Jump to content

မႄႈ လႄႈ ပီႈၼၢင်း မႃႇရီႇယႃႇၶႄႇရီႇ လႆႈတၢႆၵႂႃႇ ၼႂ်းဝၼ်းလဵဝ်ၵၼ်

ထႅမ်သႂ်ႇ လိင်ႉၶ်
လုၵ်ႉတီႈ ဝီႇၶီႇၶၢဝ်ႇ မႃး

ဝၼ်းၸၼ်၊ ဢေႃးၵၢတ်ႉ 26၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=မိူင်းႁူမ်ႈတုမ် ဢမႄႇရိၵ notcategory=disputed notcategory=no publish namespace=Main addfirstcategorydate=true count=5 </dynamicpagelist>

ဢွင်ႈတီႈ မိူင်းႁူမ်ႈတုမ် ဢမႄႇရိၵ
ႁူမ်ႈသၢင်ႈ!
မိူင်းႁူမ်ႈတုမ် ဢမႄႇရိၵ
မိူင်းႁူမ်ႈတုမ် ဢမႄႇရိၵ
ၽူႈႁွင်ႉၵႂၢမ်း မႃႇရီႇယႃႇၶႄႇရီႇ

မႄႈ မႃႇရီႇယႃႇၶႄႇရီႇ ဢၼ်ပဵၼ် ပႅတ်ႉထရီႇသျႃး လႄႈ ပီႈၼၢင်း ဢႄးလီႇသၼ်ႇ လႆႈတၢႆၵႂႃႇ မိူဝ်ႈဝၼ်းလိုဝ်ႈၵၢၼ်ၼၼ်ႉ ၼႆ ၽူႈႁွင်ႉၵႂၢမ်း ဢမေႇရိၵၢၼ်ႇ ၵေႃႉၼႆႉ ဢွၵ်ႇၶေႃႈပိုၼ်ၽၢဝ်ႇဝႆႉၼင်ႇၼႆ။

ၶႄႇရီႇ လၢတ်ႈဝႃႈ “ႁူဝ်ၸႂ်ၶႃႈ လႆႈလူႉလႅဝ်ၵႂႃႇ ဢၼ်ၶႃႈလႆႈသုမ်းမႄႈၶႃႈ ၼႂ်းဝၼ်းလိုဝ်ႈၵၢၼ် ဢၼ်ပူၼ်ႉမႃးၼႆႉ။ “ဢၼ်လီမွင်ၸႂ်တႄႉ ၼႂ်းလွင်ႈဢၼ်လီၸႂ်လဵၵ်ႉၼၼ်ႉ ပီးၼၢင်းၶႃႈၵေႃႈ လႆႈလူႉတၢႆၵႂႃႇ ၼႂ်းဝၼ်းလဵဝ်ၵၼ်” ၼႆယဝ်ႉ။ ၽူႈႁွင်ႉၵႂၢမ်း ၵေႃႉၼႆႉ လၢတ်ႈဝႃႈ မၼ်းၼၢင်း ႁၼ်ထိုင်ဝႃႈ မၼ်းၼၢင်း လႆႈယူႇၸွမ်း မႄႈမၼ်းၼၢင်း ၼႂ်းဝူင်ႈ ဢၼ်မၼ်းၼၢင်း တေတၢႆၼၼ်ႉ လႆႈပဵၼ်ၽွၼ်းလီ တႃႇမၼ်းၼၢင်း ၼႆယဝ်ႉ။ လွင်ႈတၢင်းဢၼ်မၼ်းတၢႆၼၼ်ႉတႄႉ ဢမ်ႇလႆႈပိုၼ်ၽၢဝ်ႇထႅင်ႈ။

ပႅတ်ႉထရီႇသျႃး ဢႃႇယု 87 ပီၼႆႉ ယၢမ်ႈပဵၼ် ၽူႈႁွင်ႉၵႂၢမ်း ဢူဝ်ႇပႃႇရႃႇ လႄႈ ၶူးလၢႆးသဵင် ဢၼ်ပဵၼ် ၸိူဝ်ႉၶိူဝ်း ဢၢႆႇရီႇသျႅၼ်ႇ ဢမႄႇရိၵၢၼ်ႇၼၼ်ႉယဝ်ႉ။

