ႁူင်းႁဵၼ်းဢိၼ်ႇတူဝ်ႇၼီးသျႃး ၵူၼ်ႇပင်း ၵူၼ်းလူႉတၢႆ မီး 17 ၵေႃႉ တိုၵ်ႉႁၢႆလၢႆတင်းၼမ်
ဝၼ်းသဝ်၊ ဢွၵ်ႇထူဝ်ႇပႃႇ 4၊ 2025
ၽူႈမီးပုၼ်ႈၽွၼ်းၶဝ် လၢတ်ႈဝႃႈ မိူဝ်ႈဝၼ်းသဝ် (4/10/2019) ၼၼ်ႉ ၵူၼ်းတၢႆယွၼ်ႉ ႁူင်းႁဵၼ်း ဢိၼ်ႇတူဝ်ႇၼီးသျႃး ၵူၼ်ႇပင်းၼၼ်ႉ မီးမႃး 17 ၵေႃႉ ယွၼ်ႉဝႃႈ ၽူႈၸွႆႈထႅမ်ၶဝ် လႆႈၸႂ်ႉၶိူင်ႈၸၢၵ်ႈ ဢၼ်ၼၵ်းၼႃသေ ႁႃႁၼ် ၵူၼ်းၸိူဝ်းဢၼ် ယုမ်ႇယမ်ဝႃႈ တိုၵ်ႉၽင်ဝႆႉ တႂ်ႈၶူဝ်းၶွင် ဢၼ်လူႉလႅဝ်ၵႂႃႇၼၼ်ႉ ထႅင်ႈ ၼပ်ႉႁူဝ်သိပ်းၵေႃႉၼႆယဝ်ႉ။
ႁူင်းႁဵၼ်းၵိၼ်ယူႇ ဢၼ်မီးလၢႆၸၼ်ႉၼၼ်ႉ ပွတ်းၼိုင်ႈ ၵိုင်ႉၵၢင်ႉၵူၼ်ႇပင်းၵႂႃႇ မိူဝ်ႈဝၼ်းၸၼ်ၼၼ်ႉ ယွၼ်ႉလုၵ်ႈႁဵၼ်းၶဝ် မႃးၸုတုမ်ၵၼ် တႃႇတေႁဵတ်းၵၢၼ် ဝႆႈၽြႃး ဝၢႆးဝၼ်းၼၼ်ႉယဝ်ႉ။
မိူဝ်ႈဝၼ်းသဝ်ၼၼ်ႉ ၽူႈၸွႆႈထႅမ်ၶဝ် လႆႈႁၼ်တူဝ်တၢႆ 2 ၵေႃႉ လႄႈ ပွတ်းတွၼ်ႈတူဝ်တၢႆ ဢၼ်ၼိုင်ႈ ၼႂ်းလွင်ႈၵူၼ်ႇပင်းၼၼ်ႉသေ ၵူၼ်းတၢႆ မီးမႃး 17 ၵေႃႉ ၼႆ ၽူႈၵွၼ်းၵၢၼ် ၽၢႆႇၵူတ်ႇထတ်း ၸိူဝ်ႉၸၢတ်ႈ (Basarnas) ဢၼ်ပဵၼ် Yudhi Bramantyo ဢွၵ်ႇၶေႃႈပိုၼ်ၽၢဝ်ႇဝႆႉၼင်ႇၼႆ။
မိူဝ်ႈဝၼ်းသဝ်ၼၼ်ႉ ယူႇတီႇ လၢတ်ႈဝႃႈ “ၵၢၼ်ၶၢႆႉတီႈယူႇ တိုၵ်ႉသိုပ်ႇႁဵတ်းယူႇ။ ၶၢႆႉဢဝ်ၵႂႃႇဝႆႉတွၼ်ႈၽၢႆႇႁွင်ႇ ဢၼ်ဢမ်ႇႁူမ်ႈလေႃးၵၼ်တင်း ယူင်ႉသၢင်ႈလူင်ၼၼ်ႉ ဝႃႈၼႆယဝ်ႉ။
ၽူႈၵွၼ်း ႁွင်ႈၵၢၼ်သွၵ်ႈႁႃ လႄႈ ၵူတ်ႇထတ်း ၼႂ်းပိုၼ်ႉတီႈ Nanang Sigit ပိုၼ်ၽၢဝ်ႇ ႁင်းၶေႃသေ ယိုၼ်ယၼ် လွင်ႈၵူၼ်းတၢႆ ဢၼ်လႆႈႁူႉၸွမ်း ၸွမ်းၶိုတ်းၶၢဝ်းၼၼ်ႉ ၼႆယဝ်ႉ။
