Jump to content

ယွၼ်ႉ Pager တႅၵ်ႇလႄႈ ႁဵတ်းႁႂ်ႈၽူႈၶဝ်ႈၸုမ်း ႁႅꩡ်ႉပူဝ်းလႃႇ လႆႈတၢႆၵႂႃႇ ဢမ်ႇယွမ်း 12 ၵေႃႉ

ထႅမ်သႂ်ႇ လိင်ႉၶ်
လုၵ်ႉတီႈ Wikinews မႃး

ဝၼ်းၽတ်း၊ သႅပ်ႇ​ထႅမ်ႇပႃႇ 19၊ 2024

ၸၢၵ်ႈသူင်ႇၶေႃႈၵႂၢမ်း Pager လႆႈတႅၵ်ႇတီႈ လႄႇပႃႇၼွၼ်ႇ
လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=လႄႇပႃႇၼွၼ်ႇ notcategory=disputed notcategory=no publish namespace=Main addfirstcategorydate=true count=5 </dynamicpagelist>

ဢွင်ႈတီႈ မိူင်းလႄႇပႃႇၼွၼ်ႇ
ႁူမ်ႈသၢင်ႈ!
လႄႇပႃႇၼွၼ်ႇ
လႄႇပႃႇၼွၼ်ႇ

မိူဝ်ႈဝႃး လိူၼ်သႅပ်ႇထႅမ်ႇပႃႇ 17 ဝၼ်းၼၼ်ႉ ၶိူင်ႈၸၢၵ်ႈ ဢၼ်သူင်ႇၶေႃႈၵႂၢမ်း လွင်ႈၶိုၵ်ႉၶၵ်ႉ ဢၼ်ပဵၼ် Pager ဢၼ်လုၵ်ႈၸုမ်း ႁႅꩡ်ႉပူဝ်းလႃႇ ၵမ်ႈၼမ် ဢဝ်ဝႆႉ တီႈမိူင်းလႄႇပႃႇၼွၼ်ႇၼၼ်ႉ တႅၵ်ႇၵႂႃႇ မိူဝ်ႈလဵဝ်ၵၼ်သေ ၵူၼ်းတၢႆ ဢမ်ႇယွမ်း 12 ၵေႃႉ ၼႆယဝ်ႉ။ ၸုမ်းႁႅꩡ်ႉပူဝ်းလႃႇ လႄႈ လူင်ပွင်ၸိုင်ႈ လႄႇပႃႇၼွၼ်ႇ ၼႄးဝႃႈ လွင်ႈဢၼ် ၵူၼ်းလၢႆႈတၢႆၵႂႃႇ 12 ၵေႃႉလႄႈ ၵူၼ်းမၢတ်ႇၸဵပ်း 2,800 ၵေႃႉၼႆႉ ပဵၼ်ႁွႆးမိုဝ်း ဢိတ်ႇသရေးၶဝ် ႁဵတ်း ဝႃႈၼႆယဝ်ႉ။

ၸုမ်းႁႅꩡ်ႉပူဝ်းလႃႇၶဝ် လၢတ်ႈဝႃႈ ၶဝ်တေသိုပ်ႇၵမ်ႉထႅမ် ၸုမ်းၵေႃႇၵၢၼ်ႁၢႆႉ ႁမၢသ်ႉ ဢၼ်ပဵၼ်ပၢင်တိုၵ်းၵၼ်တင်း ဢိတ်ႇသရေး တီႈၵႃႇၸႃႇၼၼ်ႉယူႇၼႆသေ မိူဝ်ႈၼႆႉ ပၼ်ၾၢင်ႉဝႃႈ ဢိတ်ႇသရေး တေလႆႈႁူပ်ႉထူပ်း လွင်ႈတွပ်ႇတႅၼ်း ႁၢဝ်ႈႁႅင်းၼႆယဝ်ႉ။

