မိူင်းပူဝ်ႇလႅၼ်ႇ သိုဝ်ႉ ႁိူဝ်းမိၼ်တိုၵ်း Apache ဢမႄႇရိၵၢၼ်ႇ 96 လမ်း
ဝၼ်းပုတ်ႉ၊ ဢေႃးၵၢတ်ႉ 14၊ 2024
.svg)
မိူဝ်ႈဝၼ်းဢႃးတိတ်ႉၼၼ်ႉ မိူင်းပူဝ်ႇလႅၼ်ႇ လႆႈလူင်းလၢႆးမိုဝ်း တႃႇသိုဝ်ႉဢဝ် ႁိူဝ်းမိၼ် Apache 96 လမ်း တီႈၶွမ်ႇပၼီႇ ဢမႄႇရိၵၢၼ်ႇ Boeing ၼႆယဝ်ႉ။ တႄႇၸဵမ်မိူဝ်ႈ ရတ်ႈသျႃး ၶဝ်ႈတိုၵ်း မိူင်းႁိမ်းႁွမ်း မိူင်းယူႇၶရဵၼ်း မိူဝ်ႈပီ 2022 ၼၼ်ႉ မိူင်းပူဝ်ႇလႅၼ်ႇ လႆႈသႂ်ႇႁႅင်း တႃႇတေ ႁဵတ်းႁႂ်ႈ တပ်ႉသိုၵ်းမၼ်း ၶိုတ်းၵၢပ်ႈၶိုတ်းပၢၼ် ၼႆယဝ်ႉ။
ၽွင်းလူင်ၽၢႆႇၵႅတ်ႇၵင်ႈ Wladyslaw Kosiniak-Kamysz လၢတ်ႈတီႈၽူႈသိုဝ်ႇၶၢဝ်ႇၶဝ် တီႈတပ်ႉၵၢင်ႁၢဝ် Inowroclaw ဢၼ်တေဝႆႉႁိူဝ်းမိၼ်တိုၵ်း Apache ၼၼ်ႉဝႃႈ ဝၼ်းမိူဝ်ႈၼႆႉ ပဵၼ်ဝၼ်းဢၼ်လမ်ႇလွင်ႈ ၼႂ်းၵၢၼ်ပၼ်ၵွင်ႈၵၢင်ႇ ၽၢႆႇသိုၵ်းၼႆယဝ်ႉ။ ႁွင်ႈၵၢၼ်ၽၢႆႇၼွၵ်ႈမိူင်း လႄႈ လုမ်းတႅၼ်းၽွင်း မိူင်းဢမႄႇရိၵၢၼ်ႇၶဝ် လႆႈမၵ်းမၼ်ႈ တႃႇတေၶၢႆ ႁိူဝ်းမိၼ် Apache မိူဝ်ႈပီၵၢႆၼၼ်ႉယဝ်ႉ။ ဢၼ်ၼႆႉ ပဵၼ်ၶေႃႈတူၵ်းလူင်း ဢၼ်လိုၼ်းသုတ်း ၼႂ်းၶေႃႈတူၵ်းလူင်း ဢၼ်မိူင်းပူဝ်ႇလႅၼ်ႇ လႄႈ မိူင်းဢမႄႇရိၵၢၼ်ႇ လူင်းလၢႆးမိုဝ်းၵၼ် ၼႂ်းၶၢဝ်းတၢင်း လၢႆဝၼ်းၼၼ်ႉယဝ်ႉ။
မိူဝ်ႈဝၼ်းသုၵ်းၼၼ်ႉ မိူင်းပူဝ်ႇလႅၼ်ႇ ပိုၼ်ၽၢဝ်ႇဝႃႈ တေသိုဝ်ႉဢဝ် မၢၵ်ႇၼူၾႆး AIM-120C AMRAAM ၼပ်ႉႁူဝ်ပၢၵ်ႇလဝ်းၼႆယဝ်ႉ။ မိူဝ်ႈဝၼ်းၸၼ်ၼၼ်ႉ လႆႈပိုၼ်ၽၢဝ်ႇ ၶေႃႈၵိၼ်ၵႅၼ်ႇ တႃႇတေႁဵတ်းဢွၵ်ႇ ၶဵင်ႇမၢၵ်ႇၼူၾႆး Patriot ဢၼ်ဢမႄႇရိၵၢၼ်ႇၶဝ် ဢွၵ်ႇၽႅၼ်သၢင်ႈဝႆႉ တႃႇ 48 လဝ်းၼႆယဝ်ႉ။ ငိုၼ်းၸႂ်ႉၸၢႆႇ ၽၢႆႇၵႅတ်ႇၵင်ႈ မိူင်းပူဝ်ႇလႅၼ်ႇၼႆႉ ၼႂ်းပီၼႆႉ လႆႈၶိုၼ်ႈထိုင် 4 ဝၢၵ်ႈလိူဝ်လိူဝ် ၶွင် ငိုၼ်းၸႂ်ႉၸၢႆၸိုင်ႈမိူင်းယဝ်ႉ။
ငိူၼ်ႈငဝ်ႈၶၢဝ်ႇ
[မႄးထတ်း | မႄးထတ်းငဝ်ႈငႃႇ]- Reuters. "Poland buys 96 Apache helicopters from U.S." — Reuters, August 13, 2024
- Agence France-Presse. "Poland signs $10 billion deal for US Apache attack helicopters" — VOA News, August 13, 2024
- Jaroslaw Adamowski. "Poland buys 96 Apache helicopters to boost attack capabilities" — Defense News, August 13, 2024
- Warsaw (AFP). "Poland signs $10 bn deal for US Apache attack helicopters" — france24, August 13, 2024
