ၸွမ်ပွင်ၸိုင်ႈ Madagascar ပၢႆႈဢွၵ်ႇမိူင်း ဝၢႆးသေ ၵူၼ်းသိုၵ်းၶဝ် ၶဝ်ႈႁူမ်ႈလုၵ်ႉၽိုၼ်ႉ
ဝၼ်းၸၼ်၊ ဢွၵ်ႇထူဝ်ႇပႃႇ 13၊ 2025
ဝၢႆးသေ လႆႈတူၵ်းလူင်းၵၼ်တင်း ၸွမ်ပွင်ၸိုင်ႈ Emmanuel Macronယဝ်ႉ ၸွမ်ပွင်ၸိုင်ႈ မိူင်းမၢတ်ႈတႃႇၵၢတ်ႈသၵႃႇ ဢႅၼ်ႇတရီႇ ရႃႇၸူဝ်ႇလီႇၼႃႇ လႆႈထုၵ်ႇ ဢဝ်ႁိူဝ်းမိၼ် သိုၵ်းၾရၢင်ႇသဵတ်ႈ ဢွၵ်ႇမိူင်းဢႃႇၾရိၵယဝ်ႉလႄႈ ဢမ်ႇယုမ်ႇယမ်ဝႃႈ မၼ်းတေမီးၼႂ်းမိူင်းၼၼ်ႉယဝ်ႉ ၼႆယဝ်ႉ။
ဝၢႆးသေ တပ်ႉသိုၵ်းလမ်ႇလွင်ႈ ဢၼ်ႁူမ်ႈၸွမ်း ၵူၼ်းၼုမ်ႇ ၼပ်ႉႁူဝ်ႁဵင် ဢၼ်ၼႄၵၢင်ၸႂ် သၢၼ်ၶတ်း လွင်ႈၵိၼ်ငိုၼ်း လႄႈ လွင်ႈယၢပ်ႇၽိုတ်ႇသေ တုၵ်းယွၼ်း ႁႂ်ႈမၼ်းထွၼ်တူဝ်ဢွၵ်ႇၼၼ်ႉယဝ်ႉ ရႃႇၸူဝ်ႇလီႇၼႃႇ လႆႈပဵၼ်ႁင်းၶေႃ လိူဝ်ၵဝ်ႇမႃးယဝ်ႉ။
ၽူႈတၢင်လၢတ်ႈ ၸွမ်ပွင်ၸိုင်ႈ မိူင်းမၢတ်ႈတႃႇၵၢတ်ႈသၵႃႇ ၵေႃႉ႞တႄႉ ဢမ်ႇတွပ်ႇၶိုၼ်း ၶေႃႈထၢမ် ဢၼ်ယွၼ်းထၢမ် ၵဵဝ်ႇၵပ်း ၶေႃႈမုၼ်း RFI ၼၼ်ႉၵမ်းလဵဝ်။
လွင်ႈၼႄၵၢင်ၸႂ် တီႈမိူင်းၵူဝ်ႇလူဝ်ႇၼီႇ ၾရၢင်ႇသဵတ်ႈ ၵဝ်ႇၼၼ်ႉ ပဵၼ်မႃး မိူဝ်ႈသႅပ်ႇထႅမ်ႇပႃႇ 25 ဝၼ်း ယွၼ်ႉ ၼမ်ႉလႄႈ ၾႆးၾႃႉ ဢမ်ႇတဵမ်ထူၼ်ႈသေတႃႉ လႆႈပဵၼ်မႃး လွင်ႈလုၵ်ႉၽိုၼ်ႉဝႆးဝႆး ယွၼ်ႉ လွင်ႈၼႄၵၢင်ၸႂ် ဢၼ်တိူဝ်းၵႂၢင်ႈၶႂၢင်လိူဝ် ဢိၵ်ႇပႃး လွင်ႈၽွင်းငမ်း ဢမ်ႇလီ လႄႈ လွင်ႈဢမ်ႇမီး လွင်ႈၸွႆႈသၢင်ႈ ပိုၼ်ႉထၢၼ် ၸိူဝ်းၼႆႉယဝ်ႉ။
တႃႇတေၶဵင်ႇတႃႉ ရႃႇၸူဝ်ႇလီႇၼႃႇထႅင်ႈၼၼ်ႉ ၽူႈတႅၼ်းၽွင်း ၽၢႆႇသၢၼ်ၶတ်း ၼႂ်းသၽႃးၸိူဝ်ႉၸၢတ်ႈ မိူင်းမၢတ်ႈတႃႇၵၢတ်ႈသၵႃႇ တေတႄႇဢဝ်လိူင်ႈ မၼ်းၼႆ ၽူႈဢွၼ်ႁူဝ် ၽၢႆႇသၢၼ်ၶတ်း သီႇတႅၼ်ႇၼီႇ ရႅၼ်ႇတရီႇယႃႇၼႃႇသူဝ်ႇလီႇယႃႇ လၢတ်ႈတီႈ သိုဝ်ႇၶၢဝ်ႇ Reuters မိူဝ်ႈဝၼ်းၸၼ်ၼၼ်ႉယဝ်ႉ။
မိူဝ်ႈဝၼ်းဢႃးတိတ်ႉၼၼ်ႉ ရႃႇၸူဝ်ႇလီႇၼႃႇ ပၼ်ၾၢင်ႉဝႃႈ တေၶတ်းၸႂ် ယိုတ်းဢဝ် ဢႃႇၼႃႇ တီႈၸိူဝ်ႉၸၢတ်ႈ ၵုၼ် ဢၼ်မီးတီႈ ၽင်ႇပၢင်ႇလၢႆႇ ဢႃးၽရိၵ ပွတ်းၸၢၼ်းၼၼ်ႉ ဝၢႆးသေ ၸုမ်း CAPSAT ဢၼ်ပဵၼ် ၸုမ်းၵတ်ႉၶႅၼ်ႇ ဢၼ်ၸွႆႈထႅမ် မၼ်း ယိုတ်းဢႃႇၼႃႇ မိူဝ်ႈပီ 2009 ၼၼ်ႉ လႆႈၸွမ်းလင် လွင်ႈၵူၼ်းၼုမ်ႇၶဝ် ၼႄၵၢင်ၸႂ် ၶၢဝ်းတၢင်းသွင်ဝူင်ႈလိူဝ်ၼၼ်ႉယဝ်ႉ။
ငိူၼ်ႈငဝ်ႈၶၢဝ်ႇ
[မႄးထတ်း | မႄးထတ်းငဝ်ႈငႃႇ]- The Times. "Madagascar’s president ‘flees country’ after soldiers join revolt" — The Times, October 13, 2025
- Lovasoa Rabary and Tim Cocks. "Madagascar's president has left the country after Gen Z protests, officials say" — Reuters, October 13, 2025
- Reuters. "Madagascar's President Has Left the Country After Gen Z Protests, Officials Say" — US News, October 13, 2025
- Kamlesh Bhuckory. "Madagascar President Leaves Country After Protests, RFI Says" — Bloomberg, October 13, 2025