ၵဵဝ်ႇၵပ်းလွင်ႈၼႆႉ ဢိတ်ႇသရေးတႄႉ ပႆႇလၢတ်ႈသင်။ ၵူၺ်းၵႃႈ လွင်ႈဢၼ် ပေႇၵျႃႆတႅၵ်ႇ တီႈမိူင်းလႄႇပႃႇၼွၼ်ႇၼၼ်ႉ ပဵၼ်ဝၢႆးသေ ဢိတ်ႇသရေး ပိုၼ်ၽၢဝ်ႇဝႃႈ တေၶႂၢၵ်ႈပၢင်တိုၵ်း ဢၼ်တိုၵ်ႉပဵၼ်ယူႇ တင်း ၸုမ်းႁႅꩡ်ႉပူဝ်းလႃႇ တီႈလႅၼ်လိၼ် လႄႇပႃႇၼွၼ်ႇ ပွတ်းႁွင်ႇ ဢိတ်ႇသရေးၼၼ်ႉ လၢႆၸူဝ်ႈမူင်းၼၼ်ႉယဝ်ႉ။

ၵမ်ႈၼမ် ထၢင်ႇထိူမ်ဝႃႈ မိူဝ်ႈပႆႇဢဝ် ပေႇၵျႃႇၸိူဝ်းၼၼ်ႉသူင်ႇပၼ် ၸုမ်းႁႅꩡ်ႉပူဝ်းလႃႇၼၼ်ႉ လႆႈဢဝ်မၢၵ်ႇတႅၵ်ႇ ၵမ်ႈၽွင်ႈ သႂ်ႇၼႂ်းပေႇၵျႃႇ ၼႆယဝ်ႉ။ ဝၢႆးသေ လွင်ႈမႆႈၸႂ် ဢၼ်ဝႃႈ ဢိတ်ႇသရေးၶဝ် လၵ်ႉထွမ်ႇငိၼ်း ၾူၼ်းမိုဝ်းထိုဝ် ဢၼ်ၶဝ်ၸႂ်ႉတိုဝ်း တႃႇၵပ်းသိုပ်ႇၵၼ်ၼၼ်ႉ ဢွၵ်ႇမႃးယဝ်ႉ ၽူႈဢွၼ်ႁူဝ် ၸုမ်းႁႅꩡ်ႉပူဝ်းလႃႇ ၸီႉသင်ႇႁႂ်ႈၶဝ် ၸႂ်ႉတိုဝ်း ၽူင်းပေႇၵျႃႇ တႅၼ်းတၢင်မၼ်းၼၼ်ႉယဝ်ႉ။

ၽူႈတၢင်တူဝ် ဢီႇရၢၼ်း ဢၼ်မီးတီႈ မိူင်းလႄႇပႃႇၼွၼ်ႇ ဢၼ်ပဵၼ် Mojtaba Amani ၼၼ်ႉၵေႃႈ ၶဝ်ႈပႃးၼႂ်း ၵူၼ်းၸိူဝ်းဢၼ် လႆႈမၢတ်ႇၸဵပ်း ယွၼ်ႉ မၢၵ်ႇတႅၵ်ႇ Pager ၼၼ်ႉ ၼႆ သိုဝ်ႇၶၢဝ်ႇ လူင်ပွင်ၸိုင်ႈ ဢီႇရၢၼ်းၶဝ် ဢွၵ်ႇၶၢဝ်ႇဝႆႉၼင်ႇၼႆ။ ဢီႇရၢၼ်းၼႆႉ ၵမ်ႉထႅမ်ပၼ် ၸုမ်းႁႅꩡ်ႉပူဝ်းလႃႇ လႄႈ ၸုမ်းႁမၢသ်ႉ ဢၼ်ပဵၼ်ပၢင်တိုၵ်း တီႈၵႃႇၸႃႇ လႄႈ ပၢင်တိုၵ်း ဢၼ်တိုၵ်ႉပဵၼ်ယူႇ တင်း ဢိတ်ႇသရေး တီႈလႅၼ်လိၼ် လႄႇပႃႇၼွၼ်ႇၼၼ်ႉယူႇ။


ငိူၼ်ႈငဝ်ႈၶၢဝ်ႇ

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=ယွၼ်ႉ_Pager_တႅၵ်ႇလႄႈ_ႁဵတ်းႁႂ်ႈၽူႈၶဝ်ႈၸုမ်း_ႁႅꩡ်ႉပူဝ်းလႃႇ_လႆႈတၢႆၵႂႃႇ_ဢမ်ႇယွမ်း_12_ၵေႃႉ&oldid=2486"