လုမ်းတႅၼ်းၽွင်း ၵၢဝ်းလီၸၢၼ်း တႅပ်းတတ်း တႃႇဢဝ်လိူင်ႈ ၸွမ်ပွင်ၸိုင်ႈ ယုၼ်ႇ
ဝၼ်းသဝ်၊ တီႇသႅမ်ႇပႃႇ 14၊ 2024
မိူဝ်ႈၼႆႉ လုမ်းတႅၼ်းၽွင်း ၵၢဝ်းလီၸၢၼ်း တႅပ်းတတ်းဝႃႈ တေဢဝ်လိူင်ႈ ၸွမ်ပွင်ၸိုင်ႈ ယုၼ်ႇသူၵ်ႉယဵဝ်ႇ ဢၼ်ပိုၼ်ၽၢဝ်ႇ ပၵ်းပိူင်သိုၵ်း တီႈမိူင်းၵၢဝ်းလီၸၢၼ်းၼၼ်ႉ ၼႆယဝ်ႉ။ မိူဝ်ႈၼႆႉ တီႈပၢင်လိူၵ်ႈတင်ႈ ၼႂ်းသၽႃး ဢၼ်ဝႃႈ တေဢဝ်လိူင်ႈ ၸွမ်ၸိုင်ႈ ဢမ်ႇဢဝ်လိူင်ႈၼၼ်ႉ ယွၼ်ႉပိူဝ်ႈဝႃႈ လႆႈၶႅပ်းၵၢင်ၸႂ် 2 ပုၼ်ႈ ၼႂ်းၵႃႈ 3 ပုၼ်ႈ လႄႈ လႆႈဢွင်ႇပႄႉသေ လႆႈတႅပ်းတတ်းမႃး တႃႇဢဝ်လိူင်ႈၼႆယဝ်ႉ။
ၼႂ်းၵႃႈ ၶႅပ်ၵၢင်ၸႂ် 300 ဢၼ်ၽူႈတႅမ်းၽွင်းၶဝ် သႂ်ႇမႃးၼၼ်ႉ လႆႈၶႅပ်းၵၢင်ၸႂ် 204 ၶႅပ်း ဝႃႈၼႆ။ ႁူဝ်ပဝ်ႈသၽႃး ပိုၼ်ၽၢဝ်ႇဝႃႈ ယိုၼ်ယၼ်လႆႈ ဢၼ်ပဵၼ်ၶေႃႈတၢင်ႇတၢင်းၽိတ်း တႃႇဢဝ်လိူင်ႈ ၸွမ်ၸိုင်ႈ ယုၼ်ႇသူၵ်ႉယဵဝ်ႇ ၸွမ်ၸိုင်ႈ ၼၼ်ႉဝႃႈၼႆ။ မီးၶႅပ်းသၢၼ်ၶတ်း 85 ၶႅပ်း လႄႈသင်၊ မီး ဢၼ်ဢမ်ႇပၼ်သဵင် 3 ၵေႃႉ လႄႈ တႃႇ 8 ၵေႃႉတႄႉ ပဵၼ် ၶႅပ်းဢမ်ႇမႅၼ်ႈပိူင်ၼႆ ၽူႈၼမ်းသၽႃး လႆႈ ပိုၼ်ၽၢဝ်ႇၶေႃႈတွပ်ႇ ၵမ်းလိုၼ်းသုတ်းၵႂႃႇ ၼင်ႇၼၼ်ယဝ်ႉ။
ၽူႈတႅၼ်းသၽႃး ပႃႇတီႇ People Power Party ၵမ်ႈၽွင်ႈ ဢၼ်ပဵၼ်ၽၢႆႇ ဢုပ်ႉပိူင်ႇၽွင်းငမ်း ၸွမ်ၸိုင်ႈၼၼ်ႉ လႆႈၶဝ်ႈႁူမ်ႈၸွမ်း ပႃႇတီႇသၢၼ်ၶတ်းသေ ပၼ်သဵင်ၵမ်ႉထႅမ်။ ၸွမ်ပွင်ၸိုင်ႈ ယုၼ်ႇသူၵ်ႉယဵဝ်ႇ ပိုၼ်ၽၢဝ်ႇၼႂ်းငဝ်းႁၢင်ႈသဵင်ဝႃႈ ဝၢႆးသေ လုမ်းတႅၼ်းၽွင်း တႅပ်းတတ်းယဝ်ႉ မၼ်းတေထွၼ်တူဝ်ဢွၵ်ႇၸူဝ်ႈၵႅပ်ႉၼႆယဝ်ႉ။ ၵူၺ်းၵႃႈ မၼ်းလၢတ်ႈဝႃႈ သဵၼ်ႈတၢင်းမိူဝ်းၼႃႈၼႆႉ တေဢမ်ႇၵိုတ်းယင်ႉၵႂႃႇၼႆယဝ်ႉ။
