ၵမ်ႇပေႃးတီးယႃး တုၵ်းယွၼ်း ႁႂ်ႈ ICJ ၵႄႈလိတ်ႈ ပၼ်ႁႃလႅၼ်လိၼ်ၵိုၵ်းထႆး
ဝၼ်းၸၼ်၊ ၸုၼ်ႇ 16၊ 2025
လွင်ႈပၼ်ႁႃလႅၼ်လိၼ်ထႆးၵမ်ႇပူးၶျႃးၼၼ်ႉ ၽၢႆႇၵမ်ႇပူးၶျႃး တုၵ်းယွၼ်း ႁႂ်ႈလုမ်းတတ်းသိၼ်ၵူႈမိူင်းမိူင်း ICJ ၸွႆႈတႅပ်းတတ်းၵႄႈလိတ်ႈပၼ် ၼႆယဝ်ႉ။
ၽၢႆႇၵမ်ႇပူးၶျႃးၶဝ် လၢတ်ႈဝႃႈ ၶဝ်မီးလွင်ႈၼပ်ႉယမ်ပၵ်းပိူင် ၵူႈၸိုင်ႈမိူင်း ဢိၵ်ႇ မီးၵၢင်ၸႂ် ၶႂ်ႈၵႄႈလိတ်ႈပၼ်ႁႃ လူၺ်ႈလွင်ႈငမ်းယဵၼ်ၼၼ်ႉ လွင်ႈဢၼ်တုၵ်းယွၼ်းထိုင် ICJ ၼႆႉ ပဵၼ်လၵ်းထၢၼ်မၼ်း ၼႆယူႇ။
မိူဝ်ႈလိူၼ်မေႇ 28 တမ်ႈတီႈ လႅၼ်လိၼ်ထႆးလၢဝ်းၵမ်ႇပေႃးတီးယႃး သၢမ်မိူင်းတိတ်းၵၼ်ၼၼ်ႉ ထႆးလႄႈၵမ်ႇပေႃးတီးယႃး မီးလွင်ႈ ပိုတ်းယိုဝ်းၵၼ်သေ ၵူၼ်းသိုၵ်း ၵမ်ႇပေႃးတီးယႃး လႆႈတၢႆၵႂႃႇ ၵေႃႉၼိုင်ႈ။
တင်းသွင်ၽၢႆႇတႄႉ လၢတ်ႈဝႃႈ ယွၼ်ႉပိူဝ်ႈ လူဝ်ႇၵႅတ်ႇၶႄ တူဝ်ၸဝ်ႈၵဝ်ႇလႄႈ ၸင်ႇလႆႈယိုဝ်းၶိုၼ်း ဝႃႈၼႆသေတ ၼင်ႇႁိုဝ် တေဢမ်ႇမီးလွင်ႈ တုမ်ႉတိူင်ႉၵၼ်ထႅင်ႈၼၼ်ႉ လႆႈတူၵ်းလူင်းၵၼ် တႃႇၶိုၼ်းမႄးပၵ်းတမ်း ၵူၼ်းသိုၵ်းၽႂ်မၼ်းယဝ်ႉၼႆ သိုဝ်ႇၶၢဝ်ႇ AFP လၢတ်ႈၼင်ႇၼႆ။
မိူင်းၵမ်ႇပေႃးတီးယႃး လႆႈႁႃၶေႃႈတႅပ်းတတ်း တီႈ ICJ သွင်ပွၵ်ႈ မိူဝ်ႈပီ 1962 ၵဵဝ်ႇလူၺ်ႈ ၸဝ်ႈၶွင် ၵျွင်း Preah Vihear ဢၼ်မီးလွင်ႈထဵင်ထွင်ၵၼ်ၼၼ်ႉသေ မိူဝ်ႈပီ 2013 ၼၼ်ႉ လႆႈႁႃၶေႃႈတႅပ်းတတ်း လွင်ႈဢႃႇၼႃႇ တီႈလိၼ် ႁိမ်းႁွမ်း ၵျွင်းၼၼ်ႉ ႁႂ်ႈပေႃးလႆႈ လွင်ႈၸႅင်ႈလႅင်းမႃးၼၼ်ႉယဝ်ႉ။
လူင်ပွင်ၸိုင်ႈတင်းသွင်မိူင်း ပၼ်ၵႂၢမ်းမၼ်ႈဝႃႈ တေဢုပ်ႇဢူဝ်းၵၼ်သေ တေၵႄႈလိတ်ႈပၼ်ႁႃၼႆႉသေ တေႁဵတ်းႁႂ်ႈ လွင်ႈၸႂ်ႁၵ်ႉၸိူဝ်ႉၸၢတ်ႈ ယဵၼ်ၵႂႃႇၼႆသေတႃႉ ၵုင်းထဵပ်ႈ လႆႈလွၵ်ႇငိူတ်ႈဝႃႈ တေဢိုတ်းလႅၼ်လိၼ်သေ တေတတ်းပႅတ်ႈ ၾႆးၾႃႉ ဢၼ်ပၼ်မိူင်းႁိမ်းႁွမ်းဝႆႉၼၼ်ႉယူႇ။
ၽၼူမ်းပႅၼ်ႇ ပိုၼ်ၽၢဝ်ႇဝႃႈ တေၵိုတ်းယိုတ်း လွင်ႈသိုဝ်ႉၾႆးၾႃႉ မိူင်းထႆး၊ ယဝ်ႉၵေႃႈ လႆႈၸီႉသင်ႇဝႆႉ ႁူင်းပွႆႇငဝ်းႁၢင်ႈသဵင် ၼႂ်းပိုၼ်ႉတီႈဝႃႈ ယႃႇပေၼႄၸိူင်းထႆး ၼႆယဝ်ႉ။
ငိူၼ်ႈငဝ်ႈၶၢဝ်ႇ
[မႄးထတ်း | မႄးထတ်းငဝ်ႈငႃႇ]- Panu Wongcha-um and Chantha Lach. "Cambodia turns to World Court over Thailand border disputes" — Reuters, JUNE 15, 2025
- Bangkok Post. "Cambodia asks International Court of Justice to rule on 4 disputed border areas" — Bangkok Post, JUNE 15, 2025
- David Hutt. "Does Cambodia Really Want to Take Its Disputes With Thailand to the ICJ?" — The Diplomat, JUNE 12, 2025
- Joseph O' Connor. "Cambodia files complaint against Thailand with International Court of Justice (ICJ). What comes next?" — Thai Examiner, JUNE 15, 2025
