ႈတင်ႈ 543 တီႈ တီႈသၽႃးတႂ်ႈၼၼ်ႉ ၶဝ်လႆႈဢွင်ႈတီႈ 294 တီႈမႃးယဝ်ႉ။ ႁူဝ်ၼပ်ႉဢၼ်ၼႆႉၼႆႉ မၼ်းပဵၼ်ဢၼ်လႆႈထူပ်း လွင်ႈၶဵင်ႇတႃႉႁၢဝ်ႈႁႅင်း ၽၢႆႇသၢၼ်ၶတ်း လႄႈ ဢွင်ႈတီႈ ဢၼ်ပႃႇတီႇ BJP ၶဝ် လႆးဢွင်ႇပႄႉၼၼ်ႉ လႆႈႁၼ်မၼ်း ယွမ်းလူင်မႃးယူႇၼႆယဝ်ႉ။ ပႃႇတီႇ BJP ၼႆႉ လႆႈဢွင်ႇပႄႉ ဢွင်ႈတီႈတႅၼ်းၽွင်း 240 ၵူၺ်းသေ ဢၼ်ပဵၼ်ဢွင်ႈတီႈ တွၼ်ႈတႃႇ ၽွတ်ႈလူင်ပွင်ၸိုင်ႈ ပႃႇတီႇလဵဝ်ၼႆႉ လူဝ်ႇဢွင်ႈတီႈ 272 တီႈၼၼ်ႉတႄႉ ၶဝ်ဢမ်ႇလႆႈမႃး။

ဢၼ်ၼႆႉၼႆႉ ပေႃးၸႃႇဢဝ် လွင်ႈဢွင်ႇပႄႉ မိူဝ်ႈပီ 2019 ဢၼ်လႆႈမႃး ဢွင်ႈတီႈ 303 ၼၼ်ႉ လႆႈဝႃႈ ပဵၼ်ဢၼ်ယွမ်းလူင်းၵႂႃႇတင်းၼမ်ယဝ်ႉ။ ၸွမ်ၽွင်းလူင် မူဝ်ႇတီႇ ဢၼ်ဢဝ်ဢႃႇၼႃႇမႃး ႁိုဝ် ပီႁူဝ်သိပ်းဢၼ်ၼိုင်ႈယဝ်ႉၼႆႉ တွၼ်ႈတႃႇမၼ်းတေ ၽွတ်ႈလႆႈလူင်ပွင်ၸိုင်ႈၼႆႉ လႆႈဢဝ်ႁႅင်း ပႃႇတီႇဢူၺ်းလီမၼ်းမႃးသေ ၼႆႉ မၼ်းမၢႆထိုင်ဝႃႈ လွင်ႈၵူၼ်းမိူင်းၵမ်ႉထႅမ်လႆႈၸႂ်မၼ်းၼႆႉ လႆႈယွမ်းၵႂႃႇယဝ်ႉဝႃႈၼႆ။ ၽွၼ်းပၢင်လိူၵ်ႈတင်ႈၼႆႉ ပဵၼ်တၢင်းၵၢၼ်သေ တီႈၶေႃႈပိုၼ်ၽၢဝ်ႇ မူဝ်ႇတီႇ ဢၼ်မၼ်းတၢင်ႇဝႆႉတီႈ သိုဝ်ႇသၢၼ်တူင်ႇၵူၼ်း X ၼၼ်ႉဝႃႈ “ၵူၼ်းမိူင်းၼႆႉ ဢွၼ်ၵၼ်သိုပ်ႇယုမ်ႇယမ် NDA မႃး ၼႆႉပဵၼ် ပွၵ်ႈၵမ်းသၢမ်ယဝ်ႉသေ ဢၼ်ၼႆႉ မၼ်းပဵၼ် လွင်ႈႁဵတ်းသၢင်ႈၵိုၵ်းမိူင်း ဢိၼ်းတီးယႃး“ ဝႃႈဝႆႉၼင်ႇၼႆယဝ်ႉ။

မူဝ်ႇတီး ပၼ်ၵႂၢမ်းမၼ်ႈဝႃႈ “တွၼ်ႈတႃႇတေသိုပ်ႇ ၽိူမ်ႉထႅမ်ပၼ်လႆႈ တၢင်းလူဝ်ႇၵူၼ်းမိူင်းၼႆႉ မၼ်းတေသိုပ်ႇႁဵတ်းၵႂႃႇ ၵၢၼ်လီ ၸိူဝ်းဢၼ်ႁဵတ်းမႃး ၼႂ်းၶၢဝ်းတၢင်းသိပ်းပီပူၼ်ႉမႃးၼၼ်ႉ“ ဝႃႈၼႆယဝ်ႉ။ ၽူႈထတ်းသၢင် ၵၢၼ်ပၢႆးမိူင်း ဢိၼ်တီးယႃးၶဝ် ထတ်းသၢင်ဝႆႉဝႃႈ မိူဝ်ႈဢွၼ်တၢင်း တႃႇၽွတ်ႈလူင်ပွင်ၸိုင်ႈၼႆႉ မၼ်းၵူၺ်းဢဝ် ၵၢင်ၸႂ်မၼ်းသေ တိုၼ်းယူႇတီႈ ၽူႈဢွၼ်ႁူဝ်သေၵေႃႈ ႁဵတ်းမႃးလႄႈ ၵမ်းၼႆႉတႄႉ တေလႆႈႁူမ်ႈၵၼ်တင်း ၸုမ်းဢူၺ်းလီမၼ်းလႄႈ တွၼ်ႈတႃႇ မူဝ်ႇတီႇ တေမီးလွင်ႈၶဵင်ႇတႃႉမႃး ဝႃႈၼႆယဝ်ႉ။


ငိူၼ်ႈငဝ်ႈတိုၼ်း

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=လူင်ပွင်ၸိုင်ႈႁူမ်ႈပွင်း_ၸွမ်ၽွင်းလူင်မူဝ်ႇတီႇ_လႆႈသိုပ်ႇဢုပ်ႉပိူင်ႇပွၵ်ႈၵမ်းသၢမ်&oldid=2820"