Jump to content

ပၢင်လိူၵ်ႈတင်ႈ ဢီးယူႇပႃႇလီႇမႅၼ်ႇ ဢၼ်တေႁိုင်သီႇဝၼ်းၼၼ်ႉ တႄႇတီႈ ၼႄႇတႃႇလႅၼ်ႇ

ထႅမ်သႂ်ႇ လိင်ႉၶ်
လုၵ်ႉတီႈ ဝီႇၶီႇၶၢဝ်ႇ မႃး

ဝၼ်းသုၵ်း၊ ၸုၼ်ႇ 7၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=ၸုမ်းၽွမ်ႉႁူမ်ႈ ယူးရူပ်ႉ notcategory=disputed notcategory=no publish namespace=Main addfirstcategorydate=true count=5 </dynamicpagelist>

ဢွင်ႈတီႈ ၸုမ်းၽွမ်ႉႁူမ်ႈ ယူးရူပ်ႉ
ႁူမ်ႈသၢင်ႈ!
ၵၢၼ်သူၼ်းတုမ် ပၢင်လိူၵ်ႈတင်ႈ ဢီးယူႇပႃႇလီႇမႅၼ်ႇ (ၶႅပ်းႁၢင်ႈၵဝ်ႇ)

ပၢင်လိူၵ်ႈတင်ႈ ပႃႇလီႇမႅၼ်ႇယူးရူပ်ႉ ဢၼ်တေၸတ်းႁဵတ်း ႁိုင် သီႇဝၼ်း တီႈၼႂ်းၵႄႈ မိူင်းၶဝ်ႈၸုမ်း ၸုမ်းၽွမ်ႉႁူမ်ႈ ယူးရူပ်ႉၼၼ်ႉ လႆႈတႄႇတီႈ မိူင်းၼႄႇတႃႇလႅၼ်ႈ လိူၼ်ၸုၼ်ႇ 6 ၼၼ်ႉယဝ်ႉ။ မိူင်းၶဝ်ႈၸုမ်းၵမ်ႉပႃႈၼမ်တႄႉ တေတႄႇႁဵတ်း ဝၼ်းတိတ်ႉတေမႃးၼၼ်ႉသေ ဝၼ်းသုၵ်းတႄႉ တေႁဵတ်းၵႂႃႇတီႈ ဢၢႆႇယႃႇလႅၼ်ႇ၊ ၶျႅၵ်ႉ၊ ဝၼ်းသဝ်မႃးတႄႉ တေႁဵတ်းတီႈ မေႃးတႃႇ၊ သလူဝ်ႇဝႃးၵီးယႃး လႄႈ တီႈမိူင်းလၢတ်ႈဝီႇယႃႇ ၸိူဝ်းၼႆႉယဝ်ႉ။

ၽူႈၼပ်ႉတိုဝ်း ဝႃႇတပႅၼ်ပႄႈမိုဝ်းၶႂႃ တီႈၼႄႇတႃႇလႅၼ်ႇ လႆႈတိုၵ်းသူၼ်း ၵူၼ်းတေပၼ်ၶႅပ်းၵၢင်ၸႂ်ၶဝ်ဝႃႈ ႁႂ်းဝႆႉၼၵ်းၼိူဝ်လွင်ႈတႃႇႁဵတ်းသၢင်ႈႁုတ်ႉႁႅင်းၼိူဝ် လိူင်ႈၵူၼ်းၶဝ်ႈၵူၼ်းဢွၵ်ႇမိူင်းၼႆယဝ်ႉ။ ၽူႈဢွၼ်ႁူဝ် ပႃႇတီႇလွတ်ႈလႅဝ်းပႅၼ်ပႄႈမိုဝ်းၶႂႃ PVV တီႈၼႄႇတႃႇလႅၼ်ႇ ဢၼ်ပဵၼ် Geert Wilders ဝႃႈတႄႉ ၶႂ်ႈႁႂ်ႈယွၼ်ႇယွမ်း လွင်ႈၶႂၢင်းပၼ် ၵူၼ်းၼွၵ်ႈမိူင်း ႁႂ်ႈၶဝ်ႈမႃးၼႂ်းမိူင်း၊ ၵဵဝ်ႇၵပ်းလူၺ်ႈ ပေႃႇလသီႇ လႄႈ ၵူတ်းမၢႆ ဢၼ်ပၼ်သုၼ်ႇသေႃႉႁူမ်ႈၸိူဝ်းၼႆႉ ၶႂ်ႈႁႂ်ႈမၼ်း ႁုတ်ႉႁႅင်းလိူဝ်ၼႆႉ ဝႃႈၼႆယဝ်ႉ။