ၸွမ်းၼင်ႇ ပိူင်ငဝ်ႈပိုင်းမိူင်း ၵၢဝ်းလီၸၢၼ်းၼၼ်ႉ ၸွမ်ၽွင်းလူင် ႁၢၼ်ႇတၢၵ်ႉသူႇ ပဵၼ်မႃး ၸွမ်ပွင်ၸိုင်ႈၸူဝ်ႈၶၢဝ်း လူၺ်ႈ ယွၼ်ႉဝႃႈ မိူဝ်ႈၼႆႉ လုမ်းတႅၼ်းၽွင်း ပၼ်သဵင်လႆႈ တႃႇတေ ဢဝ်လိူင်ႈ ၸွမ်ပွင်ၸိုင်ႈ ၼၼ်ႉယဝ်ႉ။ လုမ်းတြႃးပိူင်ငဝ်ႈပိုင်းမိူင်း တေလႆႈယိုၼ်ယၼ်ပၼ် ၶေႃႈမၵ်းမၼ်ႈ ၵမ်းလိုၼ်းသုတ်း ၶေႃႈတႅပ်းတတ်း သၽႃးၵွၼ်ႇ။
ဢဝ်လွင်ႈတၢင်း ဢၼ်ဝႃႈ မီးလွင်ႈ မႆႈၸႂ် ၵဵဝ်ႇၵပ်း ၵၢဝ်းလီႁွင်ၼႆသေ ၸွမ်ပွင်ၸိုင်ႈ ယုၼ်ႇသူၵ်ႉယဵဝ်ႇ ပိုၼ်ၽၢဝ်ႇ မၢႆမီႈသိုၵ်း မိူဝ်ႈတီႇၸႅမ်ႇပႃႇ 3 ဝၼ်းၼၼ်ႉယဝ်ႉ။ ၵူၺ်းၵႃႈ ၶေႃႈပိုၼ်ၽၢဝ်ႇၼၼ်ႉ ၽူႈတႅၼ်းၽွင်းၶဝ် ဢမ်ႇယွမ်းႁပ်ႉလႄႈ ၼႂ်းၶၢဝ်းတၢင်း ၸူဝ်ႈမူင်းၵူၺ်း လႆႈပၼ်ၶႅပ်းၵၢင်ၸႂ်သေ ပၢၵ်ႈပႅတ်ႈလႄႈ မၢႆမီႈသိုၵ်ၼၼ်ႉလႆႈႁိုင် 6 ၸူဝ်ႈမူင်းၵူၺ်း။
ငိူၼ်ႈငဝ်ႈၶၢဝ်ႇ
[မႄးထတ်း | မႄးထတ်းငဝ်ႈငႃႇ]- Jean Mackenzie, Jake Kwon and Leehyun Choi in Seoul. "South Korea's President Yoon suspended after MPs vote to impeach him" — BBC News, December 14, 2024
- HYUNG-JIN KIM and KIM TONG-HYUNG. "South Korea’s parliament votes to impeach President Yoon Suk Yeol over his martial law order" — AP News, December 14, 2024
- Jessie Yeung, Gawon Bae and Yoonjung Seo. "South Korea’s parliament votes to impeach president over martial law debacle" — CNN, December 14, 2024
- Sky News. "South Korea's parliament votes to impeach President Yoon Suk Yeol over attempt to impose martial law" — Sky News, December 14, 2024
