Jump to content

ပၢႆႇတႅၼ်ႇ ပၼ်ဢၼုၺၢတ်ႈ ႁႂ်ႈယူႇၶရဵၼ်း ၸႂ်ႉတိုဝ်း မၢၵ်ႇၼူၾႆး ဢၼ်ယိုဝ်းလႆႈၵႆ ဢၼ်ၵၢၼ်ႇပၼ်ဝႆႉ

ထႅမ်သႂ်ႇ လိင်ႉၶ်
လုၵ်ႉတီႈ ဝီႇၶီႇၶၢဝ်ႇ မႃး

ဝၼ်းၸၼ်၊ ၼူဝ်ႇဝႅမ်ႇပႃႇ 18၊ 2024

ပၢႆႇတႅၼ်ႇ လႄႈ ၸႄလႅၼ်းသၵီး

ၽူႈမီးပုၼ်ႈၽွၼ်း ဢမႄႇရိၵၢၼ်ႇ လႄႈ ၵူၼ်းသၢမ်ၵေႃႉ ဢၼ်ႁူႉၸၵ်း လွင်ႈၼႆႉလၢတ်ႈဝႃႈ ယွၼ်ႉပိူဝ်ႈ ရတ်ႈသျႃး လႆႈဢဝ်ၵူၼ်းသိုၵ်းၵူဝ်းရီးယႃးႁွင်ႇ ၶဝ်ႈတိုၵ်းၼႂ်း ပၢင်တိုၵ်းလႄႈ ၸွမ်ပွင်ၸိုင်ႈ ၵျူဝ်းပၢႆႇတႅၼ်ႇ ၸင်ႇလႆႈပၼ်ဢၼုၺၢတ်ႈ ႁႂ်ႈယူႇၶရဵၼ်း ၸႂ်ႉတိုဝ်း မၢၵ်ႇၼူၾႆး ဢမႄႇရိၵၢၼ်ႇ ပၼ်ဝႆႉၼၼ်ႉသေ ယိုဝ်းသႂ်ႇ ၼႂ်းမိူင်းရတ်ႈသျႃး လိုၵ်ႉလိုၵ်ႉလမ်ႇလမ်ႇ ၼႆယဝ်ႉ။

ၶေႃႈတႅပ်းတတ်း ဢၼ်ပၼ်ၶႂၢင်ႉ ၶိပ်ႉၾ် ၸႂ်ႉတိုဝ်း Army Tactical Missile System ဢမ်ႇၼၼ် ATACMs တႃႇတိုၵ်းတေႃး ၼႂ်းမိူင်းရတ်ႈသျႃး ၵႆၵႆၼၼ်ႉ ပဵၼ်ယွၼ်ႉ ၸွမ်ပွင်ၸိုင်ႈ ပူႇတိၼ်ႇ ဢဝ်သိုၵ်းၵၢဝ်းလီႁွင်ႇ ဝႆႉၸွမ်းလႅၼ်လိၼ် ပွတ်းႁွင်ႇ မိူင်းယူႇၶရဵၼ်း တႃႇၶတ်းၸႂ် ၶိုၼ်းဢဝ်ၶိုၼ်း ၼႃႈလိၼ် ဢၼ်တပ်ႉသိုၵ်း မိူင်းယူႇၶရဵၼ်း ယိုတ်းဢဝ် ၼပ်ႉႁူဝ်ပၢၵ်ႇလၵ်းၼၼ်ႉယဝ်ႉ။

လွင်ႈဢၼ် Biden ႁဵတ်းၸိူင်ႉၼႆၼႆႉ ပဵၼ်ဝၢႆးသေ တေႃႇၼႄႇထရမ်ႉ ဢွင်ႇပေႉ ပၢင်လိူၵ်ႈတင်ႈ ၸွမ်ပွင်ၸိုင်ႈ ဢၼ်လၢတ်ႈဝႃႈ တေႁဵတ်းႁႂ်ႈ ပၢင်တိုၵ်း ယဝ်ႉတူဝ်ႈၵႂႃႇ ဝႆးဝႆးၼႆသေ ႁဵတ်းႁႂ်ႈ ဢမ်ႇတႅတ်ႈၼႅတ်ႈ လွင်ႈဝႃႈ လူင်ပွင်ၸိုင်ႈမၼ်း တေသိုပ်ႇ ၵမ်ႉၸွႆႈ ၵၢၼ်သိုၵ်း ဢၼ်လမ်ႇလွင်ႈ တႃႇ မိူင်းယူႇၶရဵၼ်းၼၼ်ႉယူႇႁိုဝ် ၼႆယဝ်ႉ။

ၽူႈမီးပုၼ်ႈၽွၼ်း လႄႈ ၵူၼ်းၸိူဝ်းႁူႉလွင်ႈၼႆႉ ဢမ်ႇလႆႈဢၼုၺၢတ်ႈ တႃႇတေဢုပ်ႇဢူဝ်း ၶေႃႈတႅပ်းတတ်း ဢမႄႇရိၵၢၼ်ႇ ၽၢႆႇၼႃႈၵူၼ်းတင်းၼမ်သေ လၢတ်ႈဝႃႈ ဢမ်ႇၶႂ်ႈဢွၵ်ႇၸိုဝ်ႈ။

လွင်ႈဢၼ် ၸွမ်ပွင်ၸိုင်ႈ ယူႇၶရဵၼ်း ဝေႃႇလေႃႇတီးမႃးရ် ၸႄးလႅၼ်းသၵီး ႁဵတ်းသၢင်ႈ မိူဝ်ႈဝၼ်းဢႃးတိတ်ႉၼၼ်ႉ လႆႈယင်ႉၵိုတ်းၵႂႃႇ လီလီယူႇ။

မိူဝ်ႈမၼ်းလၢတ်ႈၵႂၢမ်း ၼႂ်းဝီးတီးဢူဝ်း ၵၢင်ၶမ်ႈၼၼ်ႉ မၼ်းလၢတ်ႈဝႃႈ “လွင်ႈတိုၵ်းတေႃးၼႆႉ ဢမ်ႇၸႂ်ႈဝႃႈ ဢဝ်ၵႂၢမ်းလၢတ်ႈ“ ၊ “လွင်ႈၸိူင်ႉၼႆ ဢမ်ႇပိုၼ်ၽၢဝ်ႇ၊ မၢၵ်ႇၼူၾႆးၸိူဝ်းၼၼ်ႉ တေလၢတ်ႈၼႄ လွင်ႈမၼ်းႁင်းမၼ်း” ၼႆယဝ်ႉ။


ငိူၼ်ႈငဝ်ႈၶၢဝ်ႇ

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=ပၢႆႇတႅၼ်ႇ_ပၼ်ဢၼုၺၢတ်ႈ_ႁႂ်ႈယူႇၶရဵၼ်း_ၸႂ်ႉတိုဝ်း_မၢၵ်ႇၼူၾႆး_ဢၼ်ယိုဝ်းလႆႈၵႆ_ဢၼ်ၵၢၼ်ႇပၼ်ဝႆႉ&oldid=9996"