လိူင်ႈပိူင်လူင် တီႈ ပၢင်လိူၵ်ႈတင်ႈဢၼ်ၼႆႉတႄႉ တေပဵၼ် လိူင်ႈပၢႆးႁူမ်ႇလူမ်ႈ လိုမ်ယူးရူပ်ႉ၊ ၵၢၼ်ထတ်းသဵၼ်ႈမၢႆၵူၼ်းၶဝ်ႈၵူၼ်းဢွၵ်ႇမိူင်း၊ ၵၢၼ်ပၢႆးၸၢၵ်ႈ လႄႈ လွင်ႈၶဵင်ႇတႃႉၵၢၼ်မိူင်းၸိူဝ်းၼႆႉသေ တွၼ်ႈတႃႇ ပႃႇလီႇမႅၼ်ႇယူးရူပ်ႉမႂ်ႇ ဢၼ်တေမႃးၼၼ်ႉၵေႃႈ ၸိူဝ်းၼႆႉၼႆႉ မၼ်းတေပဵၼ် လွင်ႈၶဵင်ႇတႃႉ ပိူင်လူင်ယဝ်ႉ။

ၸွမ်းလူၺ်ႈ ၵၢၼ်ၵဵပ်းသဵၼ်ႈမၢႆတူၺ်းတႄႉ ၸိူဝ်းပဵၼ် ၽူႈၼပ်ႉတိုဝ်းဝႃႇတပႅၼ်ပႄႈမိုဝ်းၶႂႃၼႆႉ ၼႂ်းၵႃႈ ဢွင်ႈတီႈတႅၼ်းၽွင်းပႃႇလီႇမႅၼ်ႇယူးရူပ်ႉ 720 တီႈၼၼ်ႉ လႅပ်ႈတေဢွင်ႇပႄႉလႆႈယူႇ သီႇပုၼ်ႈ ၼိုင်ႈပုၼ်ႈ ဝႃႈၼႆယဝ်ႉ။

Ursula von der Leyen ဢၼ်ပဵၼ် ၽူႈၼမ်းၵေႃႇမသျိၼ်ႇယူးရူပ်ႉ ယၢမ်းလဵဝ်ၼၼ်ႉၵေႃႈ မၼ်းတေၶဝ်ႈၶႄႉၶဵင်ႇ တီးပၢင်လိူၵ်ႈတင်ႈၼႆႉ ပဵၼ်ပွၵ်ႈၵမ်းသွင်သေ၊ တွၼ်ႈတႃႇ တေမၵ်းမၼ်ႈလႆႈ ၵူတ်းမၢႆၼႆႉ မၼ်းၼၢင်းလႆႈပိုတ်ႇၽၵ်းတူဝႆႉ တႃႇပႃႇတီႇမၼ်း တေႁူမ်ႈႁွမ်းႁဵတ်းၵၢၼ်ၸွမ်း ၽူႈၼပ်ႉတိုဝ်းဝႃႇတပႅၼ်ပႄႈမိုဝ်းၶႂႃယူႇ ဝႃႈၼႆယဝ်ႉ။


ငိူၼ်ႈငဝ်ႈတိုၼ်း

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=ပၢင်လိူၵ်ႈတင်ႈ_ဢီးယူႇပႃႇလီႇမႅၼ်ႇ_ဢၼ်တေႁိုင်သီႇဝၼ်းၼၼ်ႉ_တႄႇတီႈ_ၼႄႇတႃႇလႅၼ်ႇ&oldid=1914"