ယူႇၶေႇ ပိုၼ်ၽၢဝ်ႇ တႃႇၸွႆႈၵၢၼ်သိုၵ်းယူႇၶရဵၼ်း တေႃႇလႃႇ 620 လၢၼ်ႉ
ဝၼ်းၽတ်း၊ ဢေႇပရႄႇ 25၊ 2024
.svg)
.jpg)
ၸွမ်ၽွင်းလူင် မိူင်းႁူမ်ႈတုမ်ႁေႃၶမ်း ပရိတ်ႇတဵၼ်ႇ ရီႇသျီႇၼူးၼၵ်ႉ ပိုၼ်ၽၢဝ်ႇဝႃႈ ပေႃးပီႁူဝ်သိပ်းၼႆႉသဵင်ႈ ဢၼ်ပဵၼ် ငိုၼ်းၸႂ်ႉၸၢႆ ၵၢၼ်ၵႅတ်ႇၵင်ႈ မိူင်းပရိတ်ႇတဵၼ်ႇၼႆႉ တေတိူဝ်းၸႂ်ႉ ႁူဝ်ပၢၵ်ႇ 2.5 ၶွင် ၵႃႈၶၼ်ၵုၼ်ႇဢွၵ်ႇတင်းမိူင်း ၼႆသေ မၼ်းလၢတ်ႈဝႃႈ တေပၼ် လွင်ႈၸွႆႈထႅမ်ၵၢၼ်သိုၵ်းယူႇၶရဵၼ်း တႃႇ တေႃႇလႃႇဢမႄႇရိၵၢၼ်ႇ 620 လၢၼ်ႉ ဝႃႈၼႆယဝ်ႉ။
ဢိၵ်ႇတင်း Jens Stoltenberg ဢၼ်ပဵၼ် ၽူႈၼမ်းၼႂ်း ၸုမ်းဢူၺ်းလီၵၢၼ်သိုၵ်း ဢၵ်ႉတလၢၼ်းတိၵ်းႁွင်ႇ သေ ၸွမ်ၽွင်းလူင် ယူႇၶေႇ ရီႇသျီႇၼူးၼၵ်ႉ လႆႈပိုၼ်ၽၢဝ်ႇ တီႈ ပၢင်ၸႅင်ႈၶၢဝ်ႇ တီႈဝဵင်းဝႃႇသေႃး၊ မိူင်းပူဝ်ႇလႅၼ်ႇၼၼ်ႉယဝ်ႉ။ ၼႂ်းလွင်ႈၸွႆႈထႅမ် ဢၼ်တေ ပၼ်ယူႇၶရဵၼ်းၼၼ်ႉ တေၶဝ်ႈပႃး မၢၵ်ႇမိသ်ႉသၢႆးလ် ဢၼ်ပိုတ်းယိုဝ်းၸူးလႆႈ တီႈၵ လႄႈ မၢၵ်ႇၵွင်ႈၸိုၼ်းယၢမ်း 4 လၢၼ်ႉ ဝႃႈၼႆယဝ်ႉ။ ဢၼ်လၢတ်ႈၼင်ႇၼႆၼႆႉ မၼ်းမႅၼ်ႈၽွင်း ယူႇၶရဵၼ်းၶဝ် တိုၵ်ႉလႆႈႁႄႉတိုၵ်း တပ်ႉရတ်ႈသျႃး ဢၼ်ၶိုၼ်ႈၼႃႈမႃးၼၼ်ႉယူႇယဝ်ႉ။
လုမ်းၸွမ်ၽွင်းလူင် ယူႇၶေႇ မွၵ်ႇလၢတ်ႈဝႃႈ ၸွမ်ၽွင်းလူင် ရီႇသျီႇသူးၼၵ်ႉ လႆႈၵပ်းၽူင်းၵၼ်တင်း ၸဝ်ႈၸွမ်ၸိုင်ႈယူႇၶရဵၼ်း ဝူဝ်ႇလူဝ်ႇတီႇမီႇယႃႇ ၸႄႇလႅၼ်ႇၸၵီးသေ လႆႈလၢတ်ႈလွင်ႈယူႇၶႄႇ ၵမ်ႉထႅမ်ၸွမ်း ဝႃႈၼႆ။ လုမ်း မိတ်ႇသတႃႇသူးၼၵ်ႉ ပိုၼ်ၽၢဝ်ႇဝႃႈ ၸဝ်ႈၸွမ်ၸိုင်ႈယူႇၶရဵၼ်းလၢတ်ႈဝႃႈ လွင်ႈၸွႆႈထႅမ်ၵၢၼ်သိုၵ်းဢၼ်မႂ်ႇၼႆႉ မၼ်းမီးၼမ်ႉတွၼ်း တွၼ်ႈတႃႇၵူၼ်းမိူင်းယူႇၶရဵၼ်း ဢၼ်တိုၵ်းယူႇတီႈ ၼႃႈသိုၵ်းၼၼ်ႉဝႃႈၼႆ။ မိတ်ႇသတႃႇသူးၼၵ်ႉလၢတ်ႈဝႃႈ ၵမ်ႇၽႃႇလူင်ၼႆႉ ၽေးၶဵၼ်တိူဝ်းယႂ်ႇမႃးယူႇ ဝႃႈၼႆယဝ်ႉ။
ငိူၼ်ႈငဝ်ႈတိုၼ်း
[မႄးထတ်း | မႄးထတ်းငဝ်ႈငႃႇ]- Vanessa Gera လႄႈ Sylvia Hui. "UK puts its defense industry on ‘war footing’ and gives Ukraine $620 million in new military aid" — Associated Press, April 24, 2024
- Elizabeth Piper. "UK to spend 2.5% of GDP on defence by 2030, says Sunak" — Reuters, April 23, 2024
- DW News. "UK pledges largest military aid to Kyiv" — DW News, April 23, 2024
- Chris Mason. "Rishi Sunak to pledge more money to support Ukraine" — BBC News, April 23, 2024
- Aljazeera. "Sunak promises to boost UK defence spending by 2030" — Aljazeera, April 23, 2024
