ၸုမ်းပၢႆးပၺ်ႇၺႃႇ ပရိယတ်တိသၻ်ꩪမ်မပႃလ ၵႅၼ်ႇၸဝ်ႈ ႁဵတ်းၶေႃႈထၢမ် ၸွမ်းၼင်ႇ ပီၵၢၼ်ႁဵၼ်း 2025-2026

ဝၼ်းၸၼ်၊ တီႇသႅမ်ႇပႃႇ 22၊ 2025

ၸွမ်းၼင်ႇ ပီၵၢၼ်ႁဵၼ်း 2025-2026ၼၼ်ႉ တႃႇတေတွပ်ႇလိၵ်ႈၸိုင် ၸုမ်းပၢႆးပၺ်ႇၺႃႇ ငဝ်ႈငုၼ်းမုၵ်ႉၸုမ်းလူင်သင်ႇၶၸိုင်ႈတႆး လႆႈဢွၵ်ႇလိၵ်ႈၽိတ်ႈပၢင်း သင်ႇၶၸဝ်ႈတႃႇတေမႃး ႁဵတ်းဢွၵ်ႇၶေႃႈထၢမ်ၼၼ်ႉလႄႈ ဝၼ်းထိ (10.12.2025) သင်ႇၶၸိူဝ်းတေ ႁဵတ်းဢွၵ်ႇၶေႃႈထၢမ် ဢွၼ်ၵၼ် ၽႅဝ်မႃး တမ်ႈတီႈ ၸၼ်ႉၸွမ်ပုတ်ႉထမိူင်းတႆး ဝဵင်းတူၼ်ႈတီးယဝ်ႉ။ ဝၼ်းမႃးႁဵတ်းဢွၵ်ႇ ၶေႃႈထၢမ်တႄႉ ပဵၼ် (11.12.2025) တေႃႇထိုင် (22.12.2025)ယဝ်ႉ။ လႆႈႁူမ်ႈၵၼ် ၸႅၵ်ႇၽႄဝိၶျႃးၽႂ်မၼ်း၊ လႆႈႁဵတ်းဢွၵ်ႇ ၶေႃႈထၢမ် ဢိၵ်ႈၶေႃႈတွပ်ႇ (1) တႃႇတွပ်ႇၸၢမ်း (2) တႃႇတွပ်ႇတႄႉ (3) တႃႇတွပ်ႇသွမ်ႉယဝ်ႉ။ (တွပ်ႇသွမ်ႉၼၼ်ႉ ပဵၼ်သုၼ်ႇလီ တႃႇလုၵ်ႈႁဵတ်း ဢၼ်တူၵ်းၼၼ်ႉ ၶိုၼ်းလႆႈမႄးတွပ်ႇၶိုၼ်းၼၼ်ႉယဝ်ႉ)

ၸိူဝ်းမႃးႁဵတ်းဢွၵ်ႇၶေႃႈထၢမ်ၼၼ်ႉ ၶဝ်ႈပႃး သင်ႇၶၸဝ်ႈ 170 တူၼ်၊ ၸဝ်ႈၶၢဝ် 5 ၸဝ်ႈ၊ ၸၢႆး 4 ၵေႃႉ၊ ယိင်း 16 ၵေႃႉ ႁူမ်ႈၵၼ်တင်းသဵင်ႈ 195 ၸဝ်ႈ/ၵေႃႉ။ လုၵ်ႈႁဵၼ်း ဢၼ်တေၶဝ်ႈတွပ်ႇ မိူဝ်ႈလဵဝ်ၵၼ် ပတ်းပိုၼ်ႉၼၼ်ႉ သဵၼ်ႈမၢႆမၼ်း မီးဝႆႉမွၵ်ႈ 17,600 လိူဝ်သေ လႆႈႁဵတ်းဢွၵ်ႇပၼ် ၶေႃးထၢမ် ၸၼ်ႉလႂ်ၸၼ်ႉၼၼ်ႉ ၵိုၵ်းလူၺ်ႈဝိၶျႃး (ၽႃႇသႃႇ) ၸိူင်ႉၼင်ႇတီႈတႂ်ႈၼႆႉယူႇယဝ်ႉ။ (ၼႂ်းလုၵ်ႈႁဵၼ်း 17,600)လိူဝ်ၼၼ်ႉ ၶဝ်ႈပႃး ၸဝ်ႈၸၢင်း၊ ၸဝ်ႈသၢင်ႇ၊ ၸဝ်ႈၶၢဝ်၊ လုၵ်ႈႁဵၼ်းၸၢႆး/ယိင်း)

