ပၢင်ႁိမ်သူး မၢၵ်ႇၼင်ႇယူးရူပ်ႉ 2024 တႄႇတီႈ ၵျႃႇမၼီႇ
ဝၼ်းသဝ်၊ ၸုၼ်ႇ 15၊ 2024
.svg)
ပွႆးမၢၵ်ႇၼင် သူးယူးရူပ်ႉ ယူႇရူဝ်ႇ 2024 ၼႆႉ လႆႈတႄႇ မိူဝ်ႈ ၸုၼ်ႇ 14 တီႈ မိူင်းၵျႃႇမၼီႇ ၼၼ်ႉသေ ပွႆးလဵၼ်ႈ ဢွၼ်တၢင်းသုတ်းတႄႉ ပဵၼ် ၸဝ်ႈႁိူၼ်း ၵျႃႇမၼီႇ လႄႈ ၸုမ်းသၵွတ်ႉတလႅၼ်ႇ ယဝ်ႉ။ ပွႆးလဵၼ်ႈ ဢၼ်တေပိတ်ႉတီႈ ပၢင်ႇလဵၼ်ႈ မိဝ်းၼိတ်ႉ (Munich) ၼၼ်ႉလႄႈ ၵူၼ်းပၼ်ႁႅင်းသၵွတ်ႉတလႅၼ်ႇၶဝ်ၵေႃႈ ႁွတ်ႈၽႅဝ်မႃးတီႈ ဝဵင်းမိဝ်းၼိတ်ႉယဝ်ႉ။ ဢၼ်ပဵၼ် ၸဝ်ႈႁိူၼ်း ၵျႃႇမၼီႇ ၼၼ်ႉတႄႉ မိူဝ်ႈ ပၢင်ပွႆးမၢၵ်ႇၼင်ႇလူၵ်ႈ ပီ 2018 လႄႈ 2022 ၼၼ်ႉ လႆႈဢွၵ်ႇတီႈ ၸၼ်ႉၸုမ်းမႃးၵူၺ်း မိူဝ်ႈပီပူၼ်ႉမႃးၼၼ်ႉၵေႃး ၼႂ်းၵႃႈ ပွႆး 11 ပွႆးၼၼ်ႉ ၵူၺ်းပႄႉမႃး 3 ပွႆးၵူၺ်းလႄႈ တႃႇၵမ်းၼႆႉတႄႉ ၵူၼ်းပၼ်ႁႅင်းၵျႃႇမၼီႇၶဝ် မုင်ႈမွင်း တႃႇပဵၼ် ၶျႅၼ်ႇပီႇယႅၼ်ႇ ယူႇဝႃႈၼႆယဝ်ႉ။
ၼင်ႇႁိုဝ် တေၶိုၼ်ႈႁွတ်ႈလႆႈတီႈ ပၢင်ႁိမ်သၼ်းၶျႅၼ်ႇပီႇယႅၼ်ႇလိုၼ်းသုတ်း ဢၼ်တေ ႁဵတ်းတီႈ ပၢင်ႇပႃႇလိၼ်ႇ တီႈ လိူၼ်ႇၸုၼ်ႇ 14 ၼၼ်ႉ ၸုမ်း 24 ၸုမ်းၼႆႉ တေလႆႈလဵၼ်တႄႉတႄႉဝႃႈဝႃႈ ၼႂ်းၵႃႈ ၶၢဝ်းတၢင်း 31 ဝၼ်းၼႆႉယဝ်ႉ။ မိူင်းၵျႃႇမၼီႇၼႆႉ လႆႈႁဵတ်းပဵၼ် ၸဝ်ႈႁိူၼ်း ပွႆးမၢၵ်ႇၼင်လူၵ်ႈ ပီ 2006 ၼၼ်ႉ ပဵၼ်ပွၵ်ႈလိုၼ်ႈသုတ်းမႃးသေ ဢၼ်ပဵၼ် ပွႆးလူင်ၵူႈမိူင်းမိူင်းၼႆႉ တိုၵ်ႉႁႃၶိုၼ်းႁဵတ်းပဵၼ် ၸဝ်ႈႁိူၼ်းထႅင်ႈယၢမ်းလဵဝ်ယဝ်ႉ။ ပွႆးမၢၵ်ႇၼင်ၼႆႉ တေႁဵတ်းၵႂႃႇတီႈ ဝဵင်းသိပ်းသဵင်း ဢိၵ်ႇတင်း တီႈ ဝဵင်း Berlin (ပႃႇလိၼ်ႇ)၊ Cologne (ၵူဝ်ႇလ်လူင်း)၊ Munich (မိဝ်းၼိတ်ႉ)၊ Frankfurt (ၾရႅၼ်ၶိူတ်ႇ)၊ Hamburg (ႁမ်းပၢၵ်ႉ)၊ Dortmund (တွတ်ႉမုၼ်ႇ) ၸိူဝ်းၼႆႉယဝ်ႉဝႃႈၼႆ။ ဝၼ်းမိူဝ်ႈၼႆႉတႄႉ ၸိူဝ်းပဵၼ် ၸုမ်း ႁၢင်ႇၵေႇရီႇ လႄႈ သဝိတ်ႉၸႃႇလႅၼ်ႇ၊ သပဵၼ်ႇ လႄႈ ၶရူဝ်ႇဢေးသျႃး၊ ဢီႇတႃႇလီႇ လႄႈ ဢႃႇပႃးၼီးယႃး ၸိူဝ်းၼႆႉ တေလဵၼ်ႈၵႂႃႇယဝ်ႉ။
ငိူၼ်ႈငဝ်ႈတိုၼ်း
[မႄးထတ်း | မႄးထတ်းငဝ်ႈငႃႇ]- Emlyn Begley. "Germany fans dreaming after 'perfect night'" — BBC News, JUNE 14, 2024
- VOA News. "ဂျာမနီမှာကျင်းပမယ့် ၂၀၂၄ ဥရောပဖလားလုပွဲ" — VOA News, JUNE 14, 2024
