ၸွမ်ၽွင်းလူင်ထႆး ၵႂႃႇဢႅဝ်ႇလႅၼ်လိၼ်ထႆး ၵမ်ႇပေႃးတီးယႃး

ဝၼ်းသုၵ်း၊ ၸုၼ်ႇ 20၊ 2025 

ၸွမ်ၽွင်းလူင် မိူင်းထႆး ၽႄႊထွင်ႊထၢၼ်ႊ သျိၼ်ႊၼဝတ်း (ၶႅပ်းႁၢင်ႈၵဝ်ႇ)

ၸွမ်ၶုၼ်ၽွင်းလူင်မိူင်းထႆး ၽႄထွင်ထၢၼ်ၼႆႉ ပိၵ်ႉသမ်ႉဝႃႈ လႆႈၶၢမ်မိပ်ႇ တႃႇတေထွၼ်တူဝ်ဢွၵ်ႇ ၼႃႈၵၢၼ်ၶုၼ်ဝႃႈၼႆသေတ လိူၼ်ၸုၼ်ႇ 20 ၶၢဝ်းယၢမ်း ၵၢင်ဝၼ်းမိူဝ်ႈၼႆႉ မၼ်းၼၢင်းႁွတ်ႈၵႂႃႇထိုင် လႅၼ်လိၼ်ထႆး-ၵမ်ႇပူးၶျႃး ဢူႇပုၼ်းရၢတ်ႉၶျႃးထႃးၼီး ထၢၼ်ၵုမ်းၵမ်ၼႃႈတီႈ မၢႆ 2 ယူႇယဝ်ႉ။

ၵႅမ်ၸွမ်သိုၵ်းလူင် ၽူႈတူၵ်းပုၼ်ႈၽွၼ်းတီႈၼၼ်ႈ မႃးႁပ်ႉတွၼ်ႈ ၸွမ်ၽွင်းလူင်ထႆးသေ ဢၼ်မၼ်းၼၢင်းၽႅဝ်မႃးၼႆႉ ၼႄပၼ်လွင်ႈဝႃႈ လူင်ပွင်ၸိုင်ႈ လႄႈ တပ်ႉသိုၵ်း မီႈလွင်ႈၽွမ်ႈႁူမ်ႈၶွတ်ႇၽၼ်ႈၵၼ်သေဢမ်ႇၵႃး မႃးပၼ်ႁႅင်းပႃး ၽူႈၶဝ်ႈၸုမ်း တပ်ႉသိုၵ်းထႆးယဝ်ႉ။

မၼ်းၼၢင်းလၢတ်ႈဝႃႈ လွင်ႈဢၼ်လႆႈလၢတ်ႈၽူၼ်းငူပ်ႉငိတေႃႇ ၸွမ်ၽွင်းလူင် ၵမ်ႇပေႃးတီးယႃးၼၼ်ႉပဵၼ်လွၵ်းလၢႆး တႃၶုၼ်တိတ်းတေႃႇၵၼ်ၼႆသေ ၵႅမ်ၶုၼ်သိုၵ်းလူင်ၽၢႆႇထႆး ဢၼ်တူၵ်းပုၼ်ႈၽွၼ်းတီႈၼၼ်ႈၵေႃႈတွပ်ႇဝႃႈ ၵပ်းၵၢႆႇလူၺ်ႈလႅၼ်လိၼ် ဢမ်ႇမီးပၼ်ႁႃသင် မီႈလွင်ႈပွင်ၸႂ် ၼိူဝ်သၢႆငၢႆတေႃႇၵၼ်ယူႇၼႆ သိုဝ်ႇၶၢဝ်ႇ သိုၵ်းထႆးဢွၵ်ႇမႃးၼင်ႇၼႆယဝ်ႉ။

လွင်ႈဢၼ် ၸွမ်ၽွင်းလူင်ထႆး လၢတ်ႈတေႃႇ ၸွမ်ၽွင်းလူင် ၵမ်ႇပေႃးတီးယႃးၼၼ်ႉ မၢင်ၸိူဝ်းႁၼ်ထိုင်ဝႃႈ မၼ်းၼၢင်းႁႅင်ႉယေႃႉယွၼ်ႇယွမ်းတေႃႇပိူၼ်ႈၼႃႇၼႆသေ ဢမ်ႇႁၢၼ်ႉၸႂ်လႄႈ တုၵ်းယွၼ်း ႁႂ်ႈမၼ်းထွႆတူဝ်ဢွၵ်ႇၼႆယူႇ။ ၽူႈဢွၼ်ႁူဝ်ၵဝ်ႇ ၸုမ်းသိူဝ်ႈလႅင် ပရုၼ်းပၼ်း တိုၵ်းသူၼ်ဝႆႉဝႃႈ ပေႃးထိုင်မႃး လိူၼ်ၸုၼ်ႇ 28 ဝၼ်း တေဢွၼ်ၵၼ်ၼႄၵၢင်ၸႂ် တီႈဢၼုသႃႇဝရီး မိူင်းၵွၵ်ႇ တေတုၵ်းယွၼ်းႁႂ်ႈ ၸွမ်ၽွင်းလူင်ယၢမ်းလဵဝ် ထွၼ်တူဝ်ဢွၵ်ႇၼႆယဝ်ႉ။

ငိူၼ်ႈငဝ်ႈၶၢဝ်ႇ

• Koh Ewe. "Thai PM faces calls to quit after leaked phone call" — BBC News, JUNE 19, 2025
• Panarat Thepgumpanat and Panu Wongcha-um. "Embattled Thai PM faces call to step down to avert coalition revolt" — Reuters, JUNE 20, 2025
• AP News. "Thai prime minister visits border with Cambodia after leaked conversation triggers resignation calls" — AP News, JUNE 20, 2025
• Bangkok Post. "Army commander tells PM to 'support national interest' in border dispute" — Bangkok Post, JUNE 20, 2025