တီႈၼႂ်းပပ်ႉမၢႆတွင်း ၶႄႇရီႇ မိူဝ်ႈပီ 2020 ဢၼ်ပဵၼ် The Meaning of Mariah Carey ၼၼ်ႉ ၽူႈႁွင်ႉၵႂၢမ်း ဢၼ်လႆႈသူး Grammy ႁႃႈပွၵ်ႈၼၼ်ႉ လၢတ်ႈၼႄလွင်ႈ လွင်ႈၵပ်းသိုပ်ႇ ဢၼ်သုၵ်ႉသၵ်ႉ မၼ်းၼၢင်း တင်းမႄႈမၼ်းၼၼ်ႉသေ လၢတ်ႈဝႃႈ “ႁဵတ်းႁႂ်ႈ ၶႃႈ လႆႈၶၢမ်ႇတၢင်းၸဵပ်းသႅပ်ႇ လႄႈ သုၵ်ႉသၵ်ႉၼႃႇ” ၼႆယဝ်ႉ။

Carey လၢတ်ႈဝႃႈ လွင်ႈၶႄႉၶဵင်ႇၵၼ်ၼႆႉ မၼ်းမႃးၼႂ်းၵႄႈၶဝ်သွင်ၵေႃႉသေ လွင်ႈၸႂ်လမ် ၽူႈလူင်ႉလႅၼ်ႇၶဝ်ၼၼ်ႉ "မၼ်းမႃးၸွမ်း ၼႃႈလိၼ်လွင်ႈဢွင်ႇမၢၼ်ၼၼ်ႉယူႇ၊ ၵူၺ်းၵႃႈ မိူဝ်ႈၵူၼ်းၵေႃႉၼၼ်ႉ ပဵၼ်မႄႈၸဝ်ႈၵဝ်ႇသေ လွင်ႈၸႂ်လမ်ၼၼ်ႉ လႆႈၼႄဢွၵ်ႇမႃး မိူဝ်ႈဢသၢၵ်ႈမၼ်းတိုၵ်ႉလဵၵ်ႉၼၼ်ႉ မၼ်းပဵၼ်လွင်ႈၸဵပ်းသႅပ်ႇတႄႉတႄႉ" ၼႆယဝ်ႉ။ ၵူၺ်းၵႃႈ မၼ်းၼၢင်းၵေႃႈ လၢတ်ႈလွင်ႈတၢင်းႁၵ်ႉ ဢၼ်မၼ်းၼၢင်းမီးဝႆႉ ၼိူဝ်မႄႈမၼ်းၼၼ်ႉသေ တႅမ်ႈဝႆႉ ၼႂ်းၽိုၼ်လိၵ်ႈ ဢၼ်မၼ်းၼၢင်း လႆႈယိူင်းၸူးမႄႈမၼ်းၼၼ်ႉဝႃႈ “တွၼ်ႈတႃႇ ပႅတ်ႉ၊ မႄႈၶႃႈ ဢၼ်ၶႃႈယုမ်ႇယမ်ဝႃႈ မၼ်းၼၢင်းႁဵတ်းလႆႈ ႁႂ်ႈလီတီႈသုတ်းၼၼ်ႉယဝ်ႉ။ ၶႃႈတေႁၵ်ႉမႄႈႁဝ်း ႁႂ်ႈလီတီႈသုတ်း တႃႇသေႇ” ၼႆယဝ်ႉ။

မိူဝ်ႈတွင်ႈထၢမ် ၵႄးလ်ၶိင်း မိူဝ်ႈပီ 2022 ၼၼ်ႉ ၶႄႇရီႇ လၢတ်ႈဝႃႈ လွင်ႈဢၼ်မႄႈမၼ်း သႄႉသွမ်းမၼ်း မိူဝ်ႈမၼ်းယႂ်ႇမႃးၼၼ်ႉ “မၼ်းမီးလွင်ႈတုမ်ႉယွၼ်ႈ ၼိူဝ်ၶႃႈတႄႉတႄႉ” ၼႆယဝ်ႉ။ မၼ်းၼၢင်းသိုပ်ႇလၢတ်ႈဝႃႈ မၼ်းၼၢင်းယၢမ်ႈယွင်ႈယေႃးမႄႈမၼ်းၼၢင်း ဢၼ်ႁဵတ်းႁႂ်ႈမၼ်းၼၢင်း လႆႈႁူႉၸွမ်းၽဵင်းၵႂၢမ်းၼၼ်ႉယူႇ။ လွင်ႈၵပ်းသိုပ်ႇ ၶႄႇရီႇ တင်း ပီႈၼၢင်းမၼ်း ဢႄးလီႇသၼ်ႇ ဢႃႇယု 63 ပီၼၼ်ႉၵေႃႈ သုၵ်ႉသၵ်ႉဝႆႉ။

