ၽွင်းလူင်ၵၢၼ်ၼွၵ်ႈမိူင်းၶႄႇ တိုၵ်းသူၼ်း ႁႂ်ႈဢွၼ်ၵၼ် ၽဵဝ်ႈမူၺ်ႉလွင်ႈလႅၼ်ၼိူဝ်ဢွၼ်ႇလၢႆး
ဝၼ်းသုၵ်း၊ ၸၼ်ႇဝႃႇရီႇ 17၊ 2025

ၽွင်းလူင်ၽၢႆႇၼွၵ်ႈမိူင်းၶႄႇ ဝၢင်းယီႈ တိုၵ်းသူၼ်း ၸိုင်ႈမိူင်းၽူႈၶဝ်ႈၸုမ်း ဢႃႇသီႇယၼ်ႇ ႁႂ်ႈၽဵဝ်ႈမူၺ်ႉ လွင်ႈတေႃႇလွင်း ၼိူဝ်ဢွၼ်ႇလၢႆး လႄႈ လွင်ႈလႅၼ်ငိုၼ်း ၼိူဝ်ဢွၼ်ႇလၢႆး ႁၢဝ်ႈႁႅင်းသေ ႁႂ်ႈမီးလွင်ႈဢဝ်ပုၼ်ႈၽွၼ်း လွင်ႈႁဵတ်းသၢင်ႈၶဝ် ၼႆယဝ်ႉ။ ယဝ်ႉၵေႃႈ ပၼ်တၢင်းႁၼ်ထိုင်ဝႃႈ ႁႂ်ႈၸုမ်းၸိုင်ႈမိူင်း ဢေးသျႃးၸဵင်ႇၸၢၼ်းဝၼ်းဢွၵ်ႇ (ဢႃႇသီႇယၼ်ႇ) ဢၼ်မီးလုၵ်ႈၸုမ်း 10 မိူင်း ဢၼ်ပႃး မိူင်းမၢၼ်ႈ လႄႈ မိူင်းထႆး ႁႂ်ႈမီးလွင်ႈႁူမ်ႈမိုဝ်းၵၼ် တင်း မိူင်းၶႄႇ ၼမ်လိူဝ်မႃးသေ ႁႂ်ႈၽဵဝ်ႈမူၺ်ႉ လွင်ႈၵေႃႇၵၢၼ်ႁၢႆႉ ၶၢမ်ႈလႅၼ်လိၼ် ပဵၼ်ပိူင်ယႂ်ႇ ဝႃႈၼႆယဝ်ႉ။
ၶေႃႈပိုၼ်ၽၢဝ်ႇ ထၢၼ်ၽွင်းလူင် ၵၢၼ်ၼွၵ်ႈမိူင်း မိူင်းၶႄႇ ဢၼ်ဢိင်ၼိူဝ် ၶေႃႈၵႂၢမ်း ၽွင်းလူင် ၵၢၼ်ၼွၵ်ႈမိူင်း ဝၢင်းယီႈ လၢတ်ႈဝႃႈ လွင်ႈတေႃႇလွင်း လႄႈ လွင်ႈလႅၼ်ငိုၼ်း ၸိူင်ႉၼႆၼႆႉ ပဵၼ်မႃး ၸွမ်းလႅၼ်လိၼ် မိူင်းထႆး-မိူင်းမၢၼ်ႈ တင်းၼမ်သေ တုမ်ႉတိူဝ်ႉ ၵူၼ်းမိူင်းၶႄႇ လႄႈ ၵူၼ်းမိူင်းတၢင်ႇၸိူဝ်း တင်းၼမ် ၼႆယဝ်ႉ။ မိူင်းၶႄႇၼႆႉ မီးဝႆႉၵၢင်ၸႂ် တွၼ်ႈတႃႇ လွင်ႈၶႂ်ႈႁဵတ်းၵၢၼ်ၸွမ်း ၸိုင်ႈမိူင်းဢႃႇသီႇယၼ်ႇ ႁႂ်ႈပဵၼ် တူင်ႇဝူင်း ဢၼ်လွတ်ႈၽေး ဢၼ်ၵူၼ်းမႃးဢႅဝ်ႇလႄႇ တေလႆႈၵႂႃႇမႃး လူၺ်ႈလွင်ႈယုမ်ႇယမ်ၵၼ်ၼၼ်ႉၼႆ မၼ်းလႆးလၢတ်ႈၽွင်းမိူဝ်ႈ ႁူပ်ႉထူပ်းၵၼ်တင်း ၽူႈတၢင်တူဝ် ၼႂ်းပိုၼ်ႉတီႈၼၼ်ႉယဝ်ႉ။
