ၸဝ်ႈၼၢင်းႁေႃၶမ်းသီႇရိၵိတ်ႉ ၼွၼ်းၽႄး

ဝၼ်းသဝ်၊ ဢွၵ်ႇထူဝ်ႇပႃႇ 25၊ 2025 

ႁၢင်ႈ ၸဝ်ႈၼၢင်းႁေႃၶမ်းသိရိၵိတ်ႉ မိူဝ်ႈပီ 1960

ၸဝ်ႈၼၢင်းႁေႃၶမ်း သီႇရိၵိတ်ႉ ဢၼ်ပဵၼ် ၸဝ်ႈမႄႈၶုၼ်ႁေႃၶမ်းထႆး လႆႈၼွၼ်းၽႄးၵႂႃႇ ၵတ်းၵတ်းယဵၼ်ယဵၼ် မိူဝ်ႈဝၼ်းသုၵ်း ယၢမ်းၵၢင်ၶမ်ႈ 9.21 မူင်း တီႈႁူင်းယႃ မၢႆတွင်း ၶုၼ်ႁေႃၶမ်း ၸူႇလႃႇလူင်းၵွၼ်း ၼႆ ၸုမ်းၶႂၢႆႇၶႃပႄလႅင် မိူင်းထႆး၊ ၸုမ်းပျူႇရူဝ်ႇႁိူၼ်းၶိူဝ်းၶုၼ် လႆႈပိုၼ်ၽၢဝ်ႇဝႆႉၼင်ႇၼႆ။

ပျူႇရူဝ်ႇၶဝ်လၢတ်ႈဝႃႈ ၸုမ်းမေႃယႃ ဢၼ်ပႂ်ႉတူၺ်း ယူတ်းယႃ ပၢႆးယူႇလီ ၸဝ်ႈၼၢင်းႁေႃၶမ်း တီႈႁူင်းယႃ ၸဵမ်မိူဝ်ႈ ဝၼ်းတီႈ 7/9/2019 ၼၼ်ႉ လႆႈႁၼ်ဝႃႈ မၼ်းၼၢင်း မီးတၢင်းပဵၼ်လၢႆလၢႆလွင်ႈ လႄႈ လွင်ႈဢမ်ႇၸႂ်ႈပၵတိ ၼႂ်းပိူင်ၵၢၼ်လၢႆလၢႆဢၼ် ဢၼ်လူဝ်ႇလႆႈ ယူတ်းယႃ ယူႇတႃႇသေႇ ၼႆယဝ်ႉ။

ၸွမ်းၼင်ႇမေႃယႃၶဝ် လၢတ်ႈၼၼ်ႉ မိူဝ်ႈဢွၵ်ႇထူဝ်ႇပႃႇ 17 ဝၼ်းၼၼ်ႉ ၸဝ်ႈၼၢင်းႁေႃၶမ်း ၸပ်းတၢင်းပဵၼ် ၼႂ်းလိူတ်ႈသေ ၶတ်းၸႂ်ယူတ်းယႃယူႇသေတႃႉ တၢင်းပဵၼ်မၼ်းၼၢင်း ႁၢႆႉၸႃႉမႃးလွႆးလွႆး။ မၼ်းၼၢင်း လႆႈၼွၼ်းၽႄးၵႂႃႇ ၵတ်းၵတ်းယဵၼ်ယဵၼ် မိူဝ်ႈဝၼ်းသုၵ်း ယၢမ်းၵၢင်ၶမ်ႈ 9.21 မူင်း ဢႃႇယု 93 ပီ။

ၸဝ်ႈမုၼ်ယႂ်ႇၶုၼ်ႁေႃၶမ်း မႁႃႇဝႃႇၸီႇရႃႇလူင်းၵွၼ်း ၸီႉသင်ႇႁႂ်ႈ လုမ်းပွင်ၵၢၼ် ၸတ်းႁဵတ်းပၢင်ၸႃႉ ၸဝ်ႈမႄႈ လူၺ်ႈ လွင်ႈယွင်ႈယေႃး သုင်သုတ်း ၸွမ်းၼင်ႇ ၾိင်ႈထုင်း ၶိူဝ်းၶုၼ် ၼႆယဝ်ႉ။ ၶၢပ်ႈတူဝ်မၼ်းၼၢင်း တေဢဝ်ၵႂႃႇဝႆႉတီႈ ႁူင်းႁေႃ ပလၢင်ႇ တူႇသိတ်ႉ မႁႃႇပရႃႇသတ်ႉ ၼႂ်းႁေႃလူင် ဝဵင်းၵဵင်းမႆႇၵုင်းထဵပ်ႈ ၼႆယဝ်ႉ။