ၼႂ်းပပ်ႉမၢႆတွင်းမၼ်းၼၢင်းၼၼ်ႉ မၼ်းၼၢင်းတႅမ်ႈဝႆႉဝႃႈ မၼ်းၼၢင်းလႄႈ ပီႈၸၢႆးမၼ်း မေႃႇၵၼ်ႇ လႆႈၵႆယၢၼ်ၵၼ်ၼႆသေ လၢတ်ႈဝႃႈ “ပေႃးဢမ်ႇမီးလွင်ႈၵပ်းသိုပ်ႇၵၼ်သင်ၼႆ မၼ်းၼၢင်းတေလွတ်ႈၽေး ၽၢႆႇၸႂ်လႄႈ ၽၢႆႇတူဝ်” ၼႆယဝ်ႉ။ Alison ဢဝ်လိူင်ႈ Carey တွၼ်ႈတႃႇ $1.2m (£909,780) ဝၢႆးသေ ပိုၼ်ၽႄဢွၵ်ႇ ၽိုၼ်မၢႆတွင်း တွၼ်ႈတႃႇ "လွင်ႈၶီၸ်ႂဢၼ် ဢၼ်မီးလွင်ႈၶီၸ်ႂတႄႉတႄႉ"ၼၼ်ႉသေ ႁွင်ႉမၼ်းဝႃႈ "လွင်ႈလႅၼ်"ၼႆယဝ်ႉ။

ပေႃႈၽူႈႁွင်ႉၵႂၢမ်း ဢၼ်ပဵၼ် Alfred ၼၼ်ႉ လႆႈတၢႆၵႂႃႇ ယွၼ်ႉတၢင်းပဵၼ် ၶႅၼ်ႇသႃႇ မိူဝ်ႈပီ 2002 မိူဝ်ႈဢႃႇယု 72 ပီၼၼ်ႉယဝ်ႉ။

ၶႄႇရီႇၼႆႉ လႆႈဝႃႈ ပဵၼ်ၽူႈႁွင်ႉၵႂၢမ်း ဢၼ်ဢွင်ႇမၢၼ် ၼႂ်းလုမ်ႈၾႃႉ ၵေႃႉ႞။

ၽဵင်းၵႂၢမ်း ဢၼ်မၼ်းၼၢင်း ႁွင်ႉ ၼႂ်းဝၼ်းလိုဝ်ႈၵၢၼ် ဢၼ်ပဵၼ် “All I want for Christmas is You” ၼၼ်ႉ ပဵၼ်ၽဵင်းၵႂၢမ်း ဢၼ်ၶၢႆလီသေပိူၼ်ႈ ဢၼ်ၸဝ်ႈပၢႆးမွၼ်းၼၢင်းယိင်း ႁွင်ႉဝႆႉ ၵူႈပွၵ်ႈၼၼ်ႉယဝ်ႉ။

မၼ်းၼၢင်းၼႆႉ ပဵၼ်ၽူႈႁွင်ႉၵႂၢမ်းၵေႃႉလဵဝ် ဢၼ်လႆႈမၢႆၼိုင်ႈ တီႈ Billboard Hot 100 ၼမ်သေပိူၼ်ႈ ဢၼ်မီးၽဵင်းၵႂၢမ်း 19 ပုၵ်ႈသေ လႆႈၶၢႆၶႅပ်းၵႂၢမ်း 220 လၢၼ်ႉလိူဝ်လိူဝ် ၸွတ်ႇတူဝ်ႈလုမ်ႈၾႃႉသေ လႆႈႁဵတ်းၽူႈတႅပ်းတတ်း တီႈပၢင်ၶေႉၶဵင်ႇ American Idol ၼၼ်ႉယဝ်ႉ။


ငိူၼ်ႈငဝ်ႈၶၢဝ်ႇ

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=မႄႈ_လႄႈ_ပီႈၼၢင်း_မႃႇရီႇယႃႇၶႄႇရီႇ_လႆႈတၢႆၵႂႃႇ_ၼႂ်းဝၼ်းလဵဝ်ၵၼ်&oldid=2349"