လွင်ႈဢၼ် တေႁဵတ်းႁႂ်ႈ လွင်ႈႁူမ်ႇလူမ်ႈ တိူဝ်းမႃးၼႆႉ ပဵၼ်ယွၼ်ႉ လူင်ပွင်ၸိုင်ႈ ၶႄႇ မႆႈၸႂ်ၸွမ်း လွင်ႈလွၵ်ႇငိူတ်ႈ လွင်ႈလႅၼ်ငိုၼ်း လႄႈ လွင်ႈၵႃႉၶၢႆၵူၼ်း ၼႂ်းပိုၼ်ႉတီႈ ဢေးသျႃး ၸဵင်ႇၸၢၼ်းဝၼ်းဢွၵ်ႇ ၼမ်မႃးၼၼ်ႉယဝ်ႉ။ ၵူၼ်းမႃးဢႅဝ်ႇလႄႇ မိူင်းၶႄႇ ဢၼ်ၸႂ်ႉၸၢႆႇငိုၼ်း ဢၢၼ်ႇႁူဝ်ႁဵင်လၢၼ်ႉတေႃႇလႃႇ ၼႂ်းပိုၼ်ႉတီႈ ၼိုင်ႈပီလႂ်ၼၼ်ႉ မိူဝ်ႈပႆႇမီး တၢင်းပဵၼ် Covid-19 ၼၼ်ႉ ပဵၼ်ငိူၼ်ႈငဝ်ႈငိုၼ်းၶဝ်ႈ ဢၼ်လမ်ႇလွင်ႈ တႃႇၸိုင်ႈမိူင်း ႁိမ်းႁွမ်း ဢႃႇသီႇယၼ်ႇၶဝ်ယူႇသေတႃႉ ယၢမ်းလဵဝ် ၶေႃႈပၼ်ၾၢင်ႉ ၵဵဝ်ႇလူၺ်ႈ ၽေးၶဵၼ် ဢၼ်တေၸၢင်ႈ ထုၵ်ႇၸုမ်းၵိူင်း လႅၼ်ငိုၼ်းၶဝ် လႅၼ်ၼၼ်ႉ ပဵၼ်လွင်ႈႁႄႉႁၢမ်ႈ တႃႇၵူၼ်းမႃးဢႅဝ်ႇလႄႇ ၸိူဝ်းမႃးဢႅဝ်ႇလႄႇၼၼ်ႉယဝ်ႉ။ မိူဝ်ႈပူၼ်ႉမႃးဢမ်ႇႁိုင်ၼႆႉ ၸၢႆးၸိူင်းၶႄႇ ဝၢင်သျိၼ်း ႁၢႆလၢႆၵႂႃႇ တီႈလႅၼ်လိၼ်ထႆး-မိူင်းမၢၼ်ႈသေ ၸဝ်ႈၼႃႈတီႈပလိၵ်ႈၶဝ် ပိုၼ်ၽၢဝ်ႇဝႃႈ လႆႈပဵၼ်တူဝ်ယိူဝ်ႇ ၺႃးၵူၼ်းၵႃႉၵူၼ်း ဝႃႈၼႆယဝ်ႉ။
မိူင်းထႆးၼႆႉ မိူဝ်ႈပီၵၢႆ ၸွႆႈထႅမ်ပၼ် လွင်ႈငၢႆႈလူမ်ၸႂ် တႃႇတေသူင်ႇၵူၼ်းမိူင်းၶႄႇ 900 ပၢႆ ဢၼ်ၶမ်ဝႆႉ ၼႂ်းသုၼ်ၵၢၼ်လႅၼ်ငိုၼ်း တီႈဝဵင်းမျႃႉဝတီႇၼၼ်ႉသေ မိူဝ်ႈပီ 2023 ၼၼ်ႉ မိူင်းမၢၼ်ႈ လႆႈမွပ်ႈပၼ် ၵူၼ်းထၢင်ႇထိူမ် လွင်ႈလႅၼ်ငိုၼ်း ၵၢၼ်ၵပ်းသိုပ်ႇ တႃႇ 31,000 ၵေႃႉ တီႈၶႄႇ ၼႆယဝ်ႉ။
ငိူၼ်ႈငဝ်ႈၶၢဝ်ႇ
[မႄးထတ်း | မႄးထတ်းငဝ်ႈငႃႇ]- Reuters. "China urges ASEAN states to fight cross-border crimes in show of new urgency" — Reuters, January 16, 2024
- Xinhua. "China to crack down on telecom fraud with ASEAN countries: FM" — Xinhua, January 16, 2024