Sanae Takaichi ပဵၼ်မႃး ၸွမ်ၽွင်းလူင် ၼၢင်းယိင်း ၵေႃႉဢွၼ်တၢင်းသုတ်း မိူင်းၵျႃႇပၢၼ်ႇ
ဝၼ်းပုတ်ႉ၊ ဢွၵ်ႇထူဝ်ႇပႃႇ 22၊ 2025
ဝၢႆးသေ သႃႇၼႄႇ တႃႇၵၢႆႇၶျီႇ ၽူႈဢွၼ်ႁူဝ် ပႃႇတီႇ Liberal Democratic Party (LDP) ဢၼ်ဢုပ်ႉပိူင်ႇမိူင်းၼၼ်ႉ လႆႈၶႅပ်းၵၢင်ၸႂ် ၼႂ်းသၽႃးတႂ်ႈ တႃႇလိူၵ်ႈၽူႈဢွၼ်ႁူဝ် မိူင်းၵျႃႇပၢၼ်ႇ ပွၵ်ႈဢွၼ်တၢင်းသုတ်းယဝ်ႉ မိူဝ်ႈဝၼ်းဢင်းၵၢၼ်း (21/10/2019) ၼၼ်ႉ လႆႈၸွမ်ၽွင်းလူင် ၼၢင်းယိင်း ပွၵ်ႈဢွၼ်တၢင်းသုတ်းယဝ်ႉ။
ၸွမ်ၽွင်းလူင် ၵျႃႇပၢၼ်ႇ ပွၵ်ႈၵမ်း 5 ၼႂ်းၶၢဝ်းတၢင်း ပီယၢဝ်းၶၢဝ်းႁိုင်ၼႆႉ တေဢွၼ်ႁူဝ် လူင်ပွင်ၸိုင်ႈ ဢၼ်ပဵၼ် ၵူၼ်းၸၢဝ်းၶိူဝ်းဢွၼ်ႇသေ တေမီးၶပ်းမၢႆဢၼ် ၸွမ်ပွင်ၸိုင်ႈ ဢမႄႇရိၵၢၼ်ႇ တေႃႇၼႄႇထရမ်ႉ တေမႃးဢႅဝ်ႇလႄႇ ၼႂ်းဝူင်ႈၼႃႈၼၼ်ႉယဝ်ႉ။
ဝၢႆးသေ မၼ်းၼၢင်း လႆႈၶႅပ်းၵၢင်ၸႂ် ဢၼ်ဢမ်ႇထၢင်ႇသေ လႆႈၶႅပ်းၵၢင်ၸႂ် ဢၼ်ဢေႇဢေႇ တီႈပၢင်လိူၵ်ႈတင်ႈ ပွၵ်ႈဢွၼ်တၢင်းသုတ်းၼၼ်ႉယဝ်ႉ မိူဝ်ႈဝၼ်းဢင်းၵၢၼ်းၼၼ်ႉ သၽႃးတႂ်ႈ လႆႈတႅင်ႇတင်ႈ တႃႇၵၢႆႇၶျီႇ ၵေႃႉဢၼ် ၼပ်ႉယမ် Margaret Thatcher ၼၼ်ႉ ပဵၼ်ၸွမ်ၽွင်းလူင် ၼႆယဝ်ႉ။
မၼ်းၼၢင်း ဢၼ်မီး ဢႃႇယု 64 ပီၼၼ်ႉ ၸုၵ်းၵူမ်ႈႁူဝ်ၼပ်ႉယမ် ထိုင် ၽူႈတႅၼ်းၽွင်းၶဝ်ယူႇ လၢႆပွၵ်ႈလၢႆၽဝ်ႇ။
ၼႂ်းပၢင်လိူၵ်ႈတင်ႈ ပွၵ်ႈၵမ်းသွင် ဝၢႆးသေ တႃႇၵၢႆႇၸီႇ ဢမ်ႇလႆႈသဵင်ၼမ်သေတႃႉ သၽႃးၼိူဝ် ပၼ်သဵင် တႃႇမၼ်းၼၢင်းမႃးယဝ်ႉ။ တႃႇၵၢႆႇၸီႇ လႆႈႁပ်ႉပုၼ်ႈၽွၼ်း ပဵၼ်တၢင်းၵၢၼ် ဝၢႆးသေ ႁူပ်ႉထူပ်း ၸဝ်ႈႁေႃၶမ်း ၼႃႇရူဝ်ႇႁိတူဝ်ႇယဝ်ႉ။
ၽူႈဢၼ်ပဵၼ် မိုဝ်းၵွင် heavy metal ၵဝ်ႇၼၼ်ႉ မိူဝ်ႈဢွၵ်ႇထူဝ်ႇပႃႇ 4 ဝၼ်းၼၼ်ႉ ပဵၼ်မႃး ၽူႈၼမ်းၼႂ်း ပႃႇတီႇ LDP ဢၼ်ဢုပ်ႉပိူင်ႇ ဢမ်ႇၵိုတ်းဢမ်ႇလိုဝ်ႈ ၸမ်ၸမ် ၶၢဝ်းတၢင်းသိပ်းပီသေတႃႉ ဢမ်ႇမီးလွင်ႈၵမ်ႉထႅမ်သင်မႃးၼၼ်ႉယဝ်ႉ။
တႃႇတေႁဵတ်းပိုၼ်းၼၼ်ႉ ပဵၼ်လွင်ႈၶဵင်ႇတႃႉ ဢၼ်တႃႇၵၢႆႇၶျီႇ တေလႆႈႁူပ်ႉထူပ်းၼၼ်ႉ ဢွၼ်တၢင်းသုတ်း - ဢမ်ႇဢေႇလိူဝ် လွင်ႈတေလႆႈၵႄႈလိတ်ႈ ပၢႆးမၢၵ်ႈမီး ဢၼ်ဢမ်ႇၶိုၼ်ႈယႂ်ႇလႄႈ ငိုၼ်းၽုၺ်း လႄႈ တႃႇတေလႆႈၶိုၼ်း လွင်ႈယုမ်ႇယမ် ၽူႈပၼ်သဵင် ၸိူဝ်းဢၼ် ၸႂ်တူၵ်းၸႂ်ၵူဝ် လႄႈ ၸႂ်လမ်ၼၼ်ႉ ဢိၵ်ႇပႃး လွင်ႈႁပ်ႉႁွင်း ၸွမ်ပွင်ၸိုင်ႈ ထရမ်ႉ ၼႂ်းၶၢဝ်းတၢင်း ဝၼ်းဢၼ် မၼ်းလႆႈဢႃႇၼႃႇၼၼ်ႉယဝ်ႉ။
ငိူၼ်ႈငဝ်ႈၶၢဝ်ႇ
[မႄးထတ်း | မႄးထတ်းငဝ်ႈငႃႇ]- Shaimaa Khalil. "Japan's first female leader: A historic moment with caveats" — BBC News, October 22, 2025
- Justin McCurry. "Sanae Takaichi appoints just two women to cabinet after becoming Japan’s first female PM" — The Guardian, October 22, 2025
- Cna. "Sanae Takaichi wins parliamentary vote to become Japan's first female prime minister" — CNA, October 22, 2025
- Mariko Katsumura and Tim Kelly. "Takaichi elected Japan's premier, shattering glass ceiling with hard-right turn" — Reuters, October 22, 2025
