ၸွမ်ၽွင်းလူင်ထႆး ထုၵ်ႇလုမ်းတြႃးထွၼ်တူဝ်ဢွၵ်ႇ ႁဵတ်းႁႂ်ႈပဵၼ်လွင်ႈၶဵင်ႈၶႅင်ဢႃႇၼႃႇ
ဝၼ်းသုၵ်း၊ ဢေႃးၵၢတ်ႉ 29၊ 2025
.jpg)
လုမ်းတြႃး ပိူင်ငဝ်ႈပိုင်းမိူင်း မိူင်းထႆး လႆႈထွၼ်တူဝ်ဢွၵ်ႇ ၸွမ်ၽွင်းလူင် ၽႄႊထွင်ႊထၢၼ်ႊ သျိၼ်ႊၼဝတ်း ယွၼ်ႉမၼ်းပူၼ်ႉပႅၼ် လွင်ႈတိုဝ်းၵမ် လႄႈ ပဵၼ်လွင်ႈ ဢၼ် ႁဵတ်းႁႂ်ႈ ၶိူဝ်းၶုၼ်ၵၢၼ်မိူင်း သျိၼ်ႊၼဝတ်း တူၵ်းသုမ်း ထႅင်ႈ ဢၼ်ႁဵတ်းႁႂ်ႈ လွင်ႈတူၵ်းလူင်း ဢၼ်ယိူင်းဢၢၼ်း တႃႇတေ ၽိူမ်ႉထႅမ် လွင်ႈပဝ်ႇၼၼ်ႉ ၼႆယဝ်ႉ။
ၸွမ်ၽွင်းလူင် ဢၼ်ဢႃႇယု လဵၵ်ႉသုတ်း ၼႂ်းမိူင်းထႆးၼၼ်ႉ ပဵၼ်မႃး ၸွမ်ၽွင်းလူင် ၵေႃႉထူၼ်ႈ 6 ဢၼ်လုၵ်ႉတီႈ ဢမ်ႇၼၼ် ဢၼ်လႆႈႁပ်ႉတၢင်းၸွႆႈထႅမ် တီႈ ၵူၼ်းႁိူၼ်း ၵူၼ်းမၢၵ်ႈမီး သျိၼ်ႊၼဝတ်း ဢၼ်လႆႈထုၵ်ႇ တပ်ႉသိုၵ်း ဢမ်ႇၼၼ် ၾၢႆႇတႅပ်းတတ်းတြႃး ထွၼ်ဢွၵ်ႇ ၼႂ်းပၢင်တိုၵ်း ဢႃႇၼႃႇ ဢၼ်ပဵၼ်မႃး ၼႂ်းၵႄႈ ၵူၼ်းၸၼ်ႉသုင် ဢၼ်တိုၵ်းၵၼ် ၼႂ်းမိူင်းထႆး ဢၼ်သုၵ်ႉသၵ်ႉယုင်ႈယၢင်ႈမႃး ၶၢဝ်းတၢင်း သွင်ႁူဝ်သိပ်းပီၼၼ်ႉယဝ်ႉ။
ၶေႃႈတႅပ်းတတ်းၼႆႉ ပိုတ်ႇပၼ်တၢင်း တႃႇတေလိူၵ်ႈတင်ႈ ၸွမ်ၽွင်းလူင်မႂ်ႇ ၼႂ်းသၽႃး ဢၼ်တေၸၢင်ႈ ၸၼ်ဢွၵ်ႇမႃးလႆႈၼၼ်ႉသေ ပႃႇတီႇၽိူဝ်ႉထႆး ဢၼ်ၽႄႊထွင်ႊထၢၼ်ႊ ၽွင်းငမ်းၼၼ်ႉ လႆႈသုမ်းဢႃႇၼႃႇ ဢုပ်ႇဢူဝ်းၵၼ်သေ တေလႆႈႁူပ်ႉထူပ်း လွင်ႈၶဵင်ႇတႃႉ တႃႇတေ ၵမ်ႉထႅမ် ၸုမ်းဢူၺ်းလီ ဢၼ်ဢမ်ႇၵႅၼ်ႇၶႅင် ဢၼ်မီး ၽူႈတႅၼ်းၽွင်း ဢၼ်ဢေႇၼၼ်ႉယဝ်ႉ။
လုမ်းတြႃး လၢတ်ႈဝႃႈ ၽႄႊထွင်ႊထၢၼ်ႊ ပူၼ်ႉပႅၼ် လွင်ႈတိုဝ်းၵမ် ၼႂ်းၶေႃႈၾူၼ်း ဢၼ်ဢွၵ်ႇမႃး မိူဝ်ႈလိူၼ်ၵျူႇလၢႆႇၼၼ်ႉသေ ၽွင်းၼၼ်ႉ မၼ်းၼၢင်း လႆႈၼႄတူဝ် မၼ်းၼၢင်း မိူၼ်ၼင်ႇၵူဝ်ႁႄ ၽူႈဢွၼ်ႁူဝ်ၵဝ်ႇ ဢၼ်မီးဢႃႇၼႃႇ မိူင်းၵမ်ႇပေႃးတီးယႃး ႁုၼ်ႇသႅၼ်ႇ - တေႃႇထိုင် မိူဝ်ႈပူၼ်ႉမႃး ဢမ်ႇႁိုင်ၼႆႉ ဢၼ်ပဵၼ် ဢူၺ်းလီ ၸမ်ၸႂ် ၼႃႈႁိူၼ်း သျိၼ်ႊၼဝတ်း၊ မိူဝ်ႈသွင်မိူင်း မီးလွင်ႈၶဵင်ႈၶႅင်ၵၼ်ႁႅင်းၼၼ်ႉယဝ်ႉ။ ဝၢႆးၼၼ်ႉ ပၢင်တိုၵ်း ပဵၼ်မႃး ႁိုဝ်ၶၢဝ်းတၢင်း 5 ဝၼ်း။
ငိူၼ်ႈငဝ်ႈၶၢဝ်ႇ
[မႄးထတ်း | မႄးထတ်းငဝ်ႈငႃႇ]- BBC News. "Ex-Thai PM accepts court verdict after being removed from office over leaked phone call" — BBC News, AUGUST 29, 2025
- Helen Regan and Kocha Olarn. "Thailand’s prime minister removed from office over leaked phone call scandal with Cambodian strongman" — CNN, AUGUST 29, 2025
- Panarat Thepgumpanat and Chayut Setboonsarng. "Thai prime minister removed by court, triggering power scramble" — Reuters, AUGUST 29, 2025
- Vijitra Duangdee and Zaheena Rasheed. "Thai court removes Prime Minister Paetongtarn Shinawatra from office" — Al Jazeera, AUGUST 29, 2025