မိူဝ်ႈဝၼ်းသဝ် မိူဝ်ႈၸဝ်ႉၼၼ်ႉ ၸဝ်ႈၼႃႈတီႈၶဝ် လၢတ်ႈဝႃႈ မိူဝ်ႈဝၼ်းသုၵ်းၼၼ်ႉ လႆႈႁၼ်တူဝ်တၢႆ ၵူၼ်းတၢႆ 9 ၵေႃႉ ၼႆယဝ်ႉ။
ၽူႈၸွႆႈထႅမ်ၶဝ် တိုၵ်ႉသွၵ်ႈႁႃ ၵူၼ်းၸိူဝ်းတိုၵ်ႉႁၢႆလၢႆယူႇ 49 ၵေႃႉယူႇ ၼႆ ၽူႈၵွၼ်း ၸုမ်းၵမ်ႉၸွႆႈ ၽေးၶဵၼ် ၸိူဝ်ႉၸၢတ်ႈ သုႁႃႇရႅၼ်ႇတူဝ်ႇ လၢတ်ႈဝႆႉ မိူဝ်ႈဢွၼ်တၢင်း ၼႃႈပႆႇႁႃတူဝ်တၢႆ ၵူၼ်းတၢႆ ၵမ်းလိုၼ်းသုတ်းၼၼ်ႉ ၼႆယဝ်ႉ။
ၵူၼ်းၸိူဝ်းလႆႈတၢႆၵႂႃႇၼၼ်ႉ တေၸၢင်ႈႁၼ်လႆႈထႅင်ႈယူႇ ၼႆ သုႁႃႇရႅၼ်ႇ လၢတ်ႈဝႃႈ ယွၼ်ႉဝႃႈ ၵူၼ်းၸွႆႈထႅမ်ၶဝ် ဢဝ်ၶိူင်ႈၸၢၵ်ႈ ဢၼ်ၼၵ်းၼႃ မႃးၽဵဝ်ႈပႅတ်ႈ တီႈဢၼ် ၵူၼ်းၸိူဝ်းတၢႆၵႂႃႇၼၼ်ႉ ၸိူဝ်းဢၼ်လႆႈထုၵ်ႇၽင်ဝႆႉ တႂ်ႈၶူဝ်းၶွင် ဢၼ်လူႉလႅဝ်ၵႂႃႇၼၼ်ႉၼႆယဝ်ႉ။
ဝၢႆးသေ လႆႈႁၼ် ၵူၼ်းတၢႆ ၵမ်းလိုၼ်းသုတ်း မိူဝ်ႈၶမ်ႈဝႃးယဝ်ႉ ႁဝ်းၶႃႈ လႆႈဢဝ်ၸႂ်သႂ်ႇ တႃႇတေ ႁဵတ်းလွင်ႈမူတ်းသႂ် တင်းၼမ်သေ ၶိူင်ႈၸၢၵ်ႈ ဢၼ်ၼၵ်းၼႃ ၶဝ်ႈမႃး ၼႂ်းပိုၼ်ႉတီႈ ဢၼ်ၵူၼ်ႇပင်းၼၼ်ႉယူႇ” ဝႃႈၼႆယဝ်ႉ။
ႁူင်းႁဵၼ်းၵူၼ်ႇပင်း ႁၢဝ်ႈႁႅင်းၼႃႇလႄႈ ႁဵတ်းႁႂ်ႈ ႁိမ်းႁွမ်း ပေႃးသၼ်ႇဝႆၵႂႃႇၼႆ ၵူၼ်းမိူင်းလၢတ်ႈၼႄၼင်ႇၼႆ။
ၽူႈၵူတ်ႇထတ်းၶဝ် လႆႈၵူတ်ႇထတ်းတူၺ်း လွင်ႈတၢင်း ဢၼ်ႁဵတ်းႁႂ်ႈ ႁိူၼ်းၵူၼ်ႇပင်းၼၼ်ႉယူႇသေတႃႉ မိူဝ်ႈတႄႇမၼ်း လႆႈႁၼ် ႁၢင်ႈၽၢင် ဢၼ်ၵေႃႇသၢင်ႈ ဢမ်ႇၶိုတ်းၵၢပ်ႈ ၼႆ ၽူႈလူင်ႉလႅၼ်ႇၶဝ် လၢတ်ႈၼႄၼင်ႇၼႆ။
