တပ်ႉသိုၵ်းဢိတ်ႇသရေး ႁႄႉႁၢမ်ႈလႆႈ လွင်ႈတိုၵ်းတေႃးဢီႇရၢၼ်း ႁူဝ်ပၢၵ်ႇ 99
ဝၼ်းၸၼ်၊ ဢေႇပရႄႇ 15၊ 2024
_with_disputed_territories.svg)
ဢိတ်ႇသရေးၶဝ် လၢတ်ႈမိူဝ်ႈဝၼ်းဢႃးတိတ်ႉၼၼ်ႉဝႃႈ ၶဝ်ယိုဝ်းတူၵ်းလႆႈ တရုၼ်း လႄႈ မၢၵ်ႇမိသ်ႉသၢႆးလ် 320 ဢၼ်ဢီႇရၢၼ်းၶဝ် ပိုတ်းယိုဝ်းမႃးၼၼ်ႉၼႆယဝ်ႉ။ ဢဝ်တၢင်းၸွႆႈထႅမ် ဢမႄႇရိၵၢၼ်ႇ လႄႈ ၸုမ်းဢူၺ်းလီတၢင်ႇၸိူဝ်းသေ ႁႄႉႁၢမ်ႈယိုဝ်းတူၵ်းလႆႈ ၶိူင်ႈလၢၵ်ႈၼၢၵ်ႈ ႁူဝ်ပၢၵ်ႇ 99 ဢၼ်ဢီႇရၢၼ်းၶဝ် ပိုတ်းယိုဝ်းမႃးၼၼ်ႉ ဝႃႈၼႆယဝ်ႉ။ ၸဝ်ႈႁၢၼ် တပ်ႉၵႅတ်ႇၵင်ႈဢိတ်ႇသရေး Peter Lerner မွၵ်ႇလၢတ်ႈ ႁွင်ႈၵၢၼ်ၶၢဝ်ႇ CNN ဝႃႈ လွင်ႈတိုၵ်းတေႃး ဢီႇရၢၼ်းၶဝ် ဢမ်ႇလႆႈဢွင်ႇမၢၼ်မႃးဝႃႈၼႆယဝ်ႉ။
Lerner လၢတ်ႈဝႃႈ ဢီႇရၢၼ်းၶဝ် လႆႈဝႆႉယိူင်းမၢႆတိုၵ်းတေႃး တပ်ႉပၢင်သဝ်း ဢၼ်ယိူင်းတိုၵ်းတေႃး လုမ်းၽွင်းတၢင်ဢွၼ်ႇဢီႇရၢၼ်း တီႈ ဝဵင်းလူင်တမၢသ်ႉၵၢသ်ႉ၊ မိူင်းသီးရီးယႃး မိူဝ်ႈ ဢေႇပရႄႇ 1 ဝၼ်းၼၼ်ႉယဝ်ႉ။ တီႈလွင်ႈတိုၵ်းတေႃး လုမ်းၽွင်းတၢင်ဢွၼ်ႇၼၼ်ႉ ၸဝ်ႈသိုၵ်းလူင်ဢီႇရၢၼ်း 2 ၵေႃႉ လႆႈတၢႆၵႂႃႇ။ ၼႂ်းၶိူင်ႈလၢၵ်ႈၼၢၵ်ႈ ဢၼ်ဢီႇရၢၼ်းၶဝ် ပိုတ်းယိုဝ်းမႃးၼၼ်ႉ ၶဝ်ႈပႃးဝႆႉ တရုၼ်းဢၼ်ၸၢင်ႈတႅၵ်ႇ 170၊ မၢၵ်ႇမိသ်ႉသၢႆးလ် ဢၼ်ယူႇတီႈၵႆ ၵုမ်း 120၊ မၢၵ်ႇၶရုသ် 30 သေ ၵမ်ႉၼမ်ၼႆႉ လုၵ်ႉတီႈၼႂ်း မိူင်းဢီႇရၢၼ်းမႃးၼႆ ၽူႈမီးသုၼ်ႇလၢတ်ႈ IDF ၸဝ်ႈႁၢၼ် Lerner မွၵ်ႇလၢတ်ႈဝႃႈၼၼ်ယဝ်ႉ။ မၢင်းၸိူဝ်းတႄႉၵေႃႈ ပဵၼ်ၸိူဝ်းဢၼ် ၸုမ်းၵေႃႇၵၢၼ်ႁၢႆႉဢီႇရၢၼ်း ဢၼ်မီးတီႈ မိူင်းယႄႇမိၼ်ႇ လႄႈ ဢီႇရၢတ်ႉ ၶဝ် ပိုတ်းယိုဝ်းမႃး ဝႃႈၼႆ။
