ၵူၼ်းတင်းၼမ် မႃးတူၺ်း မီႇၽႅၼ်ႇတႃႇ တီႈသူၼ်သတ်း တူဝ်ႇၵျူဝ်ႇ မိူဝ်ႈပႆႇပွၵ်ႈၶိုၼ်းမိူင်းၶႄႇ

ဝၼ်းဢႃးတိတ်ႉ၊ ၸၼ်ႇဝႃႇရီႇ 25၊ 2026 

ၵူၼ်းတင်းၼမ် မႃးတူၺ်း မီႇၽႅၼ်ႇတႃႇ တီႈသူၼ်သတ်း တူဝ်ႇၵျူဝ်ႇ (ၶႅပ်းႁၢင်ႈၵဝ်ႇ)

ၽူႈသူင်သိူဝ်းႁၵ်ႉႁွမ် မီၽႅၼ်ႇတႃႇၶဝ် ဢွၼ်ၵၼ်ၵႂႃႇတီႈ သူၼ်သတ်း Ueno တီႈဝဵင်းတူဝ်ႇၵျူဝ်ႇ မိူဝ်ႈဝၼ်းဢႃးတိတ်ႉၼၼ်ႉသေ တႃႇၵႂႃႇသူင်ႇသင်ႇ မီၸိုဝ်ႈလိုဝ်းလင် ဢၼ်ၸၼ်ၸႂ် - ဢၼ်ပဵၼ် မီၽႅၼ်ႇတႃႇလူင် သွင်တူဝ် ဢၼ်တေသူင်ႇပွၵ်ႈမိူဝ်း မိူင်းၶႄႇ ၼႂ်းလိူၼ်သဵင်ႈၼၼ်ႉယဝ်ႉ။

လွင်ႈဢၼ် မီၽႃၽႄ သႅဝ်းသႅဝ်း လႄႈ လေႈလေႈ ဢႃႇယု 4 ၶူပ်ႇ ဢွၵ်ႇၵႂႃႇၼၼ်ႉ ႁဵတ်းႁႂ်ႈ မိူင်းၵျႃႇပၢၼ်ႇ ဢမ်ႇမီး မီၽႅၼ်ႇတႃႇ ပွၵ်ႈဢွၼ်တၢင်းသုတ်း ၸဵမ်မိူဝ်ႈ 1972 ၼၼ်ႉသေ ႁဵတ်းႁႂ်ႈ ၵူၼ်းၼပ်ႉႁူဝ်ႁဵင် ယွၼ်းဝႂ်ထီႇ ဢၼ်ပၼ်ဝႆႉ တႃႇတေ လၢတ်ႈၵႂၢမ်းသူင်ႇသင်ႇၼၼ်ႉယဝ်ႉ။

မႃႇၶျီႇၵူဝ်ႇ သႄႇၵီႇ ၵူၼ်းႁဵတ်းၵၢၼ် ၽၢႆႇငိုၼ်းတွင်း ဢႃႇယု 54 ပီ လၢတ်ႈဝႃႈ “ၶႃႈမႃးၸဵမ်မိူဝ်ႈ ပေႃႈမႄႈ သႅဝ်းသႅဝ်း လႄႈ လေႈလေႈ မႃးတီႈၼႆႈ။ "မၼ်းယိၼ်းမိူၼ်ၼင်ႇဝႃႈ ပိုၼ်းၶွင်ၼႃႈႁိူၼ်းဢၼ်ၼိုင်ႈ တေသုတ်းသဵင်ႈၵႂႃႇၼၼ်ႉယဝ်ႉ။"

လွင်ႈဢၼ်ၶဝ် တေၶၢႆႉၵႂႃႇယူႇတီႈမိူင်းၶႄႇၼၼ်ႉ လႆႈဝၢင်းၽႅၼ်ဝႆႉ ၶၢဝ်းတၢင်းႁိုင်ယဝ်ႉသေတႃႉ လွင်ႈဢၼ် ၽႅၼ်ႇတႃႇၶဝ် ဢမ်ႇမႃးၼၼ်ႉ လႆႈႁၼ်ဝႃႈ ပဵၼ်လွင်ႈဢၼ် လွင်ႈၵပ်းသိုပ်ႇ ၶႄႇ-ၵျႃႇပၢၼ်ႇ ႁၢႆႉၸႃႉမႃး ၼႂ်းၶၢဝ်းတၢင်း လၢႆလိူၼ်ပူၼ်ႉမႃးၼႆႉၼႆယဝ်ႉ။