ၵၢၼ်ၵူတ်ႇထတ်းၼႆႉ မၼ်းသုၵ်ႉသၵ်ႉ ယွၼ်ႉဝႃႈ လွင်ႈသၼ်ႇဝႆ တီႈၼိုင်ႈၼၼ်ႉ ၸၢင်ႈတုမ်ႉတိူဝ်ႉ တၢင်ႇတီႈ ၼႆ ၽူႈမီးပုၼ်ႈၽွၼ်းၶဝ် လၢတ်ႈၼႄၼင်ႇၼႆ။
ၵူၺ်းၵႃႈ ဝၢႆးသေ “ၶၢဝ်းယၢမ်းၶမ်း” တႃႇ သုၼ်ႇလႆႈ တႃႇတေသိုပ်ႇမီး ဢသၢၵ်ႈ ဢၼ်လီသုတ်း 72 ၸူဝ်ႈမူင်းၼၼ်ႉ လႆႈယဝ်ႉတူဝ်ႈၵႂႃႇယဝ်ႉလႄႈ ၵူၼ်းႁိူၼ်းၵူၼ်းယေး ၵူၼ်းၸိူဝ်းႁၢႆလၢႆၵႂႃႇၼၼ်ႉ လႆႈၸႂ်ၵၼ် မိူဝ်ႈဝၼ်းၽတ်းၼၼ်ႉ တႃႇၸႂ်ႉတိုဝ်း ၶိူင်ႈၸၢၵ်ႈ ဢၼ်ၼၵ်းၼႃ ၼႆယဝ်ႉ။
ၵၢၼ်ၵူတ်ႇထတ်း လႆႈယၢပ်ႇၽိုတ်ႇ ယွၼ်ႉ ၽႅၼ်ႇလိၼ်ဝႆ မိူဝ်ႈၶမ်ႈဝႃးၼၼ်ႉသေ လႆႈၵိုတ်းယင်ႉ ၵၢၼ်သွၵ်ႈႁႃ ၸူဝ်ႈၵႅပ်ႉ။
ငိူၼ်ႈငဝ်ႈၶၢဝ်ႇ
[မႄးထတ်း | မႄးထတ်းငဝ်ႈငႃႇ]- Astudestra Ajengrastri and Yvette Tan. "Dozens feared dead in Indonesia school collapse, officials say" — BBC News, October 2, 2025
- France 24. "Death toll rises to 14 in Indonesia school collapse, dozens still missing" — FRANCE 24, October 4, 2025
- Mariamne Everett and News Agencies. "Death toll from Indonesia school collapse rises to 14 as more victims found" — Al Jazeera, October 4, 2025
- Cna. "Indonesia school collapse death toll rises to 17, dozens still missing" — CNA, October 4, 2025