ၽူႈပၼ်တၢင်းၶႂ်ႈၸႂ်ပၢႆးႁူမ်ႇလူမ်ႈၸိုင်ႈမိူင်း ႁိူၼ်းၵႅဝ်ႈၶၢဝ် ၸဝ်ႈၸွမ်ၸိုင်ႈဢမႄႇရိၵၢၼ်ႇ John Kirby လၢတ်ႈၸူး ႁွင်ႈၵၢၼ်ၶၢဝ်ႇ CNN ဝႃႈ ၶိူင်ႈလၢၵ်ႈၼၢၵ်ႈၵမ်ႉၼမ်ၼႆႉ ပဵၼ်ဢၼ် ဢီႇရၢၼ်းၶဝ် ပိုတ်းယိုဝ်းမႃးဝႃႈၼႆယဝ်ႉ။ မိူဝ်ႈဝၼ်းဢႃးတိတ်ႉၼၼ်ႉ ၽၢႆႇဢီႇရၢၼ်း လႆႈပၼ် ၽၢင်ႉ ဢိတ်ႇသရေး လႄႈ မိူင်းဢမႄႇရိၵၢၼ်ႇဝႃႈ သင်ၸိူဝ်ႉဝႃႈ ဢိတ်ႇသရေး ၶိုၼ်းတွပ်ႇတႅၼ်း လွင်ႈတိုၵ်းတေႃးဢၼ်ၼႆႉၸိုင် တေလႆႈထူပ်း လွင်ႈတွပ်ႇတႅၼ်း ဢၼ်ယႂ်ႇလိူဝ်ၼႆႉ ဝႃႈၼႆယဝ်ႉ။ ယွၼ်ႉဢိတ်ႇသရေး တုၵ်းယွၼ်းလႄႈ မိူဝ်ႈဝၼ်းဢႃးတိတ်ႉၼၼ်ႉ လႆႈႁွင်ႉပၢင်ၵုမ် တီႈ ၶွင်ႇသီႇပၢႆးႁူမ်ႇလူမ်ႈ ၸုမ်းၸၢတ်ႈၸိုင်ႈလုမ်ႈၾႃႉ ၼၼ်ႉယဝ်ႉ။ တီႈပၢင်ၵုမ်ၼၼ်ႉ ဢိတ်ႇသရေး လႄႈ ဢီႇရၢၼ်းၶဝ် လႅပ်ႈတေ မွၵ်ႇလၢတ်ႈၶေႃႈၵႂၢမ်းယူႇ။
ငိူၼ်ႈငဝ်ႈတိုၼ်း
[မႄးထတ်း | မႄးထတ်းငဝ်ႈငႃႇ]- Brad Lendon. "How Israel and allied defenses intercepted more than 300 Iranian missiles and drones" — CNN, April 14, 2024
- Niha Masih, Loveday Morris, Júlia Ledur, Samuel Granados လႄႈ Tim Meko. "Iron Dome, David’s Sling, Arrow: Israel’s air defense against Iran, explained" — The Washington Post, April 15, 2024
- Steve Herman လႄႈ Anita Powell. "US hails 'incredible military achievement' against Iranian attack on Israel" — VOA News, April 14, 2024
