Jump to content

ဢိတ်ႇသရေး လူမ်ႇတိုၵ်းဢွင်ႈၼိဝ်ႇလႄႈရွၵ်ႉၶႅတ်ႉ ဢီႇရၢၼ်း

ထႅမ်သႂ်ႇ လိင်ႉၶ်
လုၵ်ႉတီႈ ဝီႇၶီႇၶၢဝ်ႇ မႃး

ဝၼ်းသုၵ်း၊ ၸုၼ်ႇ 13၊ 2025

ဢိတ်ႇသရေး လူမ်ႇတိုၵ်းဢွင်ႈၼိဝ်ႇလႄႈရွၵ်ႉၶႅတ်ႉ တီႇရီႇရၼ်ႇ၊ ဢီႇရၢၼ်း

ၼႂ်ၼႆႉ ဢိတ်ႇသရေးၶဝ် လူမ်ႇတိုၵ်း ဢွင်ႈတီႈမီးၼိဝ်ႇၶလီးယႃး လႄႈ ဢွင်ႈတီႈမီးရွၵ်ႉၶႅတ်ႉယိုဝ်းၵႆ ဢၼ်မီးဝႆႉ တီႈတီႇႁီႇရၼ်ႇ ၼႂ်းမိူင်းဢီႇရၢၼ်းၼၼ်ႉယဝ်ႉ။

ၶုၼ်ၽွင်းၽၢႆႇၵႅတ်ႇၶႄ ဢိတ်ႇသရေး ဢၼ်ၸိုဝ်ႈဝႃႈ ဢိၼ်ႉသရေးၵၢၼ်ႉသ် လၢတ်ႈဝႃႈ "ပဵၼ်ၵၢၼ်တိုၵ်းတၼ်းၸဝ်ႉ"ၼႆယူႇ။ ယွၼ်ႉဢိတ်ႇသရေး မႃးတိုၵ်းၼင်ႇၼႆလႄႈ ၽၢႆႇဢီႇရၢၼ်ႇၶဝ် ပိုၼ်ၶၢဝ်ႇဝႆႉ ပဵၼ်ၶၢဝ်းၶိုၵ်းၶၵ်းဝႆႉ။ လႆႈငိၼ်းသဵင်တႅၵ်ႇလင်မေႃး ၸဵင်ႇႁွင်ႇဝၼ်းဢွၵ်ႇ ဝဵင်းတီႇႁီႇရၼ်ႇသေ ပဵၼ်ယွၼ်ႉသင်ၼႆ ပႆႇႁူႉ။

ၽၢႆႇဢိတ်ႇသရေးၶဝ်တႄႉ ၾၢင်ႉသတိၵႅတ်ႇၶႄဝႆႉထႃႈ ယူဝ်ၸၢင်ႈမီး ဢၼ်တွပ်ႇတႅၼ်းၶိုၼ်းၼႆလႄႈ ပေႃးဢမ်ႇမီးလွင်ႈယႂ်ႇၸိုင် ႁၢမ်ႈဝႆႉ တႃႇတေၵႂႃႇႁူင်းႁဵၼ်း တႃႇၵူၼ်းၼမ် တေယူႇၸူႉတွမ်ၵၼ်ယူႇ။

လွင်ႈဢၼ် ဢီႇရၢၼ်း ႁဵတ်းသၢင်ႈ လွင်ႈၼိဝ်ႇၵလီးယႃး ၶိုၼ်ႈယႂ်ႇဝႆးၼၼ်ႉ ပဵၼ်လွင်ႈၶဵင်ႈၶႅင်ၵၼ်သေ ၽူႈဢွၼ်ႁူဝ်သုင်သုတ်း ဢႃႇယႃႇတူဝ်ႇလႃႇ ဢႃႇလီႇၶႃႇမႅၼ်ႇၼီႇ ပၼ်ၾၢင်ႉဝႃႈ တေပၼ်တၢမ်ႇ ႁၢဝ်ႈႁႅင်း တီႈဢိတ်ႇသရေးၼႆယဝ်ႉ။ ဢိတ်ႇသရေး လၢတ်ႈဝႃႈ ဢီႇရၢၼ်း လႆႈပွႆႇ ႁိူဝ်းမိၼ် ဢမ်ႇမီးၵူၼ်းၶီႇ တႃႇတေတုမ်ႉတွပ်ႇ ဢွၼ်တၢင်းသုတ်းၼႆယဝ်ႉ။

ဢွင်ႈတီႈလၢႆလၢႆတီႈ ၼႂ်းမိူင်းဢီႇရၢၼ်းၼၼ်ႉ လႆႈထုၵ်ႇယိုဝ်းသႂ်ႇ ပႃးၸဵမ် ႁူင်းၵၢၼ် ၼိဝ်ႇၵလီးယႃး ဢၼ်ပဵၼ်ပိူင်လူင် မိူင်းဢီႇရၢၼ်း ဢၼ်လႆႈႁၼ် ၵႂၼ်းၽႆးလမ် ၶိုၼ်ႈမႃး ၼႂ်းလူမ်းၼၼ်ႉယဝ်ႉ။

ၽူႈဢွၼ်ႁူဝ် တပ်ႉသိုၵ်းလုၵ်ႉၽိုၼ်ႉ ဢီႇရၢၼ်ႇ ဢၼ်ပဵၼ် ၸွမ်သိုၵ်းလူင် Hossein Salami ၼၼ်ႉ လႆႈတၢႆၵႂႃႇယဝ်ႉၼႆ ငဝ်းႁၢင်ႈသဵင် ၸိုင်ႈမိူင်း ဢီႇရၢၼ်း ပိုၼ်ၽၢဝ်ႇဝႆႉၼင်ႇၼႆ။

ငဝ်းႁၢင်ႈသဵင် လူင်ပွင်ၸိုင်ႈ ဢီႇရၢၼ်း မၵ်းမၼ်ႈဝႃႈ ၽူႈၵွၼ်းတပ်ႉသိုၵ်း ဢီႇရၢၼ်ႇ ၸွမ်သိုၵ်းလူင် မူဝ်ႇႁႃႇမတ်ႉ ပႃႇၵျီႇရီႇၵေႃႈ လႆႈတၢႆၵႂႃႇၼႆယဝ်ႉ။ ၽူႈမီးၸၼ်ႉသုင် ၽၢႆႇသိုၵ်း လႄႈ ၽူႈလူင်ႉလႅၼ်ႇပၢႆးသၢႆႊ တၢင်ႇၸိူဝ်း လႆႈတၢႆၵႂႃႇ ဝႃႈၼႆယဝ်ႉ။

ဢမႄႇရိၵၢၼ်ႇတႄႉ ပိုၼ်ၽၢဝ်ႇဝႃႈ လွင်ႈၼႆႉ ၶဝ်ဢၼ်ၵဵဝ်ႇၵပ်းၸွမ်းသင်ၼႆယဝ်ႉ။

ငိူၼ်ႈငဝ်ႈၶၢဝ်ႇ

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=ဢိတ်ႇသရေး_လူမ်ႇတိုၵ်းဢွင်ႈၼိဝ်ႇလႄႈရွၵ်ႉၶႅတ်ႉ_ဢီႇရၢၼ်း&oldid=11849"