ၸဝ်ႈမုၼ်ယႂ်ႇၶုၼ်ႁေႃၶမ်း လႆႈတႅပ်းတတ်းပၼ် ၶၢဝ်းယၢမ်း ဢၼ် မုင်ႉႁေႃႁိူၼ်းၶိူဝ်းၶုၼ် လႄႈ ၽူႈမီးပုၼ်ႈၽွၼ်း ၼႂ်းလုမ်းၶိူဝ်းၶုၼ် လႆႈမွင်ၸႂ်ၸွမ်း ၶၢဝ်းတၢင်း ၼိုင်ႈပီ တႄႇဢဝ် ဝၼ်းဢၼ် မၼ်းၼၢင်း လႆႈၼွၼ်းၽႄးၵႂႃႇၼၼ်ႉ ၼႆယဝ်ႉ။

ၸဝ်ႈၼၢင်းႁေႃၶမ်း မႄႈၸဝ်ႈၼၢင်းႁေႃၶမ်း ၵိူတ်ႇတီႈဝဵင်းၵုင်းထဵပ်ႈ မိူဝ်ႈဝၼ်းတီႈ 12/08/1932 ပဵၼ်လုၵ်ႈယိင်း ၸဝ်ႈၸၢႆး ၼၵ်ႉၶႃႇထရႃႇ မႃႇၵႃႇလႃႇ လႄႈ ML ပူဝ်ႇၵိတ်ႉတီႇယႃႇၵႃႇရႃႇ ၼႆယဝ်ႉ။

ၸဝ်ႈႁေႃၶမ်းထႆး ၽုမ်းမိၽူၼ်း ဢႃႇတုၼ်းယတဵတ်ႇ (ရႃႇမ ၵဝ်ႈ) ဢၼ်ဢုပ်ႉပိူင်ႇ တႄႇဢဝ် ပီႊ1946 တေႃႇထိုင် ပီ 2016 ၼၼ်ႉ လႆႈၵူပ်ႉၵူႈၵၼ်တင်း မၼ်းၼၢင်း တီႈၼွၵ်ႈမိူင်း။ ၶဝ်သွင်ၵေႃႉ လႆႈၵူပ်ႉၵူႈၵၼ် တီႈဝဵင်းၵုင်းထဵပ်ႈ မိူဝ်ႈဝၼ်းတီႈ 28/04/1950 သေ လႆႈႁပ်ႉၸုမ်ႈၶူး ၸဝ်ႈၼၢင်းႁေႃၶမ်း ၼႆယဝ်ႉ။ မၼ်းၼၢင်းလႆႈထုၵ်ႇယုၵ်ႉယွင်ႈပဵၼ်ၼၢင်းႁေႃၶမ်း မိူဝ်ႈဝၼ်းၶိုၼ်ႈႁေႃၶမ်း မိူဝ်ႈဝၼ်းထိ 5 လိူၼ် May ပီ 1950။

ၸဝ်ႈၼၢင်းႁေႃၶမ်း လႆႈထုၵ်ႇၼပ်ႉယမ် ယွၼ်ႉမၼ်းၼၢင်း လႆႈႁဵတ်းသၢင်ႈ ၵၢၼ်ၽွၼ်းလီ တႃႇၵူၼ်းမိူင်းထႆး ၸူဝ်ႈပၢၼ်မၼ်းၼၢင်း။ မၼ်းၼၢင်း လႆႈဢဝ်ၸႂ်သႂ်ႇ တႃႇပူၵ်းပွင် ဝၢၼ်ႈၼွၵ်ႈၼႃးပၢင်ႇ ႁႂ်ႈၼၢင်းယိင်း မီးဢႃႇၼႃႇ လႄႈ တႃႇထိင်းသိမ်း ပၢႆးမွၼ်း ၾိင်ႈထုင်းထႆး ၼႆယဝ်ႉ။

ငိူၼ်ႈငဝ်ႈၶၢဝ်ႇ

• Bangkok Post. "Queen Mother passes away" — Bangkok Post, October 24, 2025
• James Chater. "Thailand's former queen Sirikit dies aged 93" — BBC News, October 25, 2025
• The Nation. "Royal Household announces the passing of Her Majesty Queen Sirikit The Queen Mother" — The Nation, October 25, 2025
• The Straits Times. "Thailand’s former queen Sirikit dead at 93: Palace" — The Straits Times, October 25, 2025