KG-ၸၼ်ႉဢွၼ်
1. ဝိၼယ+ၵိႁိဝိၼယ၊ 2. သုတ်ႉတၢၼ်ႇ၊ 3. ပၢႆးၼပ်ႉ၊ 4. လိၵ်ႈတႅမ်ႈၶူၼ်ႉၶႆႈ။

ၸၼ်ႉငဝ်ႈ ပီၼိုင်ႈ/ပီသွင်
1. ဝိၼယ။ 2. သုတ်ႉတၢၼ်ႇ။ 3. လိၵ်ႈတႆး။ 4. English။ 5. ပၢႆးၼပ်ႉ။ 6. မြန်မာစာ။ 7. လိၵ်ႈတႅမ်ႈၶူၼ်ႉၶႆႈ။

ၸၼ်ႉငဝ်ႈ ပီသၢမ်
1. ဝိၼယ။ 2. သုတ်ႉတၢၼ်ႇ။ 3. လိၵ်ႈတႆး။ 4. English။ 5. ပၢႆးၼပ်ႉ။ 6. မြန်မာစာ။ 7. ပႃႇꩮိ။ 8. ဢꧤိꩪမ်။ 9. လိၵ်ႈတႅမ်ႈၶူၼ်ႉၶႆႈ။

ၸၼ်ၵၢင် ပီၼိုင်ႈ/ပီသွင်/ပီသၢမ်
1. ဝိၼယ။ 2. သုတ်ႉတၢၼ်ႇ။ 3. လိၵ်ႈတႆး။ 4. English။ 5. ပၢႆးၼပ်ႉ။ 6. ပၢႆးသၢႆႊ။ 7. မြန်မာစာ။ 8. ပႃႇꩮိ။ 9. ဢꧤိꩪမ်။ 10. လိၵ်ႈတႅမ်ႈၶူၼ်ႉၶႆႈ။ (ပၢႆးၼပ်ႉ လႄႈ ပၢႆးသၢႆႊ တွပ်ႇၸွမ်းၵၼ်ဝၼ်းလဵဝ်)

ၸၼ်ႉသုင် ပီၼိုင်ႈ
1. ဝိၼယ။ 2. သုတ်ႉတၢၼ်ႇ။ 3. လိၵ်ႈတႆး။ 4. English။ 5. ပၢႆးၼပ်ႉ။ 6. ပၢႆးသၢႆႊ။ 7. မြန်မာစာ။ 8. ပႃႇꩮိ။ 9. ဢꧤိꩪမ်။ 10. လိၵ်ႈတႅမ်ႈၶူၼ်ႉၶႆႈ။ 11. ပိုၼ်း။ (ပၢႆးၼပ်ႉ လႄႈ ပၢႆးသၢႆႊ တွပ်ႇၸွမ်းၵၼ်ဝၼ်းလဵဝ်)

ႁွင်ႈၼႄပၢႆးမွၼ်း

ၶႅပ်းႁၢင်ႈမၢႆတွင်း ၸုမ်းပၢႆးပၺ်ႇၺႃႇ ပရိယတ်တိသၻ်ꩪမ်မပႃလ ၵႅၼ်ႇၸဝ်ႈ ႁဵတ်းၶေႃႈထၢမ် ၸွမ်းၼင်ႇ ပီၵၢၼ်ႁဵၼ်း 2025-2026

ငိူၼ်ႈငဝ်ႈၶၢဝ်ႇ

ဝီႇၶီႇၶၢဝ်ႇ

လိၵ်ႈႁွမ်တွမ် ၶၢဝ်ႇႁူဝ်ၼႆႉ ၼႆႉ ပဵၼ်ၵၢၼ်သိုဝ်ႇၶၢဝ်ႇ မိုဝ်းဢွၼ်တၢင်းသုတ်း လူၺ်ႈ ၽူႈၶဝ်ႈၸုမ်း ဝီႇၶီႇၶၢဝ်ႇၶႃႈဢေႃႈ။ တွၼ်ႈတႃႇ ႁူဝ်ယွႆႈမၼ်း တူၺ်းပၼ်တီႈ ၼႃႈလိၵ်ႈႁွမ်းမိုဝ်းၵၼ် ၼၼ်ႉလႄႈ။

ဝီႇၶီႇၶၢဝ်ႇ

လိၵ်ႈႁွမ်တွမ် ၶၢဝ်ႇႁူဝ်ၼႆႉ ၼႆႉ ပဵၼ် ၵၢၼ်သိုဝ်ႇၶၢဝ်ႇ မိုဝ်းဢွၼ်တၢင်းသုတ်း လူၺ်ႈ ၽူႈၶဝ်ႈၸုမ်း ဝီႇၶီႇၶၢဝ်ႇ။ တွၼ်ႈတႃႇ ႁူဝ်ယွႆႈမၼ်း တူၺ်းပၼ်တီႈ ၼႃႈလိၵ်ႈႁွမ်းမိုဝ်းၵၼ် ၼၼ်ႉလႄႈ။