မိူဝ်ႈလိူၼ်ၼူဝ်ႇဝႅမ်ႇပႃႇၼၼ်ႉ ၸွမ်ၽွင်းလူင် ၵျႃႇပၢၼ်ႇ Sanae Takaichi လၢတ်ႈဝႃႈ သင် မိူင်းၶႄႇ တိုၵ်းတေႃး မိူင်းထၢႆႇဝၢၼ်း ဢၼ်လႆႈထၢင်ႇထိူမ်ဝႆႉၼၼ်ႉ တေၸၢင်ႈႁဵတ်းႁႂ်ႈ ၵျႃႇပၢၼ်ႇ တုမ်ႉတွပ်ႇ လူၺ်ႈၵၢၼ်သိုၵ်း ၼႆယဝ်ႉ။ ဢၼ်ၼၼ်ႉ ႁဵတ်းႁႂ်ႈ ဝဵင်းပိူၺ်ႇၵျိင်း ဢၼ်လၢတ်ႈဝႃႈ မၼ်းမီးဢႃႇၼႃႇ ၼိူဝ်ၵုၼ်ဢၼ် ဢုပ်ႉပိူင်ႇ လူၺ်ႈလၢႆး တီႇမူဝ်ႇၶရေႇၸီႇၼၼ်ႉ တုမ်ႉတွပ်ႇႁၢဝ်ႈႁႅင်းမႃး။

လွင်ႈၶဵင်ႈၶႅင်ၵၢၼ်မိူင်းၼႆႉ ဢမ်ႇၸႂ်ႈလွင်ႈဢၼ် ၵူၼ်းၵႂႃႇလႄႇ တီႈသူၼ်သတ်းၶဝ် လႆႈပၵ်းၸႂ် မိူဝ်ႈဝၼ်းဢႃးတိတ်ႉၼၼ်ႉသေ ၵူၼ်းမႃးဢႅဝ်ႇလႄႇၶဝ် လႆႈပၼ်ၶႂၢင်ႉ တႃႇတေတူၺ်း မီၸိူဝ်းၼၼ်ႉ ၶၢဝ်းတၢင်း ၼိုင်ႈမိၼိတ်ႉၼၼ်ႉယဝ်ႉ။

သႅၵ်ႉၵီႇ လၢတ်ႈဝႃႈ “ၽႅၼ်ႇတႃႇၶဝ် ပၼ်ႁႅင်းၸႂ်ၵဝ်ၶႃႈတင်းၼမ်"၊ "ၶႃႈႁဝ်းၶ်ႂႈမႃးမိူဝ်ႈၼႆႉ တွၼ်ႈတႃႇတေမွၵ်ႇလၢတ်ႈလွင်ႈၶွပ်ႈၸ်ႂၶႃႈႁဝ်းၼၼ်ႉယဝ်ႉ။"

တေႃႈၵူၼ်းၸိူဝ်းဢမ်ႇလႆႈဝႂ်ၵေႃႈ လႆႈဢွၵ်ႇၶၢဝ်းတၢင်းမႃး။

ဢႃႇၵိၵူဝ်ႇ ၵႃႇဝႃႇၵႃႇမီႇ ဢႃႇယု 49 ပီ ဢၼ်ပဵၼ်မႄႈႁိူၼ်း လၢတ်ႈဝႃႈ “မိူဝ်ႈၼႆႉ ဢမ်ႇလႆႈဝႂ်ထီႇ တႃႇတူၺ်း ၽႅၼ်ႇတႃႇလႄႈ ဢမ်ႇၸၢင်ႈတူၺ်း ၽႅၼ်ႇတႃႇ လူၺ်ႈထူပ်းတူဝ်” ၼႆယဝ်ႉ။

“ၵဝ်ၶႃႈ မႃးတီႈၼႆႈ မိူဝ်ႈၼႆႉ ယွၼ်ႉဝႃႈ ၵဝ်ၶႃႈ ၶႂ်ႈထူၺ်ႈၸႂ် လူမ်းႁူမ်ႈၵၼ်တင်း ၽႅၼ်ႇတႃႇၶဝ်ၼၼ်ႉယဝ်ႉ။”

ငိူၼ်ႈငဝ်ႈၶၢဝ်ႇ

• Joseph Campbell. "Crowds flock to Tokyo zoo to see pandas before they leave for China" — Reuters, January 25, 2026
• MARI YAMAGUCHI and AYAKA MCGILL. "The last 2 pandas in Japan are leaving for China as ties are strained" — AP News, January 25, 2026
• Reuters. "Crowds flock to Tokyo zoo to see pandas before they leave for China" — The Economic Times, January